ຂປລ
ສື່ມວນຊົນ ເອີຣົບ ໃຫ້ລາຍງານວ່າ ອູແກຣນ ໄດ້ສ້ອມແປງ ທໍ່ຂົນສົ່ງນ້ຳມັນ ດຣູຊະບາ ( Druzhba) ຂອງ ຣັດເຊຍ ໄປເອີຣົບ ທີ່ເປ່ເພ ເມື່ອຕົ້ນປີ 2026 ແລະ ພ້ອມແລ້ວທີ່ຈະເຊື່ອມ ຕໍ່ ການສະໜອງຄືນໃໝ່. ການເຄື່ອນໄຫວ ດັ່ງກ່າວ ແມ່ນເພື່ອແນໃສ່ ແກ້ໄຂ ສິ່ງກີດຂວາງ
ຂປລ.ວິທະຍຸກະຈາຍສຽງຫວຽດນາມ , ເມື່ອບໍ່ດົນມານີ້, ສື່ມວນຊົນ ເອີຣົບ ໃຫ້ລາຍງານວ່າ ອູແກຣນ ໄດ້ສ້ອມແປງ ທໍ່ຂົນສົ່ງນ້ຳມັນ ດຣູຊະບາ ( Druzhba) ຂອງ ຣັດເຊຍ ໄປເອີຣົບ ທີ່ເປ່ເພ ເມື່ອຕົ້ນປີ 2026 ແລະ ພ້ອມແລ້ວທີ່ຈະເຊື່ອມ ຕໍ່ ການສະໜອງຄືນໃໝ່. ການເຄື່ອນໄຫວ ດັ່ງກ່າວ ແມ່ນເພື່ອແນໃສ່ ແກ້ໄຂ ສິ່ງກີດຂວາງ ເຊິ່ງປະເທດນີ້ ຕັ້ງຄວາມຫວັງວ່າ ຈະແມ່ນຮົ້ວກີດຂວາງ ສຸດທ້າຍ ເພື່ອຮັບປະກັນວ່າ ຈະໄດ້ຮັບບ້ວງເງິນ ໜູນຊ່ວຍ ນັບສິບຕື້ເອີໂຣ.
ໃນຖະແຫລງການ ສື່ສັງຄົມອອນໄລ, ທ່ານ ໂວໂລດີເມຍ ເຊເລນກີ (Volodymyr Zelensky), ປະທານາທິບໍດີ ອູແກຣນ ໃຫ້ຮູ້ວ່າ ອູແກຣນ ໄດ້ປະຕິບັດ ການສ້ອມແປງ ທໍ່ສົ່ງນ້ຳມັນ ດຣູຊະບາ ທີ່ຖືກເປ່ເພ ຢ່າງສຳເລັດແລ້ວ ແລະ ພ້ອມແລ້ວ ທີີ່ຈະນຳເຂົ້ານໍ້າມັນ ຄືນໃໝ່.ພາຍຫລັງ ການຢັ້ງຢືນ ເລື່ອງສ້ອມແປງ ຢ່າງສຳເລັດແລ້ວ, ອູແກຣນ ໄດ້ແລກປ່ຽນກັບ ທ່ານນາງ Ursula von der Leyen, ປະທານ ຄະນະກຳມະການ ເອີຣົບ ກ່ຽວກັບ ບ້ວງເງິນ ກູ້ຢືມທີ່ມີ ມູນຄ່າ 90 ຕື້ເອີໂຣ (97,5 ຕື້ໂດລາສະຫະລັດ) ທີ່ຖືກໂຈະໄວ້ ແຕ່ກ່ອນນັ້ນ./
KPL
