ຂປລ
ໃນເດືອນເມສາປີນີ້, ການຜະລິດ,ຈຳໜ່າຍ ແລະ ການສົ່ງອອກລົດພະລັງງານໃໝ່ ຫລື ລົດໄຟຟ້າຂອງ ສປ ຈີນ ລ້ວນແຕ່ໄດ້ບັນລຸການເຕີບໂຕຢ່າງໝັ້ນທ່ຽງ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 11 ພຶດສະພານີ້, ສະມາຄົມ ອຸດສາຫະກຳ ລົດຍົນຈີນ ໄດ້ແຈ້ງໃຫ້ຮູ້ວ່າ: ໃນເດືອນເມສາປີນີ້, ການຜະລິດ,ຈຳໜ່າຍ ແລະ ການສົ່ງອອກລົດພະລັງງານໃໝ່ ຫລື ລົດໄຟຟ້າຂອງ ສປ ຈີນ ລ້ວນແຕ່ ໄດ້ບັນລຸການເຕີບໂຕ ຢ່າງໝັ້ນທ່ຽງ.ໃນເດືອນເມສາປີນີ້, ການຜະລິດ ແລະ ຈຳໜ່າຍລົດໄຟຟ້າ ມີເຖິງ 1.320.000 ຄັນແລະ 1.344.000 ຄັນ ຕາມລຳດັບ,ເພີ່ມຂຶ້ນ 5,5% ແລະ 9,7% ເມື່ອທຽບໃສ່ໄລຍະດຽວກັນຂອງປີ 2025, ຍອດການຈຳໜ່າຍລົດໄຟຟ້າໄດ້ກວມເອົາ 53,2% ຂອງການຈຳໜ່າຍລົດຍົນໃໝ່ທັງໝົດ. ໃນດ້ານການສົ່ງອອກ, ໄດ້ສົ່ງອອກລົດໄຟຟ້າ 430.000 ຄັນ,ເພີ່ມຂຶ້ນ 1,1 ເທົ່າເມື່ອທຽບໃສ່ ໄລຍະດຽວກັນ ຂອງປີ 2025. ພ້ອມກັນນັ້ນ, ໃນເດືອນມັງກອນ ຫາເດືອນເມສາປີນີ້, ການສົ່ງອອກລົດໄຟຟ້າຂອງ ສປ ຈີນ ໄດ້ມີເຖິງ 1.384.000 ຄັນ, ເພີ່ມຂຶ້ນ 1,2 ເທົ່າເມື່ອທຽບໃສ່ ໄລຍະດຽວກັນຂອງປີ 2025./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
