ຂປລ
ອາທິດຜ່ານມາ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ຮັບສານສະແດງຄວາມເຫັນໃຈຈາກສົມເດັດ ຊຸນຕານ ຮາຈິ ຮັດຊະນານ ໂບນເກຍ ແຫ່ງ ບຣູໄນ ດາຣູຊາລາມ ຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ.
ຂປລ. ເນ້ືອໃນໂທລະເລກໄດ້ລະບຸວ່າ: ຂ້າພະເຈ້ົ້າຮູ້ສຶກໂສກເສ້ົ້າໃຈເປັນ ຢ່າງຍ່ິງຕ່ໍການຈາກໄປຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງບໍ່ມີວັນຫວນຄືນ. ຕະຫລອດໄລຍະຊຸມປີຜ່ານມາ, ທ່ານ ໄຊສົມພອນ ພົມວິຫານ ໄດ້ອຸທິດເຫື່ອແຮງ ແລະ ສະຕິປັນຍາ ເຂ້ົາໃນການຮັບໃຊ້ຊາດຮັບໃຊ້ປະຊາຊົນລາວຢ່າງມີຜົນງານອັນພ້ົນເດ່ັນ. ຕະຫລອດໄລຍະການປະຕິບັດໜ້າທ່ີວຽກງານຂອງທ່ານ, ທ່ານໄດ້ປະກອບສ່ວນຢ່າງຫລວງຫລາຍ ເຂົ້າໃນການບໍລິຫານ ແລະ ການພັດທະນາປະເທດຊາດ, ພ້ອມທັງປະກອບສ່ວນຢ່າງຕັ້ງໜ້າ ເພື່ອສ່ົງເສີມຜົນປະໂຫຍດ ແລະ ຄວາມຢູ່ດີກິນດີຂອງປະຊາຊົນລາວທຸກຖ້ວນໜ້າ. ຄວາມທຸ້ມເທ, ການເປັນຜູ້ນຳພາ ແລະ ຄວາມມຸ່ງໝັ້ນໃນການຮັບໃຊ້ປະເທດຊາດ ແລະ ປະຊາຊົນ ຂອງທ່ານຈະຖືກຈົດຈໍາໄວ້ຢ່າງບໍ່ມີວັນຫລົງລືມ.
ຂ້າພະເຈ້ົາມີຄວາມປິຕິຊົມຊ່ືນ ຕໍ່ການພົບປະຢ່າງອົບອຸ່ນ ແລະ ມີຄວາມໝາຍຢ່າງຍ່ິງກັບທ່ານ ໄຊສົມພອນ ພົມວິຫານ ໃນໂອກາດທີ່ຂ້າພະເຈົ້າເດີນທາງຢ້ຽມຢາມລັດຖະກິດຢູ່ ສປປ ລາວ ໃນປີ 2023 ແລະ ຊົມເຊີຍຄວາມມຸ່ງໝ້ັນອັນແຮງກ້າຂອງທ່ານໃນການສືບຕໍ່ເສີມຂະຫຍາຍຄູ່ຮ່ວມມືຍຸດທະສາດລະ ຫວ່າງສອງປະເທດພວກເຮົາໃຫ້ ເລິກເຊິ່ງຍິ່ງຂຶ້ນ.
ໃນຊ່ວງເວລາແຫ່ງການສູນເສຍ ແລະ ໄວ້ອາໄລລະດັບຊາດນີ້, ຂ້າພະເຈົ້າພ້ອມດ້ວຍລັດຖະບານ ແລະ ປະຊາຊົນບຣູໄນ ຂໍສະແດງຄວາມເສົ້າສະຫລົດໃຈຢ່າງຈິງໃຈມາຍັງທ່ານ, ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທຸກ ຖ້ວນໜ້າ.
ໃນວັນທີ 11 ສິງຫາ 2026, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ກໍໄດ້ຮັບສານສະແດງຄວາມເຫັນໃຈຈາກສົມເດັດ ເຈົ້າຊາຍ ອັບດຸນ ມາຕີນ ໂບນເກຍ ຕ່ໍການຈາກໄປຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ ເຊັ່ນດຽວກັນ.
KPL
