ຂປລ
ກອງປະຊຸມພົບປະ ທາງການຄ້າ ແລະ ການລົງທຶນສາກົນຈີນ ຄັ້ງທີ 26 ຈະຈັດຂຶ້ນຢູ່ ນະຄອນເຊ້ຍເໝິນ ແຂວງຝູຈ້ຽນຈີນ ລະຫວ່າງ ວັນທີ 8 ຫາ 11 ກັນຍານີ້ ໂດຍໄດ້ດຶງດູດ ອົງການຂອງລັດຖະບານ ແລະ ພາກທຸລະກິດ 1.200 ກວ່າ ອົງການຈາກ 129 ປະເທດ ແລະ ເຂດແຄວ້ນ
ຂປລ.ວິທະຍຸ ໂທລະພາບ ສູນກາງຈີນ, ກອງປະຊຸມພົບປະ ທາງການຄ້າ ແລະ ການລົງທຶນສາກົນຈີນ ຄັ້ງທີ 26 ຈະຈັດຂຶ້ນຢູ່ ນະຄອນເຊ້ຍເໝິນ ແຂວງຝູຈ້ຽນຈີນ ລະຫວ່າງ ວັນທີ 8 ຫາ 11 ກັນຍານີ້ ໂດຍໄດ້ດຶງດູດ ອົງການຂອງລັດຖະບານ ແລະ ພາກທຸລະກິດ 1.200 ກວ່າ ອົງການຈາກ 129 ປະເທດ ແລະ ເຂດແຄວ້ນ ພ້ອມດ້ວຍ 30 ອົງການຈັດຕັ້ງສາກົນ ເຂົ້າຮ່ວມ. ກອງປະຊຸມຄັ້ງນີ້ ຈະປິ່ນອ້ອມ 3 ພາກສ່ວນຫລັກ ຄື: ການລົງທຶນຢູ່ ສປ ຈີນ, ການລົງທຶນຈາກສປ ຈີນ ແລະ ການລົງທຶນສາກົນ ໂດຍຈັດສັນເນື້ອທີ່ ວາງສະແດງ 200.000 ກວ່າຕາແມັດ ແລະ ເຂດວາງສະແດງ ພິເສດ 14 ເຂດ, ຊຶ່ງຈະຈັດກິດຈະກຳ ທີ່ມີຫົວຂໍ້ສະເພາະ 46 ຄັ້ງ ແລະ ກິດຈະກຳ ໂຄສະນາ ໂຄງການ 52 ຄັ້ງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
