76 ປີ ສື່ມວນຊົນລາວຫັນປ່ຽນຕາມຍຸກສະໄໝເປັນກະບອກສຽງອັນແຫລມຄົມໃຫ້ພັກ-ລັດ

17/08/2026 14:55

Email Print 29

ຂປລ ຕະຫລອດໄລຍະ 76 ປີ ຜ່ານມາ, ສື່ມວນຊົນລາວ ມີບົດບາດ ສຳຄັນໃນການເປັນກະບອກສຽງ ອັນແຫລມຄົມໃຫ້ພັກ ແລະ ລັດຖະ ບານໃນການໂຄສະນາເຜີຍແຜ່ແນວ ທາງ, ນະໂຍບາຍ ແລະ ຜົນງານ ການພັດທະນາຂອງປະເທດ, ພ້ອມ ທັງນຳສະເໜີຂ່າວສານຕ່າງໆທີ່ ເກີດຂຶ້ນໃນສັງຄົມ ໃຫ້ປະຊາຊົນຮັບ ຮູ້ຢ່າງທົ່ວເຖິງ ໂດຍມຸ່ງໝັ້ນນຳສະ ເໜີຂ່າວສານທີ່ມີຄວາມຖືກຕ້ອງ, ໜ້າເຊື່ອຖື ແລະ ເຂົ້າເຖິງປະຊາຊົນ ຢ່າງວ່ອງໄວ.

ທ່ານ ກົງໃຈ ຊຸມພົນພັກດີ ຜູ້ ອຳນວຍການລັດວິສາຫະກິດໂຮງ ພິມແຫ່ງລັດ ໃຫ້ສຳພາດຕໍ່ນັກຂ່າວສຳນັກຂ່າວສານປະເທດລາວ ໃນ ອາທິດຜ່ານມາ ເນື່ອງໃນໂອກາດ ວັນສື່ມວນຊົນ ແລະ ການພິມ ຈຳໜ່າຍ ຄົບຮອບ 76 ປີ ໂດຍ ທ່ານໄດ້ຍົກໃຫ້ເຫັນບົດບາດຄວາມ ສໍາຄັນຂອງສື່ມວນຊົນລາວ ໃນການ ເປັນກະບອກສຽງອັນແຫລມຄົມໃຫ້ ພັກ, ລັດ ໃນການໂຄສະນາເຜີຍແຜ່ ແນວທາງ, ນະໂຍບາຍຂອງພັກ, ລະບຽບກົດໝາຍຂອງລັດ ແລະ ການພັດທະນາເສດຖະກິດ-ສັງຄົມ ຂອງປະເທດໃຫ້ສັງຄົມໄດ້ຮັບຮູ້ຢ່າງ ທົ່ວເຖິງ. ທ່ານ ກົງໃຈ ຊຸມພົນພັກດີ ຍັງ ໃຫ້ຮູ້ອີກວ່າ: ການຫັນປ່ຽນຈາກສື່ ແບບດັ້ງເດີມໄປສູ່ສື່ດີຈິຕອນບໍ່ພຽງ ແຕ່ເປັນການນຳເຕັກໂນໂລຊີໃໝ່ໆ ມາໃຊ້ແຕ່ເປັນການປັບປ່ຽນວິທີຄິດ,ວິທີເຮັດວຽກ ແລະ ຮູບແບບການນຳ ສະເໜີຂ່າວສານ, ນັກຂ່າວ ແລະ ບຸກ ຄະລາກອນສື່ຕ້ອງພັດທະນາທັກສະ ຮອບດ້ານທັງການຂຽນຂ່າວ, ຖ່າຍ ພາບ, ຜະລິດວິດີໂອ, ນຳສະເໜີຂ່າວ ຜ່ານສື່ອອນລາຍລວມເຖິງການ ນຳໃຊ້ປັນຍາປະດິດ (AI) ຢ່າງ ເໝາະສົມ. ສື່ມວນຊົນລາວໃນຍຸກ ໃໝ່ ຈຶ່ງຈຳເປັນຕ້ອງສືບຕໍ່ຮັກສາ ບົດບາດເປັນ “ກະບອກສຽງອັນ ແຫລມຄົມ” ຂອງພັກ, ລັດ ແລະ ສັງຄົມ, ພ້ອມກັບການຫັນປ່ຽນ ຮູບແບບ ແລະ ວິທີການເຮັດຂ່າວ ໃຫ້ທັນສະໄໝ. ທັງນີ້, ກໍເພື່ອສ້າງ ສື່ທີ່ທັນສະໄໝ, ມີຄຸນນະພາບ, ໜ້າ ເຊື່ອຖື ແລະ ສາມາດຕອບສະໜອງ ຕໍ່ຄວາມຕ້ອງການຂ່າວສານຂອງ ປະຊາຊົນໃນຍຸກດີຈິຕອນໄດ້ຢ່າງມີ ປະສິດທິຜົນ. ພ້ອມນີ້, ທ່ານ ກົງໃຈ ຊຸມພົນພັກດີ ຍັງໄດ້ຍົກໃຫ້ເຫັນຜົນສຳເລັດການ ເຄື່ອນໄຫວວຽກງານຂອງລັດວິສາ ຫະກິດໂຮງພິມແຫ່ງລັດ ໃນໄລຍະ 6 ເດືອນຕົ້ນປີ 2026 ຊຶ່ງຄະນະພັກ, ຄະນະອໍານວຍການ, ພະນັກງານ ນໍາພາໄດ້ເອົາໃຈໃສ່ຈັດຕັ້ງປະຕິບັດ ໜ້າທີ່ນຳພາດ້ານການເມືອງ-ແນວ ຄິດ ກໍຄື ວຽກງານວິຊາສະເພາະ, ພະນັກງານ, ກຳມະກອນແຕ່ລະພະ ແນກ, ຂະແໜງການໄດ້ເອົາໃຈ ໃສ່ປະຕິບັດໜ້າທີ່ຕາມການຈັດຕັ້ງ ມອບໝາຍດ້ວຍຄວາມຮັບຜິດຊອບ ສູງ, ສາມາດຜະລິດ ແລະ ບໍລິການ ສິ່ງພິມຕ່າງໆໄດ້ຕາມຄວາມຕ້ອງ ການຂອງລູກຄ້າທີ່ມາໃຊ້ບໍລິການ. ໃນນັ້ນ, ສາມາດປະຕິບັດແຜນການ ຜະລິດໃນ 6 ເດືອນຕົ້ນປີ 2026 ໄດ້ ລື່ນແຜນການ, ພ້ອມທັງມອບພັນທະ ໃຫ້ລັດຖະບານຫລາຍກວ່າ 2 ຕື້ກີບ ແລະ ສ້າງລາຍຮັບລື່ນແຜນການ ຫລາຍກວ່າ 130% ຖືເປັນຜົນງານ ສໍາຄັນໃນໂອກາດ ຄົບຮອບ 76 ປີ ວັນສ້າງຕັ້ງລັດວິສາຫະກິດໂຮງພິມ ແຫ່ງລັດ ແລະ ວັນສື່ມວນຊົນ ແລະ ການພິມຈຳໜ່າຍ. ຂ່າວ-ພາບ: ທະນູທອງ

