ຂປລ
ກະຊວງ ສາທາລະນະສຸກ ຂອງ ຫວຽດນາມ ສະເໜີໃຫ້ມີ ການຈັດສັນງົບປະມານ ກວ່າ 1,8 ພັນຕື້ດົງ (ສະກຸນເງິນ ຫວຽດນາມ) ຕໍ່ປີ ສຳລັບ ແຈກຢາຍເງິນສົດ ເພື່ອດຶງດູດໃຈ ໃຫ້ປະຊາຊົນ ມີລູກ
ຂປລ.ສຳນັກຂ່າວ ຊິນຮວາລາຍງານວ່າ: ກະຊວງ ສາທາລະນະສຸກ ຂອງ ຫວຽດນາມ ສະເໜີໃຫ້ມີ ການຈັດສັນງົບປະມານ ກວ່າ 1,8 ພັນຕື້ດົງ (ສະກຸນເງິນ ຫວຽດນາມ) ຕໍ່ປີ ສຳລັບ ແຈກຢາຍເງິນສົດ ເພື່ອດຶງດູດໃຈ ໃຫ້ປະຊາຊົນ ມີລູກ, ເນື່ອງຈາກ ຫວຽດນາມ ພວມຜະເຊີນກັບ ພາວະການຈະເລີນພັນຫລຸດລົງ, ຖ້າຫາກໄດ້ຮັບການ ອະນຸມັດ ຈາກລັດຖະບານ ຫວຽດນາມ , ນະໂຍບາຍ ດັ່ງກ່າວ ຈະມີຜົນບັງຄັບໃຊ້ ຕັ້ງແຕ່ວັນທີ 1 ກໍລະກົດ ເປັນຕົ້ນໄປ.
ໂດຍນະໂຍບາຍດັ່ງກ່າວ ຈະແຈກເງິນສົດ ຫລື ເງິນໂອນ ຜ່ານທະນາຄານ ຢ່າງໜ້ອຍ 2 ລ້ານດົງ ໃຫ້ແມ່ຍິງຊາວ ຫວຽດນາມ ທີ່ມີ ຄຸນສົມບັດຜ່ານເກນ, ຊຶ່ງຜູ້ຮັບສິດທິ ປະໂຫຍດ ປະກອບດ້ວຍ ແມ່ຍິງ ຈາກກຸ່ມເຊື້ອຊາດພັນ ສ່ວນໜ້ອຍ ທີ່ອາໄສ ຢູ່ໃນພື້ນທີ່ ທີ່ມີ ອັດຕາ ການຈະເລີນພັນຕໍ່າ (ຕໍ່າກວ່າເດັກ 2,1 ຄົນ ຕໍ່ຜູ້ຍິງ 1 ຄົນ) ແລະ ຜູ້ທີ່ມີລູກ 2 ຄົນ ກ່ອນອາຍຸ 35 ປີ. ນອກຈາກນີ້ ກະຊວງ ດັ່ງກ່າວ ຍັງວາງແຜນ ຈັດສັນ ງົບປະມານ ກວ່າ 2 ພັນຕື້ດົງ ຕໍ່ປີ ເພື່ອຮັບຮອງ ການກວດຄັດເລືອກ ພະຍາດ ແຕ່ກຳເນີດ ໃຫ້ເດັກເກີດໃໝ່ ອີກດ້ວຍ./
KPL
