ຂປລ
ຫ້ອງການ ຄົ້ນຄວ້າ ເສດຖະກິດມະຫາພາກຂອງອາຊຽນ ແລະ ຈີນ, ຍີ່ປຸ່ນ, ສ.ເກົາຫລີ ໄດ້ເປີດເຜີຍ ບົດລາຍງານ ກ່ຽວກັບ ການຄາດຄະເນ ເສດຖະກິດ ຂອງພາກພື້ນນີ້ ໂດຍຄາດວ່າ: ຈັງຫວະ ການເຕີບໂຕ ຂອງ ເສດຖະກິດ ໃນປີ 2026 ແລະ 2027 ກວມເອົາ 4%.
ຂປລ. ວິທະຍຸໂທລະພາບ ສູນກາງຈີນ (CMG): ວັນທີ 6 ເມສານີ້, ຫ້ອງການ ຄົ້ນຄວ້າ ເສດຖະກິດມະຫາພາກຂອງອາຊຽນ ແລະ ຈີນ, ຍີ່ປຸ່ນ, ສ.ເກົາຫລີ ໄດ້ເປີດເຜີຍ ບົດລາຍງານ ກ່ຽວກັບ ການຄາດຄະເນ ເສດຖະກິດ ຂອງພາກພື້ນນີ້ ໂດຍຄາດວ່າ: ຈັງຫວະ ການເຕີບໂຕ ຂອງ ເສດຖະກິດ ໃນປີ 2026 ແລະ 2027 ກວມເອົາ 4%. ຍ້ອນວ່າ ການປະທະກັນ ຢູ່ເຂດຕາເວັນອອກກາງ ໄດ້ຮຸນແຮງຂຶ້ນ ຢ່າງຕໍ່ເນື່ອງ ແລະ ການສະໜອງ ດ້ານພະລັງງານທົ່ວໂລກ ຖືກຜົນກະທົບ ຈະເຮັດໃຫ້ຈັງຫວະ ການເຕີບໂຕຂອງເສດຖະກິດ ໃນພາກພື້ນມີຄວາມສ່ຽງ ຫລຸດລົງເລື້ອຍໆ.
ບົດລາຍງານ ລະບຸ ຕື່ມວ່າ: ໂຄງສ້າງ ເສດຖະກິດ ໃນພາກພື້ນອາຊຽນ ແລະ ຈີນ, ຍີ່ປຸ່ນ, ສ.ເກົາຫລີ ພວມມີການປ່ຽນແປງ ອັນເລິກເຊິ່ງ. ປັດຈຸບັນ, ພາກພື້ນ ດັ່ງກ່າວ ໄດ້ກາຍເປັນ ໜຶ່ງໃນຕະຫລາດ ຂະໜາດໃຫຍ່ທີ່ສຸດໃນໂລກ, ກວມເອົາ 28% ຂອງ ຄວາມຕ້ອງການ ສຸດທ້າຍ ໃນທົ່ວໂລກ. ພ້ອມດຽວກັນນັ້ນ, ລະດັບ ການເພິ່ງພາ ອາໄສຕະຫລາດ ສ.ອາເມລິກາ ໄດ້ຫລຸດລົງ ຢ່າງຊັດເຈນ, ຮູບແບບ ການພັດທະນາ ເສດຖະກິດ ໃນພາກພື້ນ ໄດ້ປ່ຽນຈາກແຫລ່ງ ການຜະລິດ ທີ່ ສຸມໃສ່ ຕະຫລາດ ພາຍນອກ ມາເປັນຕະຫລາດ ພາກພື້ນ ທີ່ກະຕຸກຊຸກຍູ້ ດ້ວຍຄວາມຕ້ອງການພາຍໃນ./
KPL
