ຂປລ
ກະຊວງກໍ່ສ້າງ ຫວຽດນາມ ໄດ້ລາຍງານ ຕໍ່ນາຍົກ ລັດຖະມົນຕີ ກ່ຽວກັບ ການສຳຫລວດ ກວດກາ ສັງລວມ ເນື້ອໃນ ແລະ ການຜັນຂະຫຍາຍ ການສ້າງ, ດັດປັບແຜນຜັງລະບົບ ສະໜາມບິນ ທົ່ວປະເທດ ໃນໄລຍະ 2021-2030, ວິໄສທັດຮອດ ປີ 2050.
ຂປລ.ວິທະຍຸກະຈາຍສຽງ ຫວຽດນາມ: ເມື່ອບໍ່ດົນມານີ້, ກະຊວງກໍ່ສ້າງ ຫວຽດນາມ ໄດ້ລາຍງານ ຕໍ່ນາຍົກ ລັດຖະມົນຕີ ກ່ຽວກັບ ການສຳຫລວດ ກວດກາ ສັງລວມ ເນື້ອໃນ ແລະ ການຜັນຂະຫຍາຍ ການສ້າງ, ດັດປັບແຜນຜັງລະບົບ ສະໜາມບິນ ທົ່ວປະເທດ ໃນໄລຍະ 2021-2030, ວິໄສທັດຮອດ ປີ 2050.
ຕາມບົດລາຍງານ ລະບຸວ່າ, ປັດຈຸບັນ, ທົ່ວປະເທດ ມີສະໜາມບິນ ຈຳນວນ 22 ແຫ່ງ ແລະ ມີສະໜາມບິນ ໃໝ່ 5 ແຫ່ງ ພວມໄດ້ຮັບ ການລົງທຶນ ກໍ່ສ້າງ, ເປັນຕົ້ນ: ລອງແທັ່ງ (ດົ່ງນາຍ), ຢາບິ່ງ (ບັກນິງ), ກວາງຈິ, ຟານທຽດ (ເລິມດົ່ງ), ໂຖຈູ (ອານຢາງ).
ກ່ອນໜ້ານັ້ນ, ຂໍ້ຕົກລົງວ່າດ້ວຍ ການອະນຸມັດຜ່ານ ຂອງ ນາຍົກ ລັດຖະມົນຕີ ກ່ຽວກັບ ແຜນຜັງ ລະບົບສະໜາມບິນ ທີ່ ໄດ້ກຳນົດ ໃນໄລຍະ 2021-2030, ສະນັ້ນ, ທົ່ວປະເທດຫວຽດນາມ ລວມມີ ສະໜາມບິນ 30 ແຫ່ງ, ສະໜາມບິນສາກົນ 14 ແຫ່ງ ແລະ ສະໜາມບິນ ພາຍໃນ ປະເທດ 16 ແຫ່ງ.
ວິໄສທັດຮອດປີ 2050, ທົ່ວປະເທດຫວຽດນາມ ຈະມີສະໜາມບິນ 33 ແຫ່ງ, ໃນນັ້ນ ສະໜາມບິນສາກົນ 14 ແຫ່ງ, ສະໜາມບິນ ພາຍໃນປະເທດ ຈໍານວນ 19 ແຫ່ງ. ນອກຈາກນັ້ນ, ກະຊວງ ກໍ່ສ້າງດັ່ງກ່າວ ຄາດວ່າ ຮອດປີ 2030, ຫວຽດນາມ ຈະນຳສະໜາມບິນໃໝ່ 7 ແຫ່ງ ເຂົ້າໃຊ້ງານ, ລວມມີ: ລອງແທັ່ງ, ຢາຍິ່ງ, ກວາງຈິ, ຟານທຽດ, ຊາປາ (ລາວກາຍ), ໂຖຈູ, ແທັ່ງເຊີນ (ແຄັງຮວ່າ).
KPL
