ຂປລ
ຂປລ. ແຫລ່ງຂ່າວຈາກແຂວງ ອັດຕະປື ໃຫ້ຮູ້ວ່າ: ສຳມະນາວິທະ ຍາສາດ ເນື່ອງໃນໂອກາດສະເຫລີມ ສະຫລອງວັນສ້າງຕັ້ງສື່ມວນຊົນ ແລະ ການພິມຈໍາໜ່າຍ ຄົບຮອບ 76 ປີ (13 ສິງຫາ 1950 - 13 ສິງຫາ 2026) ຈັດຂຶ້ນໃນວັນທີ13 ສິງຫາ 2026 ທີ່ຫໍປະຊຸມໃຫຍ່ ຂອງແຂວງ ໂດຍມີ ທ່ານ ນາງ ມີນາພອນ ໄຊສົມພູ ຮອງເລຂາພັກ ແຂວງ, ຜູ້ຊີ້ນນຳວຽກງານການ ເມືອງແນວຄິດ ພັກ-ພະນັກງານ, ທ່ານ ກົງຈັກ ສີສະຫວາດ ຫົວໜ້າ ຄະນະໂຄສະນາອົບຮົມແຂວງ ອັດຕະປື ພ້ອມດ້ວຍພະແນກການ ອ້ອມຂ້າງແຂວງ, ກຳລັງ ປກສ -ປກຊ, ອະດີດພະນັກງານການ ນຳ, ພະນັກງານອາວຸໂສບໍານານ ແລະ ວິຊາການອ້ອມຂ້າງແຂວງ ເຂົ້າຮ່ວມ.
ທ່ານ ກົງຈັກ ສີສະຫວາດ ໄດ້ ກ່າວວ່າ: ການສໍາມະນາວິທະຍາ ສາດ ເປັນຄັ້ງທຳອິດໄຂຂຶ້ນພາຍໃຕ້ ໃນຫົວຂໍ້ “ຍົກສູງຄຸນນະພາບ ວຽກງານສື່ມວນຊົນ ຢູ່ແຂວງ ອັດຕະປື ໃນເງື່ອນໄຂໃໝ່”. ເລີ່ມ ແຕ່ປີ 2025 ເປັນຕົ້ນມາ ປະຕິບັດ ຕາມມະຕິຂອງພັກ ກ່ຽວກັບການ ປັບປຸງ ກົງຈັກການຈັດຕັ້ງ ຊຶ່ງໄດ້ ໂອນວຽກງານສື່ມວນຊົນ ມາຂຶ້ນກັບຄະນະໂຄສະນາອົບຮົມແຂວງ ແມ່ນບາດກ້າວການຫັນປ່ຽນສູ່ຄຸ ນະພາບໃໝ່ຢ່າງແຂງແຮງ ເພື່ອ ຮັບປະກັນ ການນໍາພາ-ຊີ້ນໍາຢ່າງ ໃກ້ຊິດ ເດັດຂາດ ໂດຍກົງ ແລະ ຮອບດ້ານ. ດັ່ງນັ້ນ, ສໍາມະນາວິທະ ຍາສາດໃນລະດັບແຂວງຄັ້ງນ້ີ ມີຄວາມໝາຍສໍາຄັນເປັນຢ່າງຍິ່ງ ທາງດ້ານທິດສະດີ ແລະ ພຶດຕິກຳ ຢູ່ຂັ້ນທ້ອງຖິ່ນເຮົາ, ຈຸດປະສົງສໍາ ຄັນ ເພື່ອຢາກໄດ້ການສະໜັບສະໜູນ ທາງດ້ານສະຕິປັນຍາ ກຳນົດທິດ ຊອກຊ່ອງທາງ ເພື່ອຍົກສູງຄຸນນະ ພາບ ພັດທະນາວຽກງານສື່ມວນ ຊົນ ຢູ່ແຂວງອັດຕະປື ໃນເງື່ອນໄຂ ໃໝ່ ແນໃສ່ເຮັດໃຫ້ພະນັກງານ ນໍາພາ-ຄຸ້ມຄອງ, ນັກຮົບສື່ມວນຊົນ ແລະ ເພື່ອນຮ່ວມງານ ກຳແໜ້ນ ແນວທາງ, ທັດສະນະ, ຫລັກການ, ທິດທາງ, ວິທີການ ແລະ ສ້າງເງື່ອນ ໄຂທີ່ສອດຄ່ອງ ຊຸກຍູ້ວຽກງານສ່ື ມວນຊົນຢູ່ທ້ອງຖິ່ນ ໃຫ້ຂະຫຍາຍ ຕົວ ຄຽງຄູ່ສະພາບການປ່ຽນແປງ ວຽກງານສື່ມວນຊົນໂລກ ໃນ ປັດຈຸບັນ.
