ຂປລ
ການເຊື່ອມຕໍ່ ອິນເຕີເນັດສາກົນ ຂອງລະບົບໂທລະຄົມອີຣານ ໄດ້ຮັບການຟື້ນຟູ ຢ່າງຮອບດ້ານແລ້ວ.
ຂປລ.ວິທະຍຸ-ໂທລະພາບ ສູນກາງຈີນ, ອີຣານ ເປີດເຜີຍ ໃນວັນທີ 26 ພຶດສະພານີ້ວ່າ: ການເຊື່ອມຕໍ່ ອິນເຕີເນັດສາກົນ ຂອງລະບົບໂທລະຄົມອີຣານ ໄດ້ຮັບການຟື້ນຟູ ຢ່າງຮອບດ້ານແລ້ວ.ຫລັງຈາກ ຜູ້ໃຊ້ອິນເຕີເນັດ ບຣອດແບນ ແບບມີສາຍ ຫລື ອິນເຕີເນັດ ຄວາມໄວສູງ ແບບມີສາຍ ທຸກຄົນລ້ວນແຕ່ ສາມາດເຊື່ອມຕໍ່ກັບ ອິນເຕີເນັດ, ລວມທັງສາມາດນຳໃຊ້ ເວັບໄຊສາກົນ ແລະ ການບໍລິການອອນລາຍ ທີ່ກ່ຽວຂ້ອງໄດ້ແລ້ວ. ກ່ອນໜ້ານີ້, ລັດຖະບານ ອີຣານ ໄດ້ປະກາດ ຊຸກຍູ້ຟື້ນຟູການເຊື່ອມຕໍ່ ອິນເຕີເນັດສາກົນ ແລະ ກ່າວວ່າ ມາດຕະການທີ່ກ່ຽວຂ້ອງ ມີເປົ້າໝາຍ ເພື່ອຟື້ນຟູ ຄວາມໝັ້ນຄົງຂອງອິນເຕີເນັດ ແລະ ຄວາມຕ້ອງການດ້ານການນຳໃຊ້ອິນເຕີເນັດ ຕາມປົກກະຕິຂອງປະຊາຊົນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
