ຂປລ
ນໄຕມາດທີ 1 ປີນີ້, ມູນຄ່າການນຳໃຊ້ທຶນຕ່າງປະເທດຕົວຈິງ ຂອງອຸດສາຫະກຳເຕັກໂນໂລຊີທັນສະໄໝຂອງ ສປ ຈີນ ໄດ້ເພີ່ມຂຶ້ນຢ່າງຫຼວງຫຼາຍ ເມື່ອທຽບໃສ່ໄລຍະດຽວກັນຂອງປີກາຍ, ອັດຕາສ່ວນຂອງມູນຄ່ານີ້ ໃນມູນຄ່າການນຳໃຊ້ທຶນຕ່າງປະເທດຕົວຈິງ ທົ່ວປະເທດ ໄດ້ເພີ່ມຂຶ້ນຢ່າງຕໍ່ເນື່ອງ
ຂປລ.ຕາມຂ່າວຈາກ ວິທະຍຸ-ໂທລະພາບ ສູນກາງຈີນ,ວັນທີ27ເມສາປີນີ້, ຕົວເລກຂໍ້ມູນ ທີ່ກະຊວງການຄ້າຈີນ ເປີດເຜີຍສະແດງໃຫ້ເຫັນວ່າ: ໃນໄຕມາດທີ 1 ປີນີ້, ມູນຄ່າການນຳໃຊ້ທຶນຕ່າງປະເທດຕົວຈິງ ຂອງອຸດສາຫະກຳເຕັກໂນໂລຊີທັນສະໄໝຂອງ ສປ ຈີນ ໄດ້ເພີ່ມຂຶ້ນຢ່າງຫຼວງຫຼາຍ ເມື່ອທຽບໃສ່ໄລຍະດຽວກັນຂອງປີກາຍ, ອັດຕາສ່ວນຂອງມູນຄ່ານີ້ ໃນມູນຄ່າການນຳໃຊ້ທຶນຕ່າງປະເທດຕົວຈິງ ທົ່ວປະເທດ ໄດ້ເພີ່ມຂຶ້ນຢ່າງຕໍ່ເນື່ອງ. ນັບແຕ່ເດືອນມັງກອນ ຫາເດືອນມີນາປີ 2026, ທົ່ວປະເທດຈີນ ໄດ້ສ້າງຕັ້ງວິສາຫະກິດທຶນຕ່າງປະເທດໃໝ່ 13.987 ແຫ່ງ, ເພີ່ມຂຶ້ນ 11% ເມື່ອທຽບໃສ່ໄລຍະດຽວກັນຂອງປີກາຍ, ມູນຄ່າການນຳໃຊ້ທຶນຕ່າງປະເທດຕົວຈິງ ໄດ້ເກືອບ 250 ຕື້ຢວນ. ຂະນະທີ່ ອຸດສາຫະກຳການຜະລິດ ໄດ້ນຳໃຊ້ທຶນຕ່າງປະເທດຕົວຈິງມີ 71 ຕື້ກວ່າຢວນ; ຂະແໜງການບໍລິການ ໄດ້ນຳໃຊ້ທຶນຕ່າງປະເທດຕົວຈິງ 174 ຕື້ກວ່າຢວນ. ອຸດສາຫະກຳເຕັກໂນໂລຊີທັນສະໄໝ ໄດ້ນຳໃຊ້ທຶນຕ່າງປະເທດຕົວຈິງ 102 ຕື້ກວ່າຢວນ, ເພີ່ມຂຶ້ນ 30,7% ເມື່ອທຽບໃສ່ ໄລຍະດຽວກັນຂອງປີກາຍ, ໄດ້ກວມເອົາ 41,2% ຂອງມູນຄ່າການນຳໃຊ້ທຶນຕ່າງປະເທດຕົວຈິງ ຂອງທົ່ວປະເທດ. ເມື່ອເບິ່ງຕາມແຫຼ່ງທຶນແລ້ວ, ການລົງທຶນຈາກສະວິດສ, ຝຣັ່ງ ແລະ ປະເທດອື່ນໆຢູ່ ສປ ຈີນ ໄດ້ເພີ່ມຂຶ້ນຢ່າງໄວ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
