ຂປລ
ທີມງານຄົ້ນຄວ້າ ວິທະຍາສາດຈີນ ໄດ້ສຳເລັດ ການສ້າງແຜນທີ່ທໍລະນີ ວິທະຍາ ຂອງດວງຈັນໝົດດວງ ໂດຍອີງຕາມອັດຕາສ່ວນ 1:5.000.000
ຂປລ.ວິທະຍຸ-ໂທລະພາບ ສູນກາງຈີນ, ຫວ່າງມໍ່ໆມານີ້, ທີມງານຄົ້ນຄວ້າ ວິທະຍາສາດຈີນ ໄດ້ສຳເລັດ ການສ້າງແຜນທີ່ທໍລະນີ ວິທະຍາ ຂອງດວງຈັນໝົດດວງ ໂດຍອີງຕາມອັດຕາສ່ວນ 1:5.000.000, ແຜນທີ່ນີ້ ມີຄວາມຍາວປະມານ 280 ຊັງຕີແມັດ, ສູງປະມານ 120 ຊັງຕີແມັດ, ພ້ອມດ້ວຍແຜນທີ່ ທໍລະນີວິທະຍາ ບາງສ່ວນຂອງຂົ້ວໃຕ້ ແລະ ຂົ້ວ ເໜືອຂອງດວງຈັນ, ລະບຸຢ່າງແມ່ນຢຳ ຕໍ່ຂຸມອຸກກະບາດ ຫລາຍກວ່າ 13.000 ຂຸມ ແລະ ອ່າງອຸກກະບາດ 81 ແຫ່ງ ແລະ ຈຳແນກປະເພດທໍລະນີ ອອກເປັນ 14 ປະເພດ ແລະ ຫີນໃຫຍ່ 17 ປະເພດ. ນັບແຕ່ການຕັ້ງໂຄງການ ເມື່ອປີ 2004 ເປັນຕົ້ນມາ, ສປ ຈີນ ໄດ້ດຳເນີນໂຄງການສຳຫລວດດວງຈັນ ເປັນເວລາ 20 ກວ່າປີ, ປະສົບຜົນສຳເລັດໃໝ່ໆ ຢ່າງບໍ່ຢຸດຢັ້ງບົນເສັ້ນທາງ ທີ່ເຕັມໄປດ້ວຍສະຕິປັນຍາ ແລະ ຄວາມກ້າຫານ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
