ຂປລ
ງານເຜີຍແຜ່ປຶ້ມ “ສີຈິ້ນຜິງ ວ່າດ້ວຍການປົກຄອງປະເທດ ແລະ ຄຸ້ມຄອງລັດ” ເຫຼັ້ມທີ 5 ສະບັບພາສາອັງກິດໄດ້ຈັດຂຶ້ນຢູ່ນະຄອນຫລວງ ຈາກາຕາ ປະເທດອິນໂດເນເຊຍ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 28 ມີນານີ້, ງານເຜີຍແຜ່ປຶ້ມ “ສີຈິ້ນຜິງ ວ່າດ້ວຍການປົກຄອງປະເທດ ແລະ ຄຸ້ມຄອງລັດ” ເຫຼັ້ມທີ 5 ສະບັບພາສາອັງກິດໄດ້ຈັດຂຶ້ນຢູ່ນະຄອນຫລວງ ຈາກາຕາ ປະເທດອິນໂດເນເຊຍ.ໃນງານດັ່ງກ່າວ, ຝ່າຍ ສປ ຈີນ ໄດ້ມອບປຶ້ມ “ສີຈິ້ນຜິງ ວ່າດ້ວຍການປົກຄອງ ປະເທດ ແລະ ຄຸ້ມຄອງລັດ” ເຫລັ້ມທີ 5 ສະບັບ ພາສາອັງກິດ ໃຫ້ແກ່ແຂກ ອິນໂດເນເຊຍ. ບັນດາຜູ້ຊ່ຽວຊານ ແລະ ນັກວິຊາການ ທີ່ເຂົ້າຮ່ວມງານ ໄດ້ສົນທະນາ ແລະ ແລກ ປ່ຽນກັນ ໂດຍສຸມໃສ່ ຫົວຂໍ້ຕ່າງໆເຊັ່ນ: ໂອກາດການພັດທະນາ ໃນໄລຍະແຜນພັດທະນາເສດຖະກິດ-ສັງຄົມແຫ່ງ 5 ປີຄັ້ງທີ 15 ຂອງ ສປ ຈີນ, ຄວາມທັນສະໄໝຮ່ວມກັນ, ບົດຮຽນໃນການຫລຸດຜ່ອນ ຄວາມທຸກຍາກ ແລະ ອື່ນໆ.ງານຄັ້ງນີ້ ຮ່ວມເປັນເຈົ້າພາບຈັດຂຶ້ນ ໂດຍຫ້ອງການຖະແຫລງຂ່າວ ຂອງລັດຖະບານຈີນ, ກະຊວງການເຄື່ອນຍ້າຍ ຂອງປະຊາກອນອິນໂດເນເຊຍ, ອົງການ ພິມຈຳໜ່າຍ ພາສາຕ່າງປະເທດຂອງ ສປຈີນ ແລະ ສະຖານທູດຈີນ ປະຈຳ ອິນໂດເນເຊຍ. ແຂກທີ່ມີກຽດຂອງ ສປ ຈີນ ແລະ ອິນໂດເນເຊຍ, ຜູ້ແທນຈາກວົງການຕ່າງໆເຊັ່ນ: ການພິມຈຳໜ່າຍ, ຄັງປັນຍາ, ສື່ມວນຊົນ ແລະອື່ນໆປະມານ 200 ທ່ານໄດ້ເຂົ້າຮ່ວມ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
