ຂປລ. ຜະລິດຕະພັນຢາພື້ນເມືອງລາວ ຫວ້ານລືສີຄູນຊັບ ເປັນອີກຜະລິດຕະພັນໜຶ່ງທີ່ສັງຄົມໃຫ້ຄວາມໄວ້ວາງໃຈເນື່ຶອງຈາກວ່າ ຜະລິດພັນມີຄຸນນະພາບດີ ຫລາຍຄົນກິນແລ້ວເຫັນຜົນ, ອີກຢ່າງໜຶ່ງ ກໍມີຫລາຍຜະລິະຕະພັນໃຫ້ເລືອກໃຊ້ເປັນຕົ້ນ ນໍ້າມັນເອັນຍືດຊ່ວຍນວດເສັ້ນ, ອາຫານເສີມເພື່ອສຸຂະພາບ, ນໍ້າຢາສະໜຸນໄພລ້າງຊ່ອງຄອດ, ສະເປ່ສີດນໍ້າມັນຫວ້ານລືສີ, ຢາສະຜົມ, ນໍ້າມັນຂຽວ ແລະ ອື່ນໆ ທີ່ມີສັບພະຄຸນຫລາຍຢ່າງດີຕໍ່ສຸຂະພາບເຊັ່ນກັນ.

ປ້າ ພູວີ ພິມມະຈັນລໍ່ ເຈົ້າຂອງຫ້ອງປຸງແຕ່ງຢາພື້ນເມືອງລາວ ຫວ້ານລືສີຄູນຊັບ ບ້ານໂນນສະຫວ່າງ ເມືອງວຽງຄໍາ ແຂວງວຽງຈັນ ໄດ້ໃຫ້ສໍາພາດຕໍ່ນັກຂ່າວເມື່ອບໍ່ດົນມານີ້ວ່າ: ກ່ອນຈະມາເຮັດຫ້ອງປຸງແຕ່ງຢາພື້ນເມືອງລາວ ຫວ້ານລືສີຄູນຊັບ, ໃນປີ 2002 ໄດ້ເປັນໝໍນວດທົ່ວໄປ. ຈາກນັ້ນ, ເຫັນໄດ້ວ່າສຸຂະພາບ ແລະ ພູມຕ້ານທານຂອງຄົນເຮົາແຕ່ລະຄົນບໍ່ຄືກັນ ບາງຄົນເມື່ອໃຊ້ຜະລິດຕະພັນຫລາຍຢ່າງຈະເຮັດໃຫ້ແພ້ງ່າຍ ໂດຍສະເພາະແພ້ຄວາມຮ້ອນ, ຄວາມເຢັນ ຂ້າພະເຈົ້າຈຶ່ງເກີດມີແນວຄວາມຄິດ, ຖ້າຫາກຂ້າພະເຈົ້າໄດ້ເຮັດຜະລິດຕະພັນຢາພື້ນເມືອງລາວປິ່ນປົວພະຍາດຕ່າງໆ ຈະບໍ່ເອົາຮ້ອນ, ເອົາເຢັນ ຈຶ່ງໄດ້ຄົ້ນຄິດຜະລິດຕະພັນທໍາອິດຂຶ້ນມາມີຊື່ວ່າ: ນໍ້າມັນຫວ້ານລືສີນວດເສັ້ນສູດດັ້ງເດີມ ສາມາດໃຊ້ໄດ້ທັງໜ້າ ແລະ ໃຊ້ທາໄດ້ທັງຕຸ່ມທຸກປະເພດ, ໃຊ້ທາໄຟໄໝ້ນໍ້າຮ້ອນລວກ ແລະ ຍັງເປັນຜະລິດຕະພັນທໍາອິດທີ່ໄດ້ຮັບຮອງເປັນສິນຄ້າໂອດັອບ. ຕໍ່ມາຂ້າພະເຈົ້າມີບັນຫາດ້ານສຸຂະພາບ (ເປັນມະເຮັງປາກມົດລູກ) ຈຶ່ງມີໝໍຢາພື້ນເມືອງລາວມາປິ່ນປົວ ໂດຍນໍາເອົາຢາພື້ນເມືອງລາວມະຫາເມກແຮ້ງຄໍຄໍາ ແລະ ຫວ້ານລືສີຊະນິດແຊ່ດື່ມ ເພື່ອດື່ມຂັບເຊື້ອໄວຣັດ ແລະ ເຊື້ອມະເຮັງ ຈຶ່ງຊ່ວຍຂັບທາດເບື່ອເຊື້ອໄວຣັດອອກມາ ຊຶ່ງເຫັນໄດ້ຕົວຈິງກັບຂ້າພະເຈົ້າເອງ ແລະ ເຫັນວ່າໄດ້ຜົນແທ້ ຈຶ່ງຄິດເຖິງຄວາມຕ້ອງການຂອງສັງຄົມ ທີ່ຕ້ອງການຄວາມຊ່ວຍເຫລືອຄືກັນ. 

