ຂປລ
ທ່ານ ໂຕເລິມ, ເລຂາທິການໃຫຍ່ ຄະນະບໍລິຫານງານ ສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໄດ້ເຂົ້າຮ່ວມ ແລະ ກ່າວຄຳເຫັນ ທີ່ເວທີປາໄສນະວັດຕະກຳ ຫວຽດນາມ-ອິນເດຍ ດ້ວຍຫົວຂໍ້ “ການຮ່ວມມື ພັດທະນາ ແຫລ່ງຊັບພະຍາກອນມະນຸດ, ວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນ ດີຈີຕອນ”
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມນີ້, ທ່ານ ໂຕເລິມ, ເລຂາທິການໃຫຍ່ ຄະນະບໍລິຫານງານ ສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໄດ້ເຂົ້າຮ່ວມ ແລະ ກ່າວຄຳເຫັນ ທີ່ເວທີປາໄສນະວັດຕະກຳ ຫວຽດນາມ-ອິນເດຍ ດ້ວຍຫົວຂໍ້ “ການຮ່ວມມື ພັດທະນາ ແຫລ່ງຊັບພະຍາກອນມະນຸດ, ວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນ ດີຈີຕອນ”.ທ່ານ ເລຂາທິການໃຫຍ່, ປະທານປະເທດ ໂຕເລິມ ສະເໜີໃຫ້ ເວທີປາໄສ ສຸມໃສ່ແລກປ່ຽນ ແລະ ຊຸກຍູ້ການກຳນົດທິດ ຈຸດສຸມ 5 ປະການ, ໃນນັ້ນກຳນົດແຈ້ງ ບັນດາຂົງເຂດ ໃຫ້ບຸລິມະສິດຮ່ວມມື, ສຸມໃສ່ບັນດາຂົງເຂດ ເຕັກໂນໂລຊີ ຍຸດທະສາດ ກຳນົດທິດ ໃນສະຕະວັດທີ 21, ລວມມີ ປັນຍາປະດິດ, ເຕັກໂນໂລຊີ, ພະລັງງານສະອາດ. “ສ້າງບັນດາຂົງເຂດຮ່ວມມືໃໝ່ ດ້ານວິທະຍາສາດ, ເຕັກໂນໂລຊີ, ຜ່ານບັນດາໂຄງການ ມີຂອບຂະໜາດໃຫຍ່ ແລະ ກົນໄກຮ່ວມມື ໃນໄລຍະຍາວ, ໃນນັ້ນ, ຊຸກຍູ້ການສ້າງຄູ່ຮ່ວມມື ດີຈີຕອນ ຫວຽດນາມ-ອິນເດຍ. ຍູ້ແຮງຮູບແບບ “ພ້ອມກັນຄົ້ນຄວ້າ, ພ້ອມກັນພັດທະນາ, ພ້ອມກັນຜະລິດ”, ມຸ່ງໄປເຖິງ ການຜະລິດອອກ ບັນດາຜະລິດຕະພັນ ເຕັກໂນໂລຊີ ຖືເຄື່ອງໝາຍການຄ້າລວມ, ມີຄວາມສາມາດ ເຂົ້າຮ່ວມລະບົບມູນຄ່າ ທົ່ວໂລກ ຢ່າງເລິກເຊິ່ງ”. ໃນຂອບເຂດການຢ້ຽມຢາມນີ້, ທ່ານ ເລຂາທິການໃຫຍ່, ປະທານປະເທດ ໂຕເລິມ ກໍ່ໄດ້ໃຫ້ການຕ້ອນຮັບທ່ານ ນາງ Kusum Jain, ປະທານສະພາຄົມມິດຕະພາບ ອິນເດຍ-ຫວຽດນາມ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
