ຂປລ
ກິດຈະກຳທີ່ມີຊື່ວ່າ “ອະນາຄົດ: ຄ້າຍຝຶກອົບຮົມຄວາມເປັນຜູ້ນຳພາ ຂອງນັກຮຽນທະຫານ ເຮືອສາກົນ” ພາຍໃຕ້ຫົວຂໍ້ “ແລ່ນເຮືອ ລ່ອງຕາມຄື້ນ ກ້າວຂ້າມ” ໄດ້ຈັດຂຶ້ນຢູ່ນະຄອນຢ່ຽນໄຖແຂວງຊ່ານຕົ່ງຂອງ ສປ ຈີນ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 24 ສິງຫານີ້, ກິດຈະກຳທີ່ມີຊື່ວ່າ “ອະນາຄົດ: ຄ້າຍຝຶກອົບຮົມຄວາມເປັນຜູ້ນຳພາ ຂອງນັກຮຽນທະຫານ ເຮືອສາກົນ” ພາຍໃຕ້ຫົວຂໍ້ “ແລ່ນເຮືອ ລ່ອງຕາມຄື້ນ ກ້າວຂ້າມ” ໄດ້ຈັດຂຶ້ນຢູ່ນະຄອນຢ່ຽນໄຖ ແຂວງຊ່ານຕົ່ງຂອງ ສປ ຈີນ. ໃນໄລຍະຈັດກິດຈະກຳ, ນັກຮຽນທີ່ມາຈາກ ໂຮງຮຽນກອງທັບເຮືອຂອງ ສປ ຈີນ, ປາກິດສະຖານ, ອິນໂດເນເຊຍ, ສິງກະໂປ, ສສ ຫວຽດນາມ ແລະ ປະເທດອື່ນໆ ຈະຮ່ວມກັນຝຶກຊ້ອມ ເພື່ອແລກປ່ຽນກັນ ແລະ ເຊື່ອມໂຍງເຂົ້າກັນ ເປັນເວລາ 1 ອາທິດ. ກິດຈະກຳຄັ້ງນີ້ ແມ່ນກອງທັບເຮືອຈີນ ເປັນເຈົ້າພາບ, ມະຫາ ວິທະຍາໄລ ການບິນກອງທັບເຮືອ ເປັນຝ່າຍ ຈັດຕັ້ງປະຕິບັດ, ເຊິ່ງມີຈຸດປະສົງ ເພື່ອສ້າງເວທີແລກປ່ຽນສາກົນລະຫວ່າງ ນັກຮຽນນາຍທະຫານຊາວໜຸ່ມ ຂອງກອງທັບເຮືອ ແຕ່ລະປະເທດ, ຊຸກຍູ້ ການຖອດຖອນ ບົດຮຽນ ແລະ ການແລກປ່ຽນກັນ ຢ່າງມີໄມຕີຈິດ ລະຫວ່າງ “ວາທີ່ນາຍທະຫານ” ຂອງແຕ່ລະປະເທດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