KPL

ວັດທະນະທຳ-ສັງຄົມ
ສື່ມວນຊົນລາວກ້າວສູ່ຍຸກດີຈີຕອນພັດທະນາຄຸນນະພາບຄວບຄູ່ຄວາມເຊື່ອຖື
8/14/2026 8:11:40 AM
ເນື່ອງໃນໂອກາດ ວັນສື່ ມວນຊົນ ແລະ ການພິມຈຳໜ່າຍ ລາວ ຄົບຮອບ 76 ປີ (13 ສິງຫາ 1950-13 ສິງຫາ 2026) ໄດ້ ໝູນວຽນມາຮອດອີກວາລະໜຶ່ງຊຶ່ງວຽກງານສື່ມວນຊົນລາວໄດ້ມີການເຕີບໃຫຍ່ ແລະ ຂະຫຍາຍຕົວຢ່າງຕໍ່ເນື່ອງຈາກສື່ແບບດັ້ງເດີມຄື: ໜັງສືພິມ, ວິທະຍຸ ແລະ ໂທລະພາບກ້າວເຂົ້າສູ່ສື່ດີຈິຕອນ, ເວັບໄຊ ແລະ ແພລດຟອມອອນລາຍຫລາກຫລາຍ ຮູບແບບ.
ວັດທະນະທຳ-ສັງຄົມ
ໄພນ້ຳຖ້ວມ ຢູ່ເມືອງຈຳພອນ ເສຍຫາຍຫລາຍກວ່າ 2,16 ຕື້ກີບ
8/14/2026 12:35:19 AM
ຂປລ. ແຫລ່ງຂ່າວຈາກແຂວງ ສະຫວັນນະເຂດ ໃຫ້ຮູ້ວ່າ: ເນ່ືອງ ຈາກໄດ້ຮັບອິດທິພົນຈາກພະຍຸ ຈັນ ຫອມ ເຮັດໃຫ້ມີຝົນຕົກໜັກຕິດຕໍ່ກັນ ເປັນເວລາຫລາຍມື້ ຈົນມາຮອດ ວັນທີ 11 ສິງຫາ 2026 ລະດັບນ້ຳ ເຊຈຳພອນ ເມືອງຈຳພອນ ແຂວງ ສະຫວັນນະເຂດ ໄດ້ມີປະລິມານ ເພີ່ມຂຶ້ນສູງເຖິງ 8,32 ແມັດ ແລະ ໄດ້ ສົ່ງຜົນກະທົບເປັນບໍລິເວນກວ້າງ.
ວັດທະນະທຳ-ສັງຄົມ
ອຸດົມໄຊ ແຈ້ງເຕືອນໄພນ້ຳຖ້ວມ
8/14/2026 12:28:57 AM
ຂປລ. ແຫລ່ງຂ່າວຈາກແຂວງ ອຸດົມໄຊ ໃຫ້ຮູ້ວ່າ: ເນື່ອງຈາກສະ ພາບຝົນຕົກໜັກ ແລະ ຕົກຕິດຕໍ່ກັນ ເປັນເວລາຫລາຍວັນ ໃນໄລຍະຜ່ານ ມາ ຊຶ່ງໄດ້ເຮັດໃຫ້ລະດັບນໍ້າ ແຕ່ລະ ສາຍນ້ໍາສູງຂ້ຶນຢ່າງຕ່ໍເນ່ືອງ ແລະ ໃນປັດຈຸບັນ ເວລາ 8:00 ໂມງ ຂອງ ວັນທີ 11 ສິງຫາ 2026 ມີລະດັບ ນໍ້າຫລາຍຈຸດ ໄດ້ສູງຂຶ້ນກາຍເຂດ ເຕືອນໄພແລ້ວ.
ວັດທະນະທຳ-ສັງຄົມ
ນ້ຳຖ້ວມກະທັນຫັນເຮັດໃຫ້ເຮືອນຂອງປະຊາຊົນຢູ່ບ້ານນ້ຳດີ ຖືກນ້ຳພັດໄຫລ 5 ຫລັງ
8/14/2026 12:24:40 AM
ຂປລ. ແຫລ່ງຂ່າວຈາກແຂວງ ຫລວງນ້ຳທາ ໃຫ້ຮູ້ວ່າ: ເນື່ອງຈາກ ເກີດນ້ຳຖ້ວມກະທັນຫັນ ຢູ່ບ້ານນ້ຳດີ ແລະ ບ້ານປ່າປົວະ ເມືອງຫລວງນ້ຳ ທາ ຊຶ່ງເຫດການນ້ຳຖ້ວມດັ່ງກ່າວ ແມ່ນເກີດຂຶ້ນພາຍຫລັງທີ່ມີຝົນຕົກ ໜັກຕິດຕໍ່ກັນ ແຕ່ຄ່ຳຄືນຂອງວັນທີ 10 ສິງຫາ 2026 ຈົນຮອດເວລາ 5:00 ໂມງເຊ້ົາ ຂອງວັນທີ 11 ສິງຫາ ເຮັດໃຫ້ມວນນ້ຳປ່າໄຫລຊຸ ເຂົ້າຖ້ວມບ້ານນ້ຳດີຢ່າງກະທັນຫັນ.
ວັດທະນະທຳ-ສັງຄົມ
ຄະນະສະເພາະກິດກະຊວງປ້ອງກັນຄວາມສະຫງົບ ມອບຜູ້ຖືກຫາເປີດເວັບພະນັນອອນລາຍ ໃຫ້ທາງການໄທ
8/12/2026 10:54:54 AM
ຄະນະສະເພາະກິດ ກະຊວງປ້ອງກັນຄວາມສະຫງົບ ໄດ້ ມອບຜູ້ຖືກຫາສັນຊາດໄທ ທີ່ລັກ ລອບເປີດເວັບຫລິ້ນການພະນັນ ອອນລາຍຕ້ອງຫ້າມ, ດໍາເນີນກິດ ຈະການກ່ຽວກັບອາຊະຍາກໍາທາງ ລະບົບຄອມພິວເຕີ ແລະ ການສໍ້ໂກງຊັບຜ່ານລະບົບທາງໂທລະຄົມ ແລະ ການສື່ສານ ຫລື ສະແກມເມີ ຕາມຄວາມຜິດໃນມາດຕາ 141, 173 ແລະ 233 ຂອງປະມວນກົດ ໝາຍອາຍາ ແຫ່ງ ສປປ ລາວ ໃຫ້ ເຈົ້າໜ້າທີ່ທາງການໄທ ນຳໄປດໍາ ເນີນຄະດີ ຈໍານວນ 41 ຄົນ, ຍິງ 30 ຄົນ. ພິທີດັ່ງກ່າວ, ໄດ້ຈັດຂຶ້ນ ໃນວັນທີ 10 ສິງຫາ 2026 ທີ່ຂົວ ມິດຕະພາບ ລາວ-ໄທ ແຫ່ງທີ 1 ນະຄອນຫລວງວຽງຈັນ-ໜອງຄາຍ.