ຂປລ
ນັບແຕ່ ເດືອນມັງກອນ ຫາເດືອນເມສາປີນີ້, ການລົງທຶນໂດຍກົງຕໍ່ ຕ່າງປະເທດຂອງທົ່ວຂະແໜງການຂອງ ສປ ຈີນ ໄດ້ບັນລຸເຖິງ 429 ຕື້ກວ່າຢວນ, ເພີ່ມຂຶ້ນ 3,9% ເມື່ອທຽບໃສ່ປີກາຍ
ຂປລ.ວິທະຍຸ-ໂທລະພາບ ສູນກາງຈີນ, ອີງຕາມສະຖິຕິ ຂອງກະຊວງການຄ້າຈີນ ແລະ ອົງການຄຸ້ມຄອງເງິນຕາ ຕ່າງປະເທດຈີນ, ນັບແຕ່ ເດືອນມັງກອນ ຫາເດືອນເມສາປີນີ້, ການລົງທຶນໂດຍກົງຕໍ່ ຕ່າງປະເທດຂອງທົ່ວຂະແໜງການຂອງ ສປ ຈີນ ໄດ້ບັນລຸເຖິງ 429 ຕື້ກວ່າຢວນ, ເພີ່ມຂຶ້ນ 3,9% ເມື່ອທຽບໃສ່ປີກາຍ.ໃນນັ້ນ, ນັກລົງທຶນຈີນ ເຊິ່ງບໍ່ລວມທັງ ຮົງກົງ, ມາກາວ ແລະ ໄຕ້ຫວັນ(ສປ ຈີນ)ໄດ້ລົງທຶນໂດຍກົງ ທີ່ບໍ່ແມ່ນຂະແໜງການເງິນຕໍ່ ວິສາຫະກິດ 5.231 ແຫ່ງໃນ 142 ປະເທດ ແລະ ເຂດແຄວ້ນທົ່ວໂລກ, ລວມແລ້ວໄດ້ລົງທຶນ 315 ຕື້ກວ່າຢວນ, ທຽບໃສ່ປີກາຍ ໄດ້ຫລຸດລົງ 13,9%./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
