ຂປລ
ການເປີດກວ້າງ ຂອບຂະໜາດ ແລະ ຍົກສູງປະສິດທິຜົນ ຢ່າງແທ້ຈິງ ຂອງລະບົບ ກົງສູນກິດຕິມະສັກ ຫວຽດນາມ ຢູ່ຕ່າງປະເທດ ແມ່ນໜຶ່ງ ໃນບັນດາມາດຕະການຈຸດສຸມ ເພື່ອເພີ່ມທະວີວຽກງານປົກປ້ອງພົນລະເມືອງ, ຊຸກຍູ້ການທູດເສດຖະກິດ ແລະ ດຶງດູດແຫລ່ງກຳລັງ ພັດທະນາ ປະເທດຊາດ ໃນໄລຍະໃໝ່.
ຂປລ.ວິທະຍຸ ກະຈ່າຍສຽງ ຫວຽດນາມ, ການເປີດກວ້າງ ຂອບຂະໜາດ ແລະ ຍົກສູງປະສິດທິຜົນ ຢ່າງແທ້ຈິງ ຂອງລະບົບ ກົງສູນກິດຕິມະສັກ ຫວຽດນາມ ຢູ່ຕ່າງປະເທດ ແມ່ນໜຶ່ງ ໃນບັນດາມາດຕະການຈຸດສຸມ ເພື່ອເພີ່ມທະວີ ວຽກງານປົກປ້ອງ ພົນລະເມືອງ, ຊຸກຍູ້ການທູດ ເສດຖະກິດ ແລະ ດຶງດູດແຫລ່ງກຳລັງ ພັດທະນາ ປະເທດຊາດ ໃນໄລຍະໃໝ່. ເນື້ອໃນດັ່ງກ່າວ ໄດ້ເນັ້ນໜັກ ທີ່ກອງປະຊຸມ ກົງສຸນກິດຕິມະສັກປະເທດ ສສ.ຫວຽດນາມ ຢູ່ຕ່າງປະເທດ ຄັ້ງທີ 2 ປີ 2026, ຈັດຂຶ້ນວັນທີ 30 ກໍລະກົດ, ຢູ່ແຂວງ ກວາງນິງ. ເພື່ອຍົກສູງປະສິດທິຜົນ ຂອງລະບົບກົງສຸນ ກິດຕິມະສັກ, ກົມກົງສູນ ກະຊວງການຕ່າງປະເທດ ຫວຽດນາມ ຈະສືບຕໍ່ສ້າງ ເງື່ອນໄຂສະດວກສູງສຸດ ເພື່ອແຕ່ງຕັ້ງ ແລະ ການເຄື່ອນໄຫວ ຂອງກົງສຸນກິດຕິມະສັກ, ຮັກສາການເຊື່ອມຕໍ່, ພ້ອມກັນນັ້ນ ກໍ່ຍ້ອງຍໍບັນດາບຸກຄົນດີເດັ່ນ ຢ່າງທັນການ. ທີ່ກອງປະຊຸມ, ທ່ານ ຢ້ວານຮວ່າງມິນ, ຫົວໜ້າກົມກົງສູນ ກະຊວງການຕ່າງປະເທດ ຫວຽດນາມ ເນັ້ນໜັກວ່າ: ຈະຄົ້ນຄວ້າ ບັນດາມາດຕະການ ເປີດກວ້າງ ຂອບຂະໜາດບັນດາກົງສຸນ ກິດຕິມະສັກ, ຊອກຫາບັນດາ ຜູ້ສະໝັກມີຄວາມສຸດຈິດສຸດໃຈ, ມີກຳລັງຄວາມສາມາດໜູນຊ່ວຍ ລັດຖະບານ ຫວຽດນາມ ປະຕິບັດສຳເລັດໜ້າທີ່ ຂອງວຽກງານກົງສຸນກິດຕິມະສັກ ຢູ່ຕ່າງປະເທດຕື່ມອີກ. ທີ 2, ຍົກສູງປະສິດທິຜົນຢ່າງແທ້ຈິງ, ຕອບສະໜອງ ໄດ້ຄວາມຮຽກຮ້ອງ ທີ່ສູງກວ່າ, ມານະພະຍາຍາມຫລາຍກວ່າ ໃນການປະຕິບັດບັນດາເປົ້າໝາຍ ພັດທະນາລວມ ຂອງປະເທດຊາດ”. ໃນກອງປະຊຸມ, ບັນດາກົງສຸນກິດຕິມະສັກຢູ່ ເນປານ, ບຣາຊິນ, New Caledonia (ຝຣັ່ງ) ໄດ້ແບ່ງປັນບົດຮຽນ ການເຄື່ອນໄຫວ, ສະເໜີ ບັນດາມາດຕະການ ເພື່ອຍົກສູງປະສິດທິຜົນ ການເຄື່ອນໄຫວ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
