ຂປລ
ຍານອະວະກາດບັນທຸກຄົນ “ເສີນໂຈ່ວ-23” ໄດ້ຖືກສົ່ງຂຶ້ນສູ່ ອະວະກາດ ດ້ວຍຈະຫລວດສົ່ງຍານ “ສາງເຈີ່ງ-2F Y23” ຈາກສູນສົ່ງດາວທຽມຈິວສວນຂອງ ສປ ຈີນ.
ຂປລ.ວິທະຍຸ ໂທລະພາບ ສູນກາງຈີນ, ອີງຕາມແຫລ່ງຂ່າວ ຈາກຫ້ອງການ ໂຄງການການບິນ ອະວະກາດ ບັນທຸກຄົນຂອງ ສປ ຈີນ ແຈ້ງໃຫ້ຮູ້ວ່າ: ວັນທີ 24 ພຶດສະພາ 2026 ຕາມເວລາປັກກິ່ງ, ຍານອະວະກາດ ບັນທຸກຄົນ “ເສີນໂຈ່ວ-23” ໄດ້ຖືກສົ່ງຂຶ້ນສູ່ ອະວະກາດ ດ້ວຍຈະຫລວດສົ່ງຍານ “ສາງເຈີ່ງ-2F Y23” ຈາກສູນສົ່ງດາວທຽມຈິວສວນຂອງ ສປ ຈີນ. ຫລັງຈາກນັ້ນ 10 ນາທີ, ຍານອະວະກາດ ບັນທຸກຄົນ “ເສີນໂຈ່ວ-23” ໄດ້ແຍກຕົວອອກຈາກ ຈະຫລວດ ສົ່ງຍານ ຢ່າງສຳເລັດຜົນ ແລ້ວເຂົ້າສູ່ ວົງໂຄຈອນ ຕາມທີ່ກຳນົດໄວ້. ປັດຈຸບັນ, ຈຸບິນຍານອະວະກາດ ຢູ່ໃນສະພາບທີ່ດີ ແລະ ພາລະກິດ ສົ່ງຍານຂຶ້ນສູ່ ອະວະກາດຄັ້ງນີ້ ໄດ້ປະສົບຜົນສຳເລັດ ຢ່າງຈົບງາມ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