ຢາພື້ນເມືອງລາວມະຫາເມກແຮ້ງຄໍຄໍາຊະນິດແຊ່ດື່ມມີຄວາມສໍາຄັນ ແລະ ມີປະໂຫຍດຫລາຍ, ມີວິທີດື່ມງ່າຍໆ ພຽງແຕ່ແຊ່ໃສ່ນໍ້າຮ້ອນແລ້ວດື່ມຄືກັບນໍ້າຊາທົ່ວໄປ ດື່ມທຸກມື້ ຊຶ່ງມີສັບພະຄຸນຊ່ວຍຂັບທາດເບື່ອ, ລ້າງສານພິດ, ແກ້ພິດ, ແກ້ເບື່ອ, ແກ້ແພ້, ແກ້ສານເຄມີຕົກຄ້າງໃນຮ່າງກາຍ ແລະ ອື່ນໆ ໂດຍພິສູດໄດ້ເຫັນຜົນ 100 ເປີເຊັນ ແລະ ສາມາດແຊ່ດື່ມກິນທຸກມື້ຈະດີຕໍ່ສຸຂພາບ. ນອກຈາກຜະລິດຕະພັນທີ່ກ່າວມານັ້ນແລ້ວ, ຫ້ອງປຸງແຕ່ງຢາພື້ນເມືອງລາວ ຫວ້ານລືສີຄູນຊັບ ຍັງມີຜະລິດຕະພັນອີກ 38 ລາຍການ ເປັນຕົ້ນນ້ຳມັນຫວ້ານລືສີນວດເສັ້ນສູດດັ້ງເດີມ, ນໍ້າມັນເອັນຍືດຊ່ວຍນວດເສັ້ນ, ອາຫານເສີມເພື່ອສຸຂະພາບ, ນໍ້າຢາສະໜຸນໄພລ້າງຊ່ອງຄອດ, ສະເປ່ໃສີດນໍ້າມັນຫວ້ານລືສີ, ຢາສະຜົມ, ນໍ້າມັນຂຽວ ແລະ ອື່ນໆ ທີ່ມີສັບພະຄຸນດີຕໍ່ສຸຂະພາບເຊັ່ນກັນ. ພ້ອມນັ້ນ, ນໍ້າມັນຫວ້ານລືສີນວດເສັ້ນສູດດັ້ງເດີມ ເປັນໜຶ່ງຜະລິດຕະພັນທີ່ໄດ້ນໍາສະເໜີໃຫ້ບັນດາປະເທດອາຊຽນລຸ່ມແມ່ນໍ້າຂອງໄດ້ຮູ້ຈັກນໍາອີກດ້ວຍ. ຕົກມາໃນປີ 2015 ຫ້ອງປຸງແຕ່ງຢາພື້ນເມືອງລາວ ຫວ້ານລືສີຄູນຊັບໄດ້ຮັບຮອງເປັນສິນຄ້າ ໜຶ່ງເມືອງໜຶ່ງຜະລິດຕະພັນ (ໂອດັອບ) ແລະ ມາໃນປີ 2016 ກໍໄດ້ຂຶ້ນທະບຽນຮັບຮອງເປັນຫ້ອງປຸງແຕ່ງຢາພື້ນເມືອງລາວ ຫວ້ານລືສີຄູນຊັບ. ນັບແຕ່ນັ້ນມາກໍໄດ້ມີການວາງຂາຍ ແລະ ຈໍາໜ່າຍໃນງານວາງສະແດງສິນຄ້າຕ່າງໆ ມາຕະຫລອດ ທັງພາຍໃນ ແລະ ຕ່າງປະເທດ.

ປ້າພູວີ ພິມມະຈັນລໍ່ ໃຫ້ຮູ້ຕື່ມວ່າ: ຕະຫລອດໄລຍະຜ່ານມາ, ສັງຄົມ ກໍຄືຜູ້ຊົມໃຊ້ໄດ້ໃຫ້ການຕອບຮັບເປັນຢ່າງດີ ໂດຍມີການບອກ ປາກຕໍ່ປາກ, ບາງຄົນກໍນໍາມາຊື້ຊໍ້າອີກ. ສະນັ້ນ, ຖ້າທ່ານໃດມີຄວາມສົນໃຈ ຕ້ອງການນໍາໃຊ້ຜະລິດຕະພັນຢາພື້ນເມືອງລາວ ຫວ້ານລືສີຄູນຊັບ ຫລື  ຊື້ໄປເປັນຕົວແທນຈໍາໜ່າຍ ກໍສາມາດສັ່ງຊື້ໄດ້ທາງອອນລາຍສອບຖາມທີ່ເບີ 020 56998749 ຈັດສົ່ງທັງພາຍໃນ ແລະ ຕ່າງປະເທດ ຫລື ຫາຊື້ໄດ້ທີ່ບ້ານໂນນສະຫວ່າງ ເມືອງວຽງຄໍາ ແຂວງວຽງຈັນ. ສຸດທ້າຍນີ້,ກໍຂໍຝາກເຖິງສັງຄົມ ຈົ່ງຫັນມາດູແລເບິ່ງແຍງສຸຂະພາບຕົນເອງ ແລະ ຊ່ວຍຊຸກຍູ້ສົ່ງເສີມຜະລິດຕະພັນຢາພື້ນເມືອງລາວທີ່ຄົນລາວຜະລິດເອງໃຫ້ຄຽງຄູ່ກັບຄົນລາວຕະຫລອດໄປ ເພາະຢາພື້ນເມືອງລາວ ກໍມີປະໂຫດຫລາຍຢ່າງ. ຖ້າຮູ້ວ່າຕົນເອງບໍ່ສະບາຍກິນຢາຫລວງ, ຢາພື້ນເມືອງລາວມາຫລາຍເຈົ້າແລ້ວຍັງບໍ່ເຊົາ ກໍລອງເປີດໃຈນໍາໃຊ້ຢາພື້ນເມືອງລາວຫວ້ານລືສີຄູນຊັບ. ພ້ອມນັ້ນ, ທາງຫ້ອງປຸງແຕ່ງຢາພື້ນເມືອງລາວ ຫວ້ານລືສີຄູນຊັບ ຍັງມີບໍລິການນວດໃຫ້ຜູ້ທີ່ມີອາການມຶນຊາ, ກະດູກໜີບເສັ້ນ, ເຈັບເສັ້ນ, ເຈັບເອັນ, ເຈັບແອວ ແລະ ອື່ນໆ ຕື່ມອີກ.

ໂດຍ: ມາລີດາ

KPL