ຂປລ
ງານວາງສະແດງ ອຸດສາຫະກຳວັດທະນະທຳສາກົນຈີນຄັ້ງທີ 22 ທີ່ນະຄອນເສີນເຈີ້ນ ແຂວງກວາງຕຸ້ງຂອງ ສປ ຈີນ ອັດລົງ ໃນວັນທີ 25 ພຶດສະພານີ້.
ຂປລ.ວິທະຍຸ ໂທລະພາບ ສູນກາງຈີນ, ງານວາງສະແດງ ອຸດສາຫະກຳວັດທະນະທຳສາກົນຈີນຄັ້ງທີ 22 ທີ່ນະຄອນເສີນເຈີ້ນ ແຂວງກວາງຕຸ້ງຂອງ ສປ ຈີນ ອັດລົງ ໃນວັນທີ 25 ພຶດສະພານີ້. ງານວາງສະແດງຄັ້ງນີ້ ມີຫົວໜ່ວຍທຸລະກິດ ຕ່າງປະເທດ 310 ແຫ່ງທີ່ມາຈາກ 65 ປະເທດ ແລະ ເຂດແຄວ້ນເຂົ້າຮ່ວມ, ໄດ້ສ້າງເຂດການຄ້າ ເອເລັກໂຕຣນິກ ຂ້າມຊາດ ຢ່າງປະດິດສ້າງ ແລະ ຈັດຕັ້ງເຂດວາງສະແດງ ຂອງບັນດາອົງກອນ ເສດຖະກິດ ຂອງອົງການ ຮ່ວມມື ເສດຖະກິດ ອາຊີ-ປາຊີຟິກ ຫລື APEC ເປັນຄັ້ງທຳອິດ, ຊຸກຍູ້ການແລກປ່ຽນ ສອງຝ່າຍ ດ້ານວັດທະນະທຳ ລະຫວ່າງ ສປ ຈີນ ກັບຕ່າງປະເທດ ແລະ ເຮັດໃຫ້ເສດຖະກິດການຄ້າ ເຊື່ອມໂຍງເຂົ້າກັນ ຢ່າງເລິກເຊິ່ງ.ໃນໄລຍະຈັດງານວາງສະແດງ, ມີການຈັດກິດຈະກຳ ນຳສະໜີ ສິນຄ້າໃໝ່ ແລະ ການວາງສະແດງ ສິນຄ້າ ຄັ້ງທຳອິດ 260 ຄັ້ງ ຢູ່ສະຖານທີ່ ວາງສະແດງຫລັກ, ເຊິ່ງສະແດງໃຫ້ເຫັນເຖິງ ການເຊື່ອມໂຍງເຂົ້າກັນ ລະຫວ່າງ ວິທະຍາສາດ ເຕັກໂນໂລຊີ ແລະ ວັດທະນະທຳ, ໄດ້ເພີ່ມພະລັງຂັບເຄື່ອນ ທີ່ມີການປະດິດສ້າງ ໃຫ້ແກ່ ການພັດທະນາ ທີ່ມີຄຸນນະພາບສູງ ຂອງອຸດສາຫະກຳ.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
