ຂປລ.   ໂອກາດນ້ີ, ສະຫາຍ ນາງ ພອນວັນ ອຸທະວົງ ໄດ້ຜ່ານຮ່າງລາຍງານການເມືອງຂອງຄະນະບໍລິຫານງານພັກຄະນະກໍາມະການສ່ົງເສີມ ແລະ ຄຸ້ມຄອງການລົງທຶນ. ຈາກນ້ັນ, ສະຫາຍ ວັນທະນາ ນໍລິນທາ ຮອງເລຂາຄະນະບໍລິຫານງານພັກ ຄລທ ກໍໄດ້ຜ່ານຮ່າງແຜນ ພັດທະນາຂະແໜງການສົ່ງເສີມ ແລະ ຄຸ້ມຄອງການລົງທຶນ. ຈາກນ້ັນ, ກອງປະຊຸມໄດ້ພ້ອມກັນຄ້ົນ ຄວ້າ, ປະກອບຄໍາຄິດຄໍາເຫັນຕ່ໍ ຮ່າງລາຍງານການເມືອງ, ແຜນ ພັດທະນາຂະແໜງການສົ່ງເສີມ ແລະ ຄຸ້ມຄອງການລົງທຶນ ຊຶ່ງໄດ້ ຕີລາຄາດ້ານດີ, ດ້ານອ່ອນ, ຂ້ໍຄົງຄ້າງ, ສາເຫດ, ບົດຮຽນໃນການນໍາພາ-ຊີ້ນໍາ ໃນການຈັດຕັ້ງປະຕິບັດ ມະຕິກອງປະຊຸມໃນໄລຍະຜ່ານມາ. ກອງປະຊຸມໄດ້ລົງປະຊາມະຕິຮັບ ຮອງເອົາບົດລາຍງານການເມືອງ ແລະ ແຜນພັດທະນາຂະແໜງການ ລົງທຶນ ໄລຍະ 5 ປີເພື່ອເປັນບ່ອນ ອີງຈັດຕັ້ງປະຕິບັດວຽກງານວິຊາ ສະເພາະຂອງອົງຄະນະພັກ ຄລທ ໃນໄລຍະ 5 ປີຕໍ່ໜ້າ. 

ໂອກາດນ້ີ, ສະຫາຍ ສະເຫລີມໄຊ ກົມມະສິດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດກອງປະຊຸມ, ພ້ອມທັງຮຽກຮ້ອງມາຍັງຄະນະບໍລິຫານງານພັກ ຄລທ ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານເພີ່ມຄວາມຮັບຜິດຊອບໃຫ້ສູງຂຶ້ນ, ມີຄວາມເດັດຂາດ ແລະ ເປັນເຈົ້າການສູງຂຶ້ນໃນການຜັນຂະຫຍາຍເຂົ້າສູ່ວຽກງານຕົວຈິງ ເພື່ອປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃນຊຸມປີຕ່ໍໜ້າໃຫ້ບັນລຸຄາດໝາຍທີ່ວາງໄວ້, ເປັນເສນາ ທິການທີ່ເຂັ້ມແຂງໃຫ້ລັດຖະບານ ໃນການຄຸ້ມຄອງມະຫາພາກດ້ານ ການສົ່ງເສີມ ແລະ ຄຸ້ມຄອງການ ລົງທຶນ; ປັບປຸງການສ້າງແຜນໃນ ໄລຍະໃໝ່ ໃຫ້ແທດເໝາະຕົວຈິງ ຫລາຍຂ້ຶນ ແລະ ມີວິທະຍາສາດ, ປະຕິຮູບການລົງທຶນທັງພາກລັດ ແລະ ເອກະຊົນທັງພາຍໃນ ແລະ ຕ່າງປະເທດໃຫ້ມີການຫັນປ່ຽນໃໝ່ ຢ່າງຕັ້ງໜ້າ ໂດຍສະເພາະການຈັດ ລຽງບຸລິມະສິດ ແລະ ໂຄງການ ທ່ີຮີບດ່ວນ, ຈໍາເປັນ ແລະ ໃຫ້ປະໂຫຍດແກ່ສັງຄົມ, ມີປະສິດທິຜົນ ແລະ ເຫັນຜົນໄວທາງດ້ານເສດຖະ ກິດທີ່ແທ້ຈິງຄຽງຄູ່ກັບການຈໍາກັດ ໂຄງການທີ່ບໍ່ມີປະສິດທິຜົນ ແລະ ໂຄງການລົງທຶນທີ່ແກ່ຍາວ; ເພີ່ມ ທະວີຮ່ວມມືກັບສາກົນ, ຮ່ວມມື ລາວ-ຫວຽດນາມ ແລະ ຮ່ວມມື ລາວ-ຈີນ ການຮ່ວມມືຫລາຍຝ່າຍ, ສອງຝ່າຍ ແລະ ຂອບຮ່ວມມືຕ່າງໆ; ເອົາໃຈໃສ່ແຕ່ຫົວທີວຽກງານປະ ເມີນຜົນໂຄງການລົງທຶນໃນແຕ່ລະ ໄລຍະ, ເລັ່ງໃສ່ການຕິດຕາມ-ກວດ ກາ ແລະ ປະເມີນໂຄງການຢ່າງເປັນລະບົບປົກກະຕິ ແລະ ຕ້ອງມີມາດຕະ ການແກ້ໄຂຢ່າງເຂ້ັມງວດ;  ເລ່ັງຄ້ົນ ຄວ້າສ້າງ ຫລື ປັບປຸງບັນດານິຕິກໍາ ຕ່າງໆໃນການດຶງດູດ, ບໍລິການ ແລະ ຄຸ້ມຄອງການລົງທຶນ ແລະ ວຽກ ງານອື່ນໆ, ເຮັດໃຫ້ການລົງທຶນ ເອກະຊົນພາຍໃນ ແລະ ການລົງທຶນ ໂດຍກົງຈາກຕ່າງປະເທດ (FDI) ມີຄຸນນະພາບສູງຂຶ້ນປະກອບສ່ວນ ພັດທະນາເສດຖະກິດ-ສັງຄົມ ຕາມ ທິດສີຂຽວ ແລະ ຍືນຍົງ.

KPL