ຂປລ
ອົງການ ຈັດຕັ້ງສາກົນ ເພື່ອການເຄື່ອນຍ້າຍຖິ່ນຖານ ສປຊ (IOM) ໃຫ້ຮູ້ວ່າ: ກຳປັ່ນຂົນສົ່ງ ໂດຍສານ ຊາວອົບພະຍົບ ປະມານ 120 ຄົນ ເດີນທາງອອກຈາກ ເທດສະບານແຄມທະເລ Tajoura, ທາງທິດຕາເວັນຕົກ ສ່ຽງເໜືອ ລີບີ ໃນວັນທີ 05 ເມສາ
ຂປລ. ວິທະຍຸກະຈາຍສຽງ ຫວຽດນາມ: ວັນທີ 07 ເມສາ, ອົງການ ຈັດຕັ້ງສາກົນ ເພື່ອການເຄື່ອນຍ້າຍຖິ່ນຖານ ສປຊ (IOM) ໃຫ້ຮູ້ວ່າ: ກຳປັ່ນຂົນສົ່ງ ໂດຍສານ ຊາວອົບພະຍົບ ປະມານ 120 ຄົນ ເດີນທາງອອກຈາກ ເທດສະບານແຄມທະເລ Tajoura, ທາງທິດຕາເວັນຕົກ ສ່ຽງເໜືອ ລີບີ ໃນວັນທີ 05 ເມສາ ໄດ້ຫລົ້ມ ຍ້ອນນ້ຳພັດເຂົ້າ ໃນເງື່ອນໄຂ ສະພາບອາກາດ ທີ່ ປ່ຽນແປງກະທັນຫັນ.
ຕາມອົງການ IOM ຂອງ ສປຊ ແລ້ວ, ກ່ອນໜ້ານັ້ນ, ມີກໍາປັ່ນ ການຄ້າ ແລະ ກໍາປັ່ນກູ້ຊີບ ສາມາດຊ່ວຍກູ້ຊີວິດ 32 ຄົນ ແລະ ກໍາລັງລາດຕະເວນ ທາງທະເລ ຂອງ ອິຕາລີ ໄດ້ສົ່ງ ຈຳນວນຄົນ ດັ່ງກ່າວ ໄປຍັງເກາະ Lampedusa, ຢູ່ພາກໃຕ້ ອີິຕາລີ.
IOM ໃຫ້ຮູ້ວ່າ ໃນຊຸມເດືອນ ຕົ້ນປີ 2026 ໄດ້ກາຍເປັນ ຈຸດເວລາ ວິນາດຕະກຳ ສຳລັບ ຊາວຜູ້ອົບພະຍົບ ຂ້າມທະເລ ນັບແຕ່ ປີ 2014, ດ້ວຍຈຳນວນ ຜູ້ເສຍຊີວິດ ໄລ່ຮອດປັດຈຸບັນນີ້ ຢ່າງໜ້ອຍສຸດແມ່ນ 990 ຄົນ. ໂດຍສະເພາະເຂດ ພາກກາງທະເລ ເມດີເຕຣານຽນ ລວມມີ 765 ຄົນ ເສຍຊີວິດ, ເພີ່ມຂຶ້ນ ປະມານ 150% ເມື່ອທຽບໃສ່ໄລຍະດຽວກັນ ຂອງປີກາຍ. /
KPL
