ຂປລ
ສປ ຈີນ ໄດ້ສົ່ງດາວທຽມ 6 ດວງຂຶ້ນສູ່ ອະວະກາດ ຢ່າງສຳເລັດຜົນ ດ້ວຍຈະຫລວດ ສົ່ງຍານສາງເຈີ່ງ CZ-4B, ໃນນັ້ນ ມີດາວທຽມສໍາຫລວດ ໄລຍະໄກເລກ 53 3 ດວງ ແລະ ດາວທຽມສໍາຫລວດ ໄລຍະໄກ ເລກ 56 3 ດວງ.
ຂປລ.ວິທະຍຸ ໂທລະພາບ ສູນກາງຈີນ, ເວລາ 17 ໂມງຂອງວັນທີ 10 ກັນຍານີ້ ຢູ່ຖານສົ່ງດາວທຽມ ຈິວສວນຂອງ ສປ ຈີນ, ສປ ຈີນ ໄດ້ສົ່ງດາວທຽມ 6 ດວງຂຶ້ນສູ່ ອະວະກາດ ຢ່າງສຳເລັດຜົນ ດ້ວຍຈະຫລວດ ສົ່ງຍານສາງເຈີ່ງ CZ-4B, ໃນນັ້ນ ມີດາວທຽມສໍາຫລວດ ໄລຍະໄກເລກ 53 3 ດວງ ແລະ ດາວທຽມສໍາຫລວດ ໄລຍະໄກ ເລກ 56 3 ດວງ. ດາວທຽມທັງ 6 ດວງໄດ້ເຂົ້າສູ່ ວົງໂຄຈອນ ທີ່ກຳນົດໄວ້ລ່ວງໜ້າ, ເຮັດໃຫ້ການປະຕິບັດພາລະກິດ ສົ່ງດາວທຽມຂຶ້ນສູ່ອະວະກາດ ໃນຄັ້ງນີ້ ໄດ້ຮັບຜົນສໍາເລັດຢ່າງຈົບງາມ. ດາວທຽມເຫລົ່ານີ້ ຕົ້ນຕໍແມ່ນ ໃຊ້ໃນການທົດລອງ ທາງດ້ານວິທະຍາສາດ, ການສໍາຫລວດທີ່ດິນ ແລະ ຊັບພະຍາກອນ ທໍາມະຊາດ, ການປະເມີນ ຜົນຜະລິດ ຂອງກະສິກໍາ, ການປ້ອງກັນ ແລະ ຫລຸດຜ່ອນໄພພິບັດ ແລະ ອື່ນໆ. ການສົ່ງດາວທຽມຄັ້ງນີ້ ເປັນການປະຕິບັດ ພາລະກິດ ຄັ້ງທີ 666 ຂອງຈະຫລວດ ສົ່ງຍານສາງເຈິ່ງ.\.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
