ຂປລ
ທ່ານ ອະນຸທິນ ຊານວີຣະກຸນ ນາຍົກລັດຖະມົນຕີໄທ ໄດ້ກ່າວ ໃນເວລາໃຫ້ສຳພາດ ຕໍ່ນັກຂ່າວວ່າ: ຈະພົບປະກັບ ທ່ານ ຮຸນມາເນັດ ນາຍົກລັດຖະມົນຕີກຳປູເຈຍ ໃນໄລຍະເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 48.
ຂປລ.ວິທະຍຸ-ໂທລະພາບ ສູນກາງຈີນ,ວັນທີ 7 ພຶດສະພານີ້, ທ່ານ ອະນຸທິນ ຊານວີຣະກຸນ ນາຍົກລັດຖະມົນຕີໄທ ໄດ້ກ່າວ ໃນເວລາໃຫ້ສຳພາດ ຕໍ່ນັກຂ່າວວ່າ: ຈະພົບປະກັບ ທ່ານ ຮຸນມາເນັດ ນາຍົກລັດຖະມົນຕີກຳປູເຈຍ ໃນໄລຍະເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 48. ທ່ານກ່າວຢ້ຳວ່າ: ການແກ້ໄຂບັນຫາການພົວພັນ ລະຫວ່າງ ໄທ-ກຳປູເຈຍຈະຖືເອົາການປົກປັກຮັກສາ ອະທິປະໄຕຂອງໄທ ແລະ ຜົນປະໂຫຍດ ຂອງປະຊາຊົນໄທ ເປັນບູລິມະສິດ ຕົ້ນຕໍ ຢ່າງສະເໝີຕົ້ນ ສະເໝີປາຍ.ຈາກນັ້ນ ທ່ານ ອະນຸທິນ ຊານວີຣະກຸນ ໄດ້ນຳພາຄະນະຜູ້ແທນໄທ ເດີນທາງໄປ ຟີລິບປິນ ເພື່ອເຂົ້າຮ່ວມ ກອງປະຊຸມສຸດຍອດ ອາຊຽນ ຄັ້ງທີ 48 ໃນວັນທີ8ພຶດສະພານີ້./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
