ຂປລ
ໃນ 8 ເດືອນຂອງປີ 2026, ການສົ່ງອອກ ເຂົ້າສານ ບັນລຸ ຫລາຍກ່ວາ 6 ລ້ານໂຕນ, ດ້ວຍມູນຄ່າ ການສົ່ງອອກບັນລຸເກືອບ 2,91 ຕື້ໂດລາສະຫະລັດ, ຫລຸດລົງ ເມື່ອທຽບກັບ ໄລຍະດຽວກັນ ຂອງປີ 2025.
ຂປ.ວິທະຍຸ ກະຈ່າຍສຽງ ຫວຽດນາມ, ຕາມກະຊວງກະສິກຳ ແລະ ສິ່ງແວດລ້ອມ ຫວຽດນາມ, ໃນ 8 ເດືອນຂອງປີ 2026, ການສົ່ງອອກ ເຂົ້າສານ ບັນລຸ ຫລາຍກ່ວາ 6 ລ້ານໂຕນ, ດ້ວຍມູນຄ່າ ການສົ່ງອອກ ບັນລຸເກືອບ 2,91 ຕື້ໂດລາສະຫະລັດ, ຫລຸດລົງເມື່ອທຽບກັບ ໄລຍະດຽວກັນຂອງປີ 2025. ເຖິງແນວນັ້ນກໍ່ຕາມ, ລາຄາສົ່ງອອກ ເລີ່ມຟື້ນຟູ ພ້ອມກັບ ບັນດາການປ່ຽນແປງ ກ່ຽວກັບ ການສະໜອງ-ຄວາມຕ້ອງການ ຢູ່ບັນດາຕະຫລາດໃຫ່ຍ ທີ່ພວມສ້າງໂອກາດ ຕື່ມອີກ ເພື່ອໃຫ້ຂະແໜງນີ້ ເພີ່ມລະດັບຄວາມໄວ ໃນເວລາທ້າຍປີ. ໜ້າສົນໃຈແມ່ນ, ໃນເດືອນກໍລະກົດປີ 2026, ລາຄາສົ່ງອອກເຂົ້າສານ ສະເລ່ຍ ບັນລຸ 511 ໂດລາ ສະຫະລັດ/ໂຕນ, ເປັນຄັ້ງທຳອິດໃນປີ ໄດ້ເພີ່ມຂຶ້ນ ເມື່ອທຽບກັບ ໄລຍະດຽວກັນຂອງປີ 2025, ດ້ວຍລະດັບ ເພີ່ມຂຶ້ນ 5,8%. ຄາດວ່າ ທັງປີ 2026, ຍອດວົງເງິນສົ່ງອອກເຂົ້າສານຂອງ ສສ ຫວຽດນາມ ບັນລຸປະມານ 3,94 ຕື້ໂດລາສະຫະລັດ, ຫລຸດ 4% ເມື່ອທຽບກັບ ໄລຍະດຽວກັນຂອງປີ 2025. ສາຍເຫດຕົ້ນຕໍ ແມ່ນລາຄາສົ່ງອອກຕ່ຳ ໃນຊຸມເດືອນຕົ້ນປີ. ແຕ່ເຖິງແນວນັ້ນກໍ່ຕາມ, ທ່າຟື້ນຟູລາຄາ ນັບແຕ່ເດືອນກໍລະກົດ ອາດຈະປະກອບສ່ວນ ປັບປຸງວົງເງິນສົ່ງອອກ ໃນຊຸມເດືອນທ້າຍປີ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
