ຂປລ
ການນຳເຂົ້າໝາກໄມ້ຂອງ ສປ ຈີນ ໂດຍຜ່ານເສັ້ນທາງລົດໄຟລາວ-ຈີນໃນປີນີ້ບັນລຸເຖິງ 107.900 ໂຕນ, ເພີ່ມຂຶ້ນຫລາຍກວ່າ 30% ເມື່ອທຽບໃສ່ໄລຍະດຽວກັນຂອງປີ 2025.
ຂປລ.ວິທະຍຸ-ໂທລະພາບ ສູນກາງຈີນ, ກຸ່ມບໍລິສັດ ເສັ້ນທາງລົດໄຟ ແຫ່ງຊາດຈີນ ສາຂາຄຸນໝິງ ຈຳກັດ ແຈ້ງໃຫ້ຮູ້ວ່າ, ນັບມາຮອດ ວັນທີ 25 ພຶດສະພານີ້, ການນຳເຂົ້າໝາກໄມ້ຂອງ ສປ ຈີນ ໂດຍຜ່ານເສັ້ນທາງລົດໄຟລາວ-ຈີນໃນປີນີ້ບັນລຸເຖິງ 107.900 ໂຕນ, ເພີ່ມຂຶ້ນຫລາຍກວ່າ 30% ເມື່ອທຽບໃສ່ໄລຍະດຽວກັນຂອງປີ 2025. ສະຖານີບໍ່ຫານທີ່ເປັນດ່ານທາງລົດໄຟລະດັບຊາດ ພຽງແຫ່ງດຽວ ທີ່ເຊື່ອມຕໍ່ ສປ ຈີນ ແລະ ສປປ ລາວ, ພວມກາຍເປັນສູນກາງທີ່ສຳຄັນ ສຳລັບ ໝາກໄມ້ ຈາກອາຊີ ຕາເວັນອອກສຽງໃຕ້ ເຂົ້າສູ່ຕະຫລາດຈີນ.ນັບແຕ່ຕົ້ນປີນີ້ມາ, ຄຽງຄູ່ກັບໝາກໄມ້ເຂດຮ້ອນຈາກ ອາຊີຕາເວັນອອກສຽງໃຕ້ ປ້ອນເຂົ້າຕະຫລາດ ແບບລວມສູນ, ປະລິມານໝາກໄມ້ ທີ່ເຂົ້າສູ່ປະເທດຈີນ ພາຍໃນມື້ດຽວ ສູງສຸດບັນລຸເຖິງ 3665,1 ໂຕນ, ປະລິມານການຂົນສົ່ງໝາກໄມ້ ຂ້າມຊາດ ໄດ້ສ້າງສະຖິຕິໃໝ່ເລື້ອຍໆ. ປັດຈຸບັນ, ຂະບວນລົດໄຟຕູ້ແຊ່ເຢັນ ຕາມທາງລົດໄຟຈີນ-ລາວ-ໄທໄດ້ໃຫ້ການບໍລິການ ຢ່າງເປັນປົກກະຕິ, ເຮັດໃຫ້ໝາກໄມ້ຄຸນນະພາບດີ ຈາກປະເທດໃນ ອາຊີ ຕາເວັນອອກ ສຽງໃຕ້ ສາມາດເຂົ້າເຖິງຕະຫລາດຈີນ ໄດ້ພາຍໃນເວລາ 3 ວັນ.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
