ຂປລ
ທ່ານ ໂຕເລິມ, ເລຂາທິການໃຫຍ່ ຄະນະກຳມະການສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແລະ ພັນລະຍາ ພ້ອມດ້ວຍ ຄະນະຜູ້ແທນຂັ້ນສູງ ຫວຽດນາມ ໄດ້ອອກຈາກນະຄອນຫລວງ ຮ່າໂນ້ຍ ໄປຢ້ຽມຢາມ ທາງລັດຖະກິດ ຣັດເຊຍ ແລະ ຝຣັ່ງ ຢ່າງເປັນທາງການ ແລະ ເຂົ້າຮ່ວມ ກອງປະຊຸມສຸດຍອດ ອາວະກາດ ທີ່ຝຣັ່ງ, ປະເທດຝຣັ່ງ ແຕ່ວັນທີ 7 ຫາ 12 ກັນຍານີ້.
ຂປລ.ວິທະຍຸກະຈ່າຍສຽງ ຫວຽດນາມ, ທ່ານ ໂຕເລິມ, ເລຂາທິການໃຫຍ່ ຄະນະກຳມະການສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແລະ ພັນລະຍາ ພ້ອມດ້ວຍ ຄະນະຜູ້ແທນຂັ້ນສູງ ຫວຽດນາມ ໄດ້ອອກຈາກນະຄອນຫລວງ ຮ່າໂນ້ຍ ໄປຢ້ຽມຢາມ ທາງລັດຖະກິດ ຣັດເຊຍ ແລະ ຝຣັ່ງ ຢ່າງເປັນທາງການ ແລະ ເຂົ້າຮ່ວມ ກອງປະຊຸມສຸດຍອດ ອາວະກາດ ທີ່ຝຣັ່ງ, ປະເທດຝຣັ່ງ ແຕ່ວັນທີ 7 ຫາ 12 ກັນຍານີ້. ການຢ້ຽມຢາມດັ່ງກ່າວ ດຳເນີນໄປຕາມ ການເຊື້ອເຊີນຂອງ ທ່ານ ວາລາດີເມຍ ປູຕີນ(Vladimir Putin), ປະທານາທິບໍດີ ຣັດເຊຍ ແລະ ທ່ານ ເອັມມາດູເອລ ມາໂຄຣ( Em manuel Macron), ປະທານາທິບໍດີ )ຝຣັ່ງ.ນີ້ແມ່ນ ການຢ້ຽມຢາມ ທາງລັດຖະກິດ ຣັດເຊຍ ເປັນຄັ້ງທຳອິດ ຂອງຜູ້ນຳໜ້າພັກ, ລັດ ຫວຽດນາມ ນັບແຕ່ປີ 1991, ພ້ອມກັນນັ້ນ, ກໍ່ໄດ້ດຳເນີນໄປພາຍຫລັງ ກອງປະຊຸມໃຫຍ່ ຄັ້ງທີ XIV ຂອງພັກກອມມູນິດ ຫວຽດນາມ ແລະ ການເລືອກຕັ້ງ ສະພາແຫ່ງຊາດ ຊຸດທີ XVI. ເມື່ອຕອບສຳພາດ ສຳນັກຂ່າວສານ TASS ຂອງຣັດເຊຍ ກ່ອນການຢ້ຽມຢາມ, ໃນນັ້ນ ມີເນື້ອໃນກ່ຽວຂ້ອງເຖິງ ການຮ່ວມມື ລະຫວ່າງ ສອງປະເທດ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ຢັ້ງຢືນວ່າ: ການພົວພັນຄູ່ຮ່ວມມື ຍຸດທະສາດ ຮອບດ້ານ ຫວຽດນາມ - ຣັດເຊຍ ສືບຕໍ່ແມ່ນໜຶ່ງ ໃນບັນດາບຸລິມະສິດແຖວໜ້າ, ແມ່ນການເລືອກເຟັ້ນ ຍຸດທະສາດໃນບັນດາບຸລິມະສິດແຖວໜ້າ, ແມ່ນການເລືອກເຟັ້ນ ຍຸດທະສາດ ໃນນະໂຍບາຍ ການພົວພັນ ຕ່າງປະເທດຂອງ ສສ ຫວຽດນາມ. ດັ່ງນັ້ນ, ການພັດທະນາ ແລະ ຍົກລະດັບ ການພົວພັນຮ່ວມມື ສອງຝ່າຍ ຫວຽດນາມ -ຣັດເຊຍ ໃນໄລຍະຈະມາເຖິງກວ່າອີກ ແມ່ນຜົນປະໂຫຍດຍາວນານ ຂອງສອງປະເທດ. ຕາມ ທ່ານ ເລຂາທິການໃຫຍ່, ປະທານປະເທດ ໂຕເລີມແລ້ວ, ໄປຄຽງຄູ່ກັບບັນດາຂົງເຂດ ທີ່ເປັນມູນເຊື້ອ, ຄື: ການສຶກສາບຳລຸງສ້າງ, ພະລັງງານ, ວັດທະນະທຳ, ສິລະປະ ແມ່ນພື້ນຖານ ຕ້ອງສືບຕໍ່ໄດ້ປັບປຸງ ແລະ ເຮັດໃໝ່, ບັນດາຂົງເຂດໃໝ່ຄື: ການເດີນທະເລ, ເສັ້ນທາງລົດໄຟ, ອາວະກາດ, ວິທະຍາສາດເຕັກໂນໂລຊີ, ນະວັດຕະກຳ, ເຕັກໂນໂລຊີ ດີຈີຕອນ, ຕ້ອງໄດ້ຫັນເປັນລະອຽດ ດ້ວຍບັນດາໂຄງການ ແບບຍືນຍົງ, ຍາວນານ ແລະ ຍຸດທະສາດ. ທ່ານ ເລຂາທິການໃຫຍ່, ປະທານປະເທດ ຫວຽດນາມ ເຊື່ອໝັ້ນວ່າ: ການພົວພັນຄູ່ ຮ່ວມມື ຍຸດທະສາດຮອບດ້ານ ຫວຽດນາມ-ຣັດເຊຍ ຈະສືບຕໍ່ພັດທະນາ ຢ່າງແຮງ, ແທດຈິງ, ມີປະສິດທິຜົນ, ປະກອບສ່ວນຕັ້ງໜ້າ ເຂົ້າໃນພາລະກິດ ແຫ່ງການສ້າງສາ ແລະ ພັດທະນາ ຂອງແຕ່ລະປະເທດ, ເພື່ອຜົນປະໂຫຍດ ຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາ ຂອງພາກພື້ນ ແລະ ຢູ່ໃນໂລກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
