ຂປລ
ກອງປະຊຸມສຸກເສີນລະດັບສູງ ຂອງລັດຖະມົນຕີ ສູນຄວບຄຸມພະຍາດ ອາຟຣິກາ ໄດ້ຈັດຂຶ້ນຢູ່ນະຄອນຫລວງກຳປາລາ ປະເທດອູກັນດາ ໄດ້ບັນລຸຄວາມເຫັນ ເປັນເອກະພາບກັນ ກ່ຽວກັບ ການປ້ອງກັນ ແລະ ຮັບມືກັບ ການແພ່ລະບາດ ຂອງພະຍາດອີໂບລາ ໃນລະຫວ່າງ ເດືອນມິຖຸນາ ຫາເດືອນພະຈິກ ປີ2026 ຢູ່ອາຟຣິກາ
ຂປລ.ວິທະຍຸ ໂທລະພາບ ສູນກາງຈີນ,ວັນທີ 25 ພຶດສະນານີ້, ອີງຕາມຂໍ້ມູນ ຈາກສະຫະພາບ ອາຟຣິກາ ແລະ ສູນຄວບຄຸມ ພະຍາດອາຟຣິກາໃຫ້ຮູ້ວ່າ: ກອງປະຊຸມສຸກເສີນລະດັບສູງ ຂອງລັດຖະມົນຕີ ສູນຄວບຄຸມພະຍາດ ອາຟຣິກາ ໄດ້ຈັດຂຶ້ນຢູ່ນະຄອນຫລວງກຳປາລາ ປະເທດອູກັນດາ ໄດ້ບັນລຸຄວາມເຫັນ ເປັນເອກະພາບກັນ ກ່ຽວກັບ ການປ້ອງກັນ ແລະ ຮັບມືກັບ ການແພ່ລະບາດ ຂອງພະຍາດອີໂບລາ ໃນລະຫວ່າງ ເດືອນມິຖຸນາ ຫາເດືອນພະຈິກ ປີ2026 ຢູ່ອາຟຣິກາ, ຈັດງົບປະມານລວມ ທັງໝົດ ປະມານ 319 ລ້ານໂດລາສະຫະລັດ ເພື່ອສຸມໃສ່ ສະໜັບ ສະໜູນ ປະເທດ ທີ່ໄດ້ຮັບຜົນກະທົບ ຄວບຄຸມພະຍາດ ພ້ອມທັງ ເສີມສ້າງຄວາມສາມາດປ້ອງກັນພະຍາດ ໃຫ້ແກ່ ປະເທດສະມາຊິກ ທີ່ມີຄວາມສ່ຽງສູງ ຢ່າງໜ້ອຍ 10 ປະເທດ. ພາຍຫລັງ ອົງການອະນາໄມໂລກ ຢືນຢັນວ່າ: ໃນການແພ່ລະບາດ ຂອງພະຍາດອີໂບລາ(Ebola)ຮອບໃໝ່, ຫລັງຈາກ ກົງໂກ ໄດ້ລາຍງານວ່າ ມີຜູ້ຖືກສົງໄສຕິດເຊື້ອພະຍາດດັ່ງກ່າວ ຫລາຍກວ່າ 900 ກໍລະນີ ແລະ ຜູ້ຖືກສົງໄສ ຕິດເຊື້ອ ເສຍຊີວິດ 200 ກໍລະນີ, ໃນນີ້, ມີຜູ້ຕິດເຊື້ອ 101 ກໍລະນີ. ກ່ອນໜ້ານີ້ ອົງການອະນາໄມໂລກໄດ້ປະກາດວ່າ: ການແພ່ລະບາດພະຍາດຮອບນີ້ ເປັນພາວະສຸກເສີນ ດ້ານສາທາລະນະສຸກ ທີ່ສາກົນເອົາໃຈໃສ່.\.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
