ຂປລ
ສປ ຈີນ ຍິນດີຮ່ວມກັບ ປາກິດສະຖານ ສືບຕໍ່ທຳຄວາມພະຍາຍາມ ເຂົ້າໃນການຊຸກຍູ້ ສັນຕິພາບ ແລະ ການເຈລະຈາ ຢ່າງບໍ່ຢຸດຢັ້ງ ເພື່ອຟື້ນຟູສັນຕິພາບ ສະຖຽນລະພາບ ແລະ ການພັດທະນາ ຂອງພາກພື້ນ ຕາເວັນອອກກາງ ໂດຍໄວ.
ຂປລ.ວິທະຍຸ ໂທລະພາບ ສູນກາງຈີນ, ສປ ຈີນ ຍິນດີຮ່ວມກັບ ປາກິດສະຖານ ສືບຕໍ່ທຳຄວາມພະຍາຍາມ ເຂົ້າໃນການຊຸກຍູ້ ສັນຕິພາບ ແລະ ການເຈລະຈາ ຢ່າງບໍ່ຢຸດຢັ້ງ ເພື່ອຟື້ນຟູສັນຕິພາບ ສະຖຽນລະພາບ ແລະ ການພັດທະນາຂອງພາກ ພື້ນຕາເວັນອອກກາງ ໂດຍໄວ. ພາຍຫລັງ ທ່ານ ຫວາງຢີ້ ກຳມະການກົມການເມືອງ ສູນກາງພັກກອມມູນິດຈີນ, ລັດຖະມົນຕີ ກະຊວງການຕ່າງປະເທດຈີນ ໄດ້ສົນທະນາ ທາງໂທລະສັບກັບ ທ່ານ ມູຮຳມັດ ອິຊັກ ດາ ຮອງນາຍົກລັດຖະມົນຕີ ທັງເປັນ ລັດຖະມົນຕີກະຊວງການຕ່າງປະເທດ ປາກິດສະຖານ ໃນວັນທີ 16 ມິນາຖຸນານີ້. ທ່ານ ມູຮຳມັດ ອິຊັກ ດາ ໄດ້ແຈ້ງໃຫ້ຮູ້ກ່ຽວກັບ ຄວາມຄືບໜ້າ ຂອງບົດບັນທຶກຄວາມເຂົ້າໃຈ ລະຫວ່າງ ອີຣານ ແລະ ສ. ອາເມລິກາ ໄລຍະທຳອິດ, ສະແດງຄວາມຂອບໃຈຕໍ່ ສປ ຈີນ ທີ່ໄດ້ຮັກສາການແລກປ່ຽນຢ່າງໃກ້ຊິດ ກັບປາກິດສະຖານ ໃນຫລາຍເດືອນຜ່ານມາ ແລະ ໃຫ້ການສະໜັບສະໜູນ ອັນລ້ຳຄ່າ ໃນການໄກ່ເກ່ຍ ຢ່າງສຸດຄວາມສາມາດ ຂອງປາກິດສະຖານ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
