ຂປລ
ກອງປະຊຸມ ສຳມະນາ ວິຊາການສາກົນ ກ່ຽວກັບ ແນວຄິດທາງວັດທະນະທຳ ຂອງສີ ຈິ້ນຜິງ ຄັ້ງທີ 2 ພາຍໃຕ້ຫົວຂໍ້ “ເສີມສ້າງ ເອກະລັກ ທາງວັດທະນະທຳ ເພື່ອຊຸກຍູ້ຄວາມທັນສະໄໝແບບຈີນ” ໄດ້ຈັດຂຶ້ນຢູ່ ນະຄອນເຊິນເຈິ້ນ ແຂວງ ກວາງຕຸ້ງຈີນ ໃນວັນທີ 6 ກັນຍານີ້
ຂປລ.ວິທະຍຸ ໂທລະພາບ ສູນກາງຈີນ, ກອງປະຊຸມ ສຳມະນາ ວິຊາການສາກົນ ກ່ຽວກັບ ແນວຄິດທາງວັດທະນະທຳ ຂອງສີ ຈິ້ນຜິງ ຄັ້ງທີ 2 ພາຍໃຕ້ຫົວຂໍ້ “ເສີມສ້າງ ເອກະລັກ ທາງວັດທະນະທຳ ເພື່ອຊຸກຍູ້ຄວາມທັນສະໄໝແບບຈີນ” ໄດ້ຈັດຂຶ້ນຢູ່ ນະຄອນເຊິນເຈິ້ນ ແຂວງກວາງຕຸ້ງຈີນ ໃນວັນທີ 6 ກັນຍານີ້ ໂດຍມີ ຜູ້ຊ່ຽວຊານ ແລະ ແຂກຜູ້ມີກຽດ ປະມານ 130 ຄົນ ຈາກອົງການຄົ້ນຄວ້າ ທີ່ກ່ຽວຂ້ອງ ແລະ ສະຖາບັນ ການສຶກສາຊັ້ນສູງ ພາຍໃນປະເທດ ພ້ອມດ້ວຍ ຜູ້ຊ່ຽວຊານຕ່າງປະເທດ ທີ່ຄົ້ນຄວ້າແນວຄິດ ວັດທະນະທຳ ສີ ຈິ້ນຜິງ ແລະ ອະລິຍະທຳຈີນ ເຂົ້າຮ່ວມ.ຜູ້ຊ່ຽວຊານ ທັງພາຍໃນ ແລະ ຕ່າງປະເທດ ທີ່ເຂົ້າຮ່ວມກອງປະຊຸມເຫັນວ່າ: ຄວາມທັນສະໄໝແບບຈີນ ໄດ້ສະໜອງແນວຄິດສຳຄັນໃຫ້ແກ່ ບັນດາປະເທດເຂດໂລກໃຕ້ ເພື່ອຄົ້ນຄວ້າເສັ້ນທາງຫັນເປັນທັນສະໄໝ ດ້ວຍຕົນເອງ. ການເສີມສ້າງ ເອກະລັກ ທາງວັດທະນະທຳ ແລະ ການລົງເລິກການແລກປ່ຽນແລະຮຽນຮູ້ເຊິ່ງກັນແລະກັນ ລະຫວ່າງ ອະລິຍະທຳ, ສາມາດຊ່ວຍໃຫ້ອະລິຍະທຳ ທີ່ແຕກຕ່າງກັນ ເພີ່ມຄວາມເຂົ້າໃຈກັນຜ່ານການເຄົາລົບ ເຊິ່ງກັນແລະກັນ ແລະ ເຕົ້າໂຮມຄວາມຮັບຮູ້ທີ່ເປັນເອກະພາບກັນ ໃນການແລກປ່ຽນ ແລະ ສົນທະນາກັນ ເພື່ອຮ່ວມກັນຮັບມືກັບ ສິ່ງທ້າທາຍທົ່ວໂລກ ທີ່ສັງຄົມມະນຸດ ພວມຜະເຊີນຮ່ວມກັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
