ຂປລ
ຫ້ອງວ່າການ ຖະແຫລງຂ່າວ ລັດຖະບານຈີນ ໄດ້ຈັດ ກອງປະຊຸມ ຖະແຫລງຂ່າວ ໃຫ້ຮູ້ວ່າ: ໃນໄລຍະ ຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 14 ນັບແຕ່ ປີ 2021-2025, ລະດັບ ວິທະຍາສາດ ເຕັກໂນໂລຊີ ດ້ານກະສິກຳ ຂອງ ຈີນ ໄດ້ຮັບການ ພັດທະນາສູງຂຶ້ນ ຕື່ມອີກ
ຂປລ. ວິທະຍຸໂທລະພາບ ສູນກາງຈີນ (CMG): ວັນທີ 23 ເມສານີ້, ຫ້ອງວ່າການ ຖະແຫລງຂ່າວ ລັດຖະບານຈີນ ໄດ້ຈັດ ກອງປະຊຸມ ຖະແຫລງຂ່າວ ໃຫ້ຮູ້ວ່າ: ໃນໄລຍະ ຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 14 ນັບແຕ່ ປີ 2021-2025, ລະດັບ ວິທະຍາສາດ ເຕັກໂນໂລຊີ ດ້ານກະສິກຳ ຂອງ ຈີນ ໄດ້ຮັບການ ພັດທະນາສູງຂຶ້ນ ຕື່ມອີກ, ການຜະລິດ ສະບຽງອາຫານຕົ້ນຕໍ ໄດ້ນຳໃຊ້ ເຄື່ອງຈັກ ໃນທຸກຂັ້ນຕອນ ໂດຍພື້ນຖານ. ພ້ອມດຽວກັນນັ້ນ, ຍັງໄດ້ເລັ່ງລັດ ການຫັນປ່ຽນ ຮູບແບບ ການພັດທະນາ ກະສິກຳ ໄປເປັນແບບ ອັດສະລິຍະ ແລະ ດີຈີຕອນ, ອຸປະກອນ ອັດສະລິຍະຕ່າງໆ ໄດ້ເສີມຂະຫຍາຍ ບົດບາດ ອັນສຳຄັນ ເຂົ້າໃນ ການຜະລິດ ກະສິກຳ. ໄລ່ມາຮອດ ປັດຈຸບັນ, ຈີນ ມີເຮືອບິນ ບໍ່ມີຄົນຂັບ ດ້ານກະສິກຳ ຫລາຍກວ່າ 300.000 ລຳ, ຈັດເປັນ ອັນດັບທີ 1 ຂອງໂລກ./
KPL
