ຂປລ
ຂປລ. ແຫລ່ງຂ່າວຈາກແຂວງ ຄຳມ່ວນ ໃຫ້ຮູ້ວ່າ: ບໍລິສັດ ກຸຫລາບ ຄໍາ ຈໍາກັດ ແລະ ບໍລິສັດ SKV ກຣຸບ ໄດ້ສົມທົບທຶນ 600 ລ້ານ ກີບ ໃຫ້ແຂວງຄໍາມ່ວນ ເພື່ອນໍາໄປ ສ້ອມແປງອາຄານຮຽນ ແລະ ຈັດ ຊ້ືວັດຖຸອຸປະກອນການສຶກສາ ທ່ີ ໄດ້ຮັບຄວາມເສຍຫາຍຈາກໄພນ້ໍາ ຖ້ວມ ອັນເປັນການປະກອບສ່ວນ ສໍາຄັນໃນການຟື້ນຟູຂະແໜງການ ສຶກສາຂອງແຂວງ.
ພິທີມອບ-ຮັບ ຈັດຂຶ້ນໃນວັນທີ 31 ກໍລະກົດ 2026 ທີ່ຫ້ອງວ່າ ການແຂວງຄໍາມ່ວນ ໂດຍ ທ່ານ ອານີໄຊ ສຸຂະວົງ ປະທານບໍລິສັດ ກຸຫລາບຄໍາ ຈໍາກັດ ໄດ້ມອບເງິນ 300 ລ້ານກີບ ແລະ ທ່ານ ໂຊກ ໄຊ ສຸຂະວົງ ປະທານບໍລິສັດ SKV ກຣຸບ ມອບເງິນ 300 ລ້ານກີບ ລວມເປັນ 600 ລ້ານກີບ ຕາງໜ້າ ກ່າວຮັບໂດຍ ທ່ານ ໄຊຊະນະ ໂຄດພູ ທອນ ເລຂາຄະນະບໍລິຫານງານພັກ ແຂວງຄຳມ່ວນ ໂດຍມີຜູ້ຕາງໜ້າ ຈາກພາກສ່ວນກ່ຽວຂ້ອງເຂົ້າຮ່ວມ. ໃນໂອກາດດັ່ງກ່າວ, ທ່ານ ໄຊ ຊະນະ ໂຄດພູທອນ ໄດ້ສະແດງຄວາມຂອບໃຈຢ່າງສູງຕໍ່ທັງສອງ ບໍລິສັດ ທີ່ໄດ້ຮ່ວມສະແດງນໍ້າໃຈ ແລະ ຄວາມຮັບຜິດຊອບໃນການ ຊ່ວຍເຫລືອແຂວງຄໍາມ່ວນ ພາຍ ຫລັງ ໄດ້ຮັບຜົນກະທົບຈາກໄພນ້ໍາ ຖ້ວມ. ພ້ອມຢືນຢັນວ່າເງິນສົມທົບ ຈໍານວນດັ່ງກ່າວຈະນໍາໃຊ້ຢ່າງ ຖືກຈຸດປະສົງ, ໂປ່ງໃສ ແລະ ເກີດ ປະໂຫຍດສູງສຸດ ເພື່ອໃຫ້ໂຮງຮຽນ ທີ່ເສຍຫາຍສາມາດກັບຄືນມາເປີດ ການຮຽນ-ການສອນໄດ້ປົກກະຕິ ໂດຍໄວ.
ພ້ອມນີ້, ເພື່ອເປັນການເຊີດຊູ ແລະ ຂອບໃຈຕໍ່ການປະກອບສ່ວນ ອັນມີຄຸນຄ່າໃນການຟື້ນຟູຂະແໜງ ການສຶກສາ ແລະ ບັນເທົາຜົນກະທົບ ຈາກໄພນໍ້າຖ້ວມຂອງແຂວງ ທ່ານ ໄຊຊະນະ ໂຄດພູທອນ ໄດ້ມອບໃບ ຍ້ອງຍໍໃຫ້ທັງສອງບໍລິສັດຕື່ມອີກ.
KPL
