ຂປລ.ວິທະຍຸກະຈາຍສຽງຫວຽດນາມ, ກອງ​ປະ​ຊຸມ ​ບັນ​ດາ​ການ​ນຳ ​ລັດ​ຖະ​ສະ​ພາ​ຂອງ ອົງ​ການ ສົນ​ທິ​ສັນ​ຍາ ອັດ​ລັງ​ຕິກ​ເໜືອ (NATO) ໄດ້​ໄຂ​ຂຶ້ນ​ໃນ​ວັນ​ທີ 29 ມິ​ຖຸ​ນາ ຢູ່​ນະ​ຄອນ ອິດສຕັນບູ (Istanbul) ຂອງຕວັກ​ກີ, ດ້ວຍ​ຈຸດ​ສຸມ​ແມ່ນ​ເພີ່ມ​ທະ​ວີ​ ການ​ລົງ​ທຶນ​ ເຂົ້າ​ການ​ປ້ອງ​ກັນ​ຊາດ ກ່ອນທີ່​ກອງ​ປະ​ຊຸມ​ສຸດຍອດ NATO ຄາດ​ວ່າ​ ຈະຈັດຂຶ້ນ​ຢູ່ ອານກາຣາ( Ankara) ໃນ​ວັນ​ທີ 7–8ກໍ​ລະ​ກົດ.ໃນໂອກາດນີ້ ທ່ານ ມາກອສ ເປເຣສເຕຣລໂລ(Marcos Perestrello) ​ປະ​ທານ​ສະ​ພາ​ ລັດ​ຖະ​ສະ​ພາ ຮຽກ​ຮ້ອງ​ໃຫ້ ​ບັນ​ດາ​ປະ​ເທດ​ສະ​ມາ​ຊິກ​ ປະ​ຕິ​ບັດ​ຕາມ​ຍຸດ​ທະ​ສາດ ​ລົງ​ທຶນແບບ “ອັດ​ສະ​ລິ​ຍະ​ກວ່າ, ໄວ​ກວ່າ ແລະ ມີ​ການ​ປະ​ສານ​ສົ​ມ​ທົບ​”, ພ້ອມ​ທັງ​ຖື​ວ່າ ການ​ກໍ່​ສ້າງ NATO ໃຫ້ໝັ້ນ​ຄົງ​ເຂັ້ມ​ແຂງ ​ບໍ່​ພຽງ​ແຕ່​ອີງ​ໃສ່ ການ​ເພີ່ມ​ລາຍ​ຈ່າຍ​ ດ້ານ​ປ້ອງ​ກັນ​ຊາດ​ເທົ່າ​ນັ້ນ. ຈາກນັ້ນ ທ່ານ ຣັດມິລາ ເຊເກຣິນສະກາ (Radmila Shekerinska) ຮອງ​ເລ​ຂາ​ທິ​ການໃຫຍ່ NATO ຫວັງ​ວ່າ ​ບັນ​ດາ​ສຳ​ພັນ​ທະ​ມິດ ​ຈະ​ນຳ​ບັນ​ດາ​ແຜນ​ການ​ລະ​ອຽດ​ມ ຍັງກອງ​ປະ​ຊຸມ ເພື່ອ​ແນ​ໃສ່​ບັນ​ລຸ​ເປົ້າ​ໝາຍ​ລາຍ​ຈ່າຍ​ ດ້ານ​ປ້ອງ​ກັນ​ຊາດ​​ເທົ່າກັບ5% ຍອດ​ຜະ​ລິດ​ຕະ​ພັນ​ພາຍ​ໃນ (GDP) ໃນ​ປີ 2035. ທ່ານ​ ຣີເຊບ ໄຕຢິບ ເອີໂດກັນ(Recep Tayyip Erdogan) ປະ​ທາ​ນາ​ທິ​ບໍ​ດີ ຕວັກ​ກີ ກໍ່ຮຽກ​ຮ້ອງ​ນຳ​ປະ​ເທດ​ນີ້​ ເຂົ້າ​ຮ່ວມ​ບັນ​ດາ​ກົນ​ໄກ ​ປ້ອງ​ກັນ​ຊາດ ແລະ ​ປ້ອງ​ກັນ​ຄວາມ​ສະ​ຫງົບ​ ຂອງ​ເອີ​ຣົບ ຢ່າງ​ຄົບ​ຖ້ວນ ກ່ອນທີ່​ດຳ​ເນີນ ກອງ​ປະ​ຊຸມ​ສຸດຍອດ NATO./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

KPL