ຂປລ
ຄະນະກຳມະການສົ່ງເສີມ ການຄ້າສາກົນຈີນ ແຈ້ງໃຫ້ຮູ້ວ່າ: ກອງປະຊຸມ ສຸດຍອດຜູ້ນຳ ອຸດສາຫະກຳການຄ້າ ຂອງອົງການຮ່ວມມື ເສດຖະກິດ ອາຊີ-ປາຊີຟິກ ຫລື APEC ປີ 2026 ຈະຈັດຂຶ້ນຢູ່ນະຄອນເຊີນເຈີ້ນຂອງ ສປ ຈີນໃນລະຫວ່າງ ວັນທີ 17-18 ພະຈິກປີນີ້.
ຂປລ.ວິທະຍຸ-ໂທລະພາບສູນກາງຈີນ, ວັນທີ 10 ກັນຍານີ້, ຄະນະກຳມະການສົ່ງເສີມ ການຄ້າສາກົນຈີນ ແຈ້ງໃຫ້ຮູ້ວ່າ: ກອງປະຊຸມ ສຸດຍອດຜູ້ນຳ ອຸດສາຫະກຳການຄ້າ ຂອງອົງການຮ່ວມມື ເສດຖະກິດ ອາຊີ-ປາຊີຟິກ ຫລື APEC ປີ 2026 ຈະຈັດຂຶ້ນຢູ່ນະຄອນເຊີນເຈີ້ນຂອງ ສປ ຈີນໃນລະຫວ່າງ ວັນທີ 17-18 ພະຈິກປີນີ້. ກອງປະຊຸມຄັ້ງນີ້ ຈັດຂຶ້ນໂດຍຄະນະກຳມະການສົ່ງເສີມ ການຄ້າສາກົນຈີນ ພາຍໃຕ້ຫົວຂໍ້ “ຊຸກຍູ້ຄວາມຈະເລີນຮຸ່ງເຮືອງຮ່ວມກັນ, ເອົາຊະນະໃນອະນາຄົດຮ່ວມກັນ”, ຈະເຊື້ອເຊີນ ຜູ້ຕາງໜ້າຈາກວົງການການເມືອງ ແລະ ການຄ້າຂອງກຸ່ມເສດຖະກິດ APEC ປະມານ 1.000 ຄົນເຂົ້າຮ່ວມ ເພື່ອດຳເນີນການແລກປ່ຽນ ແລະ ປຶກສາຫາລືກ່ຽວກັບ ຫົວຂໍ້ຕ່າງໆ ເຊັ່ນ: ການກໍ່ສ້າງເຂດການຄ້າເສລີ ອາຊີ-ປາຊີຟິກ, ການເຊື່ອມໂຍງ ເຊື່ອມຈອດກັນ, ປັນຍາປະດິດ ແລະ ການພັດທະນາ ແບບຍືນຍົງ ເປັນຕົ້ນ, ສະເໜີຄວາມເຫັນ ເພື່ອຊຸກຍູ້ການເຕີບໂຕຂອງເສດຖະກິດ ອາຊີ-ປາຊີຟິກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
