ຂປລ
ຂປລ. ທ້າຍເດືອນຜ່ານມາ, ທີ່ ນະຄອນຫລວງໂຕກຽວ ປະເທດ ຍີ່ປຸ່ນ ໄດ້ຈັດງານມະໂຫລານ ແຟຊັນ ແລະ ວັດທະນະທຳລາວ (Lao Fashion and Culture Festival) ເພື່ອປະກອບສ່ວນ ເຂົ້າໃນການສະເຫລີມສະຫລອງ ຄົບຮອບ 70 ປີ ແຫ່ງສາຍພົວພັນ ທາງການທູດລະຫວ່າງ ລາວ-ຍີ່ປຸ່ນ, ພ້ອມທັງເປັນການຊຸກຍູ້ສົ່ງເສີມໃຫຜະລິດຕະພັນແຜ່ນແພລາວ ໃຫ້ສາ ມາດກ້າວເຂົ້າສູ່ຕະຫລາດສາກົນ ນັບມື້ນັບຫລາຍຂຶ້ນ.
ຂປລ. ທ້າຍເດືອນຜ່ານມາ, ທີ່
ນະຄອນຫລວງໂຕກຽວ ປະເທດ
ຍີ່ປຸ່ນ ໄດ້ຈັດງານມະໂຫລານ
ແຟຊັນ ແລະ ວັດທະນະທຳລາວ
(Lao Fashion and Culture
Festival) ເພື່ອປະກອບສ່ວນ
ເຂົ້າໃນການສະເຫລີມສະຫລອງ
ຄົບຮອບ 70 ປີ ແຫ່ງສາຍພົວພັນ
ທາງການທູດລະຫວ່າງ ລາວ-ຍີ່ປຸ່ນ,
ພ້ອມທັງເປັນການຊຸກຍູ້ສົ່ງເສີມໃຫຜະລິດຕະພັນແຜ່ນແພລາວ ໃຫ້ສາ
ມາດກ້າວເຂົ້າສູ່ຕະຫລາດສາກົນ
ນັບມື້ນັບຫລາຍຂຶ້ນ.
ນອກຈາກນີ້,
ຍັງເປັນເວທີນໍາສະເໜີ ແລະ ເອກ
ອ້າງຄວາມງົດງາມຂອງວັດທະ
ນະທໍາແຜ່ນແພທີ່ສະທ້ອນເຖິງພູມ
ປັນຍາ ແລະ ສີມືຂອງຊາວຊ່າງ
ຫັດຖະກໍາພື້ນບ້ານ, ແນໃສ່ຊ່ວຍ
ສ້າງລາຍຮັບໃຫ້ແກ່ຊຸມຊົນຜູ້ຜະລິດ
ແລະ ຜູ້ປະກອບການ, ພ້ອມທັງຊ່ວຍ
ອະນຸລັກຮັກສາສິລະປະດັ່ງກ່າວ ໃຫ້
ຄົງຢູ່ຄູ່ສັງຄົມລາວຢ່າງຍືນຍົງ.
ເຖິງແນວໃດກໍຕາມ, ການເປີດ
ງານຄັ້ງນີ້ ຍັງເປັນການສືບຕໍ່ໂຄ
ສະນາເຜີຍແຜ່ວັດທະນະທໍາຂອງ
ລາວ ພາຍຫລັງການເດີນທາງມາ
ຢ້ຽມຢາມ ສປປ ລາວ ຂອງສົມເດັດ
ເຈົ້າຍິງ ໄອໂກະ ແຫ່ງປະເທດຍີ່ປຸ່ນ
ໃນເດືອນພະຈິກ 2025 ທີ່ຜ່ານ
ມາ. ນອກຈາກນັ້ນ, ໃນງານດັ່ງ
ກ່າວ ຍັງໄດ້ນໍາສະເໜີວິດີໂອໂຄສະ
ນາການທ່ອງທ່ຽວ ເພື່ອເຜີຍແຜ່
ສະຖານທີ່ທ່ອງທ່ຽວທີ່ໂດດເດັ່ນ
ແລະ ມີເອກະລັກສະເພາະຂອງ
ສປປ ລາວ ໃຫ້ເປັນທີ່ຮູ້ຈັກໃນລະດັບ
ພາກພື້ນ ແລະ ສາກົນ. ພ້ອມນັ້ນ, ຍັງ
ໄດ້ມີການບັນເລງບົດເພງທີ່ປະສົມ
ປະສານກັບດົນຕີພື້ນເມືອງ, ການ
ສະແດງແຟຊັນໂຊຜ້າລາຍນາກ
ແລະ ຊຸດແຜ່ນແພລາວແບບປະຍຸກ
ຮ່ວມສະໄໝຈາກຫ້ອງເສື້ອຊັ້ນນໍາ
ຂອງລາວ ທັງໝົດ 15 ພາກສ່ວນ.
ພາຍໃນງານຍັງໄດ້ມີກິດຈະກໍາແຈກ
ລາງວັນໃຫ້ແຂກທີ່ເຂົ້າຮ່ວມງານ
ໂດຍໄດ້ຮັບການສະໜັບສະໜູນຈາກ
ບັນດາທຸລະກິດໃນຂະແໜງການ
ທ່ອງທ່ຽວຢູ່ ສປປ ລາວ ເປັນຕົ້ນ
ປີ້ຍົນໄປ-ກັບຂອງບໍລິສັດການບິນລາວ ເສັ້ນທາງພາຍໃນ ແລະ ຕ່າງ
ປະເທດທີ່ກໍານົດໄວ້, ບັດເຂົ້າພັກທີ່
ໂຮງແຮມ, ຣີສອດ ແລະ ຮ້ານອາ
ຫານຕ່າງໆ.
ການຈັດງານໃນຄັ້ງນີ້, ແມ່ນຈັດ
ຂຶ້ນໂດຍ Lao Fashion Week
ແລະ ສະຖານທູດແຫ່ງ ສປປ ລາວ
ປະຈໍາປະເທດຍີ່ປຸ່ນ ໂດຍຮ່ວມກັບ
ກະຊວງວັດທະນະທໍາ ແລະ ການ
ທ່ອງທ່ຽວ ແຫ່ງ ສປປ ລາວ, ສະມາ
ຄົມທຸລະກິດທ່ອງທ່ຽວລາວ ແລະ
ສະຖານທູດຍີ່ປຸ່ນປະຈໍາ ສປປ ລາວ.
KPL