ໃນກອງປະຊຸມ, ທ່ານ ຊີບປະ ໄຊ ສົງປະເສີດ ຮອງຫົວໜ້າຄະນະ ໂຄສະນາອົບຮົມແຂວງ ໄດ້ຜ່ານ ບົດສໍາມະນາ ໃນຫົວຂ້ໍ້ “ຍົກສູງ ຄຸນນະພາບ ວຽກງານສື່ມວນຊົນຢູ່ແຂວງອັດຕະປື ໃນເງື່ອນໄຂໃໝ່” ຊຶ່ງຕະຫລອດໄລຍະຜ່ານມາສື່ມວນ ຊົນແຂວງ ໄດ້ເປັນເຈົ້າການໃນການ ໂຄສະນາ ຕອບໂຕ້ ນະໂຍບາຍຫັນ ປ່ຽນໂດຍສັນຕິຂອງສັດຕູ, ຕີຖອຍ ຖ້ອຍທໍານອງບິດເບືອນ ໃສ່ຮ້າຍ ປ້າຍສີ ຂອງຄົນບໍ່ດີ ແລະ ອິດທິ ກຳລັງປໍລະປັກຕໍ່ການນໍາພາຂອງ ພັກ-ລັດພາຍໃນແຂວງ ກໍຄືໝາກ ຜົນໃນການພັດທະນາແຂວງເປັນ ຕົ້ນ ການຟື້ນຟູໄພພິບັດ; ການແກ້ໄຂ ບັນຫາຊາຍແດນ; ການຂຸດຄົ້ນແຮ່ ທາດ, ການແກ້ໄຂບັນຫາທ່ີດິນ ແລະ ອື່ນໆ ຊຶ່ງຄົນບໍ່ດີ ໄດ້ພະຍາຍາມສ້າງ ຂ່າວບິດເບືອນຄວາມຈິງ, ຂ່າວ ປອມ ພ້ອມທັງຄຳຄິດເຫັນກ່ຽວກັບ ສິດທິມະນຸດດ້ານສື່ມວນຊົນ, ສ່ື ມວນຊົນແຂວງໄດ້ເຮັດໜ້າທີ່ ດ້ວຍ ຄວາມຮັບຜິດຊອບໃນການນໍາພາ ຫາງສຽງສັງຄົມ, ສ້າງຄວາມຮັບຮູ້, ຄວາມເຂົ້າໃຈໃຫ້ປະຊາຊົນຢ່າງ ຖືກຕ້ອງ, ວ່ອງໄວ, ເປັນລະບົບ ແລະ ຕໍ່ເນື່ອງ. ພ້ອມນີ້, ກອງປະຊຸມຍັງໄດ້ ແລກປ່ຽນຄໍາຄິດຄໍາເຫັນກ່ຽວກັບ ບັນຫາຕ່າງໆຢ່າງກົງໄປກົງມາ ຊຶ່ງ ເປັນພື້ນຖານໃຫ້ການຍົກສູງພາລະ ບົດບາດ ແລະ ສ້າງການຫັນປ່ຽນ ຂອງວຽກງານສື່ມວນຊົນຢູ່ແຂວງ ອັດຕະປື ໃນເງື່ອນໄຂໃໝ່ ໃນ ປັດຈຸບັນ.
ຂ່າວ: ວົງສະໄໜ ສີວີໄລ
KPL
