ຂປລ
ລັດຖະບານມາເລເຊຍ ຈະຕໍ່ອາຍຸສັນຍາ ກັບບໍລິສັດ Ocean Infinity ເຊິ່ງເປັນບໍລິສັດສຳຫລວດໃຕ້ນ້ຳ ເພື່ອສືບຕໍ່ດຳເນີນວຽກງານຄົ້ນຫາ ຊາກເຮືອບິນໂດຍສານ ຖ້ຽວບິນMH370 ຂອງສາຍການບິນມາເລເຊຍ ຢູ່ເຂດທະເລ ພາກໃຕ້ມະຫາສະໝຸດອິນເດຍ.
ຂປລ.ວິທະຍຸ ໂທລະພາບ ສູນກາງຈີນ,ວັນທີ 29 ມິຖຸນານີ້, ກະຊວງຄົມມະນາຄົມ ມາເລເຊຍ ອອກຖະແຫລງການວ່າ: ລັດຖະບານມາເລເຊຍ ຈະຕໍ່ອາຍຸສັນຍາ ກັບບໍລິສັດ Ocean Infinity ເຊິ່ງເປັນບໍລິສັດສຳຫລວດໃຕ້ນ້ຳ ເພື່ອສືບຕໍ່ດຳເນີນວຽກງານຄົ້ນຫາ ຊາກເຮືອບິນໂດຍສານ ຖ້ຽວບິນMH370 ຂອງສາຍການບິນມາເລເຊຍ ຢູ່ເຂດທະເລພາກໃຕ້ມະຫາສະໝຸດອິນເດຍ. ພາຍຫລັງ ຄະນະລັດຖະບານມາເລເຊຍ ໄດ້ອະນຸມັດແກ່ຍາວ ເວລາດຳເນີນວຽກງານຄົ້ນຫາລະຫວ່າງ ສອງຝ່າຍດັ່ງກ່າວ ໂດຍຈະຕໍ່ອາຍຸສັນຍາໄປອີກໜຶ່ງປີຄື ລະຫວ່າງ ວັນທີ1 ກໍລະກົດ 2026 ຫາວັນທີ 30 ມິຖຸນາ 2027.ໃນວັນທີ 8 ມີນາ 2014, ເຮືອບິນໂດຍສານຖ້ຽວບິນMH370ຂອງສາຍການບິນມາເລເຊຍ ທີ່ເດີນທາງອອກຈາກນະຄອນຫລວງ ກົວລາລຳເປີ ຂອງມາເລເຊຍ ໄປຍັງນະຄອນຫລວງປັກກິ່ງຂອງ ສປ ຈີນ ໄດ້ຫາຍສາບສູນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
