ຂປລ. ອາ​ທິດ​ຜ່ານ​ມາ ບໍລິສັດ ພູນຊັບຟາມາ ຈໍາກັດ  ​ໄດ້​ນຳເອົາ​ຜະລິດ​ຕະພັນ​ຢາ​ປິ່ວປົວ​ພະຍາດ​ຕ່າງໆ ມາ​ວາງສະ​ແດງ ແລະ ຈຳໜ່າຍ ໃນງານສະເຫລີມສະຫລອງວັນສາທາລະນະສຸກ (ວັນແພດລາວ) ຄົບຮອບ 61 ປີ (18 ມິຖຸນາ 1965 – 18 ມິຖຸນາ 2026) ​ເພື່ອ​ໃຫ້​ປະຊາຊົນໄດ້​ຮູ້ຈັກຜະລິດຕະພັນທາງການແພດທີ່ມີຄຸນນະພາບ​ຫລາຍ​ຂຶ້ນ ໂດຍສະເພາະຜະລິດຕະພັນຢາບຳລຸງແມ່ຫລັງເກີດ  ​ເພື່ອເຮັດໃຫ້ນົມແມ່ມີຄຸນນະພາບ, ນົມແມ່ມາໄວຂຶ້ນ, ເຮັດໃຫ້ລູກແຂງ ແຮງແມ່ກໍແຂງແຮງໄປພ້ອມໆກັນ.

 ທ່ານ ສຸລິຍົມ ຈັນດາລາສານ ຜູ້ອຳນວຍການ ບໍລິສັດ ພູນຊັບຟາມາ ຈຳກັດ ໄດ້ໃຫ້ສໍາພາດວ່າ: ບໍລິສັດ ພູນຊັບຟາມາ ຈຳກັດ ເປັນໜຶ່ງບໍລິສັດນໍາເຂົ້າຢາ ແລະ ອຸປະກອນການແພດຈາກຕ່າງປະເທດດຳເນີນທຸລະກິດມາເວລາກວ່າ 10 ປີ ແລະ ພັດທະນາຜະລິດຕະພັນໃຫ້ທັນສະໄໝ ເພື່ອຮອງຮັບການປິ່ນປົວພະຍາດ ແລະ ຄວາມຕ້ອງການດ້ານສຸຂະພາບຂອງປະຊາຊົນ  ຊຶ່ງການມາຮ່ວມງານໃນຄັ້ງນີ້ ຕົນເອງມີຄວາມຮູ້ສຶກພາກພູມໃຈ ແລະ ຮູ້ສຶກດີໃຈຫລາຍ ທີ່ໄດ້ເປັນສ່ວນໜຶ່ງເຂົ້າຮ່ວມວາງສະແດງຜະລິດຕະພັນຢາຂອງບໍລິສັດ, ໃນນັ້ນໄດ້ນຳເອົາຫລາຍຜະລິດຕະພັນທີ່ພົ້ນເດັ່ນມາວາງຈຳໜ່າຍ ແລະ ຫລັກໆແມ່ນເນັ້ນຜະລິດຕະພັນບໍາລຸງແມ່ຍິງຫລັງເກີດລູກ ມີຈຸດເດັ່ນຊ່ວຍກະຕຸ້ນການຜະລິດນ້ຳນົມແມ່ ເຮັດໃຫ້ນ້ຳນົມມາໄວ ເພື່ອໃຫ້ພຽງພໍໃນການລ້ຽງລູກ, ພ້ອມນີ້ກໍເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການໃນຂົງເຂດວຽກງານສາທາລະນະສຸກ ທີ່ມີສົ່ງເສີມການລ້ຽງລູກດ້ວຍນົມແມ່, ເມື່ອແມ່ໄດ້ຮັບຜະລິດຕະພັນຢາບໍາລຸງຫລັງເກີດຈະມີຜົນດີຫລາຍຢ່າງເຊັ່ນ: ເຮັດໃຫ້ນົມແມ່ມີຄຸນນະພາບ, ນົມແມ່ມາໄວຂຶ້ນ, ເຮັດໃຫ້ລູກແຂງແຮງແມ່ກໍແຂງແຮງໄປພ້ອມໆກັນ. ພ້ອມທັງຫລຸດບັນຫາແມ່ຫລັງເກີດໄດ້ ເພາະແມ່ນຫລັງເກີດຈະມີອາການ: ອາລົມບໍ່ດີ, ງຸດງິດ, ມີຄວາມຄຽດງ່າຍ. ສະນັ້ນ, ຫລັງຈາກໄດ້ຮັບປະທານຜະລິດຕະພັນຢາບໍາລຸງແມ່ຫລັງເກີດ ກໍຈະເຮັດໃຫ້ອາລົມຂອງແມ່ມີຄວາມຜ່ອນຄາຍບໍ່ງຸດງິດ, ບໍ່ຕຶງຄຽດ ແລະ ບໍ່ເຄັງຕຶງ ເຮັດໃຫ້ສຸຂະພາບແມ່ຟື້ນຟູໄວຂຶ້ນ, ເຮັດໃຫ້ນໍ້ານົມສົ່ງໄປຫາລູກມີປະສິດທິພາບ ເມື່ອລູກແຂງແຮງແມ່ກໍແຂງແຮງໄປນໍາ.

ທ່ານ ສຸລິຍົມ ຈັນດາລາສານ ກ່າວຕື່ມວ່າ: ໃນປັດຈຸບັນຂະແໜງສາທາລະນະສຸກຂອງ ສປປ ລາວ ໄດ້ສົ່ງເສີມການລ້ຽງລູກດ້ວຍນຳ້ນົມແມ່ ເພາະນອກຈາກຈະຊ່ວຍໃຫ້ເດັກນ້ອຍເຕີບໃຫຍ່ແຂງແຮງແລ້ວ ຍັງເປັນການສ້າງສາຍສຳພັນອັນດີລະຫວ່າງແມ່ກັບລູກອີກດ້ວຍ. ນອກນີ້ຜູ້ອຳນວຍການບໍລິສັດ ຍັງຝາກເຖິງພໍ່ແມ່ປະຊາຊົນຖ້າເຈັບປ່ວຍ ບໍ່ຄວນຊື້ຢາກິນເອງ, ແຕ່ຄວນໄປຫາແພດໝໍກວດໃຫ້ລະອຽດ ເພື່ອໄດ້ຮັບການບົ່ງມະຕິທີ່ຖືກຕ້ອງ ແລະ ໄດ້ຮັບຢາທີ່ຖືກຕ້ອງ ປອດໄພຕໍ່ສຸຂະພາບ ແລະ ສຸດທ້າຍນີ້ ຂໍຝາກເຖິງການນໍາສາທາ ລະນະສຸກ ສືບຕໍ່ໃຫ້ຄວາມສໍາຄັນເລື່ອງສຸຂະສຶກສາ ເພື່ອເຮັດໃຫ້ປະຊາຊົນໄດ້ຮັບຮູ້ຂໍ້ມູນຂ່າວສານການໃຊ້ຢາຢ່າງສົມເຫດສົມຜົນຫລາຍຂຶ້ນ ເນື່ອງຈາກການຊື້ຢາກິນເອງ ບາງຄັ້ງຈະມີຄວາມສ່ຽງຕໍ່ສຸຂະພາບທີ່ອາດຈະເກີດ ແລະ ມີຜົນຂ້າງຄຽງ ໄດ້ເຊັ່ນກັນ.

ສໍາລັບ ທ່ານໃດສົນໃຈຜະລິດຕະພັນຢາບໍາລຸງແມ່ຫລັງເກີດ ສາມາດຫາຊຶື້ໄດ້ຕາມຮ້ານຂາຍຢາທົ່ວໄປ ຫລື ຕິດຕໍ່ໂດຍກົງທີ່ບໍລິສັດ ພູນຊັບຟາມາ ຈຳກັດ ຕັ້ງຢູ່ບ້ານໂນນຄໍ້ ເມືອງໄຊເສດຖາ ນະຄອນຫລວງວຽງຈັນ.

ໂດຍ: ວັນເພັງ

KPL