ຂປລ
ຫລາຍກວ່າ 40 ປະເທດ ເຂົ້າຮ່ວມກອງປະຊຸມ ທາງໄກ ໂດຍມີທ່ານ Yvette Cooper ລັດຖະມົນຕີ ການຕ່າງປະເທດ ອັງກິດ ເປັນປະທານ ເພື່ອປຶກສາຫາລື ບັນດາ ມາດຕະການເປີດເສັ້ນທາງຂົນສົ່ງ ຜ່ານຊ່ອງແຄບ ທະເລຮໍມຸດ ຄືນໃໝ່ ແລະ ສ.ອາເມລິກາ ບໍ່ໄດ້ເຂົ້າຮ່ວມ.
ຂປລ. ວິທະຍຸກະຈາຍສຽງ ຫວຽດນາມ: ຫລາຍກວ່າ 40 ປະເທດ ເຂົ້າຮ່ວມກອງປະຊຸມ ທາງໄກ ໂດຍມີທ່ານ Yvette Cooper ລັດຖະມົນຕີ ການຕ່າງປະເທດ ອັງກິດ ເປັນປະທານ ເພື່ອປຶກສາຫາລື ບັນດາ ມາດຕະການເປີດເສັ້ນທາງຂົນສົ່ງ ຜ່ານຊ່ອງແຄບ ທະເລຮໍມຸດ ຄືນໃໝ່ ແລະ ສ.ອາເມລິກາ ບໍ່ໄດ້ເຂົ້າຮ່ວມ.
ຈາກ ສະພາບການຕົວຈິງ, ບັນດາປະເທດ ໄດ້ສຸມໃສ່ ບັນດາ ມາດຕະການ ທາງການທູດ ແລະ ແຜນການປະສານສົມທົບສາກົນ, ລວມມີ ການລະດົມ ບັນດາ ເຄື່ອງມືທາງການທູດ ແລະ ເສດຖະກິດ, ເຮັດໃຫ້ ບັນດາວິສາຫະກິດ, ບັນດາ ບໍລິສັດປະກັນໄພ ແລະ ຕະຫລາດພະລັງງານ ມີຄວາມອຸ່ນອ່ຽນໃຈ, ພ້ອມທັງ ຜັນຂະຫຍາຍ ບັນດາ ການເຄື່ອນໄຫວ ແນໃສ່ຮັບປະກັນ ຄວາມປອດໄພ ໃຫ້ແກ່ ຈຸເຮືອປະມານ 20.000 ຄົນ ທີ່ຕິດຄ້າງ ໃນກໍາປັ່ນເກືອບ 2.000 ລໍາ ຢູ່ຊ່ອງແຄບທະເລດັ່ງກ່າວ, ກໍຄື ການເພີ່ມທະວີ ການສົມທົບ ທົ່ວໂລກ ເພື່ອສາມາດ ເປີດຊ່ອງແຄບ ທະເລຮໍມຸດ ຢ່າງປອດໄພ ແລະ ຍືນຍົງ.
ບັນດາ ແຜນການກູ້ຊ່ວຍ ກໍາປັ່ນທີ່ຖືກຕິດຄ້າງ ຢູ່ຊ່ອງແຄບ ທະເລຮໍມຸດ ຈະໄດ້ນຳມາ ປຶກສາຫາລື ໃນກອງປະຊຸມ ປະສານງານ ການທະຫານ ທົ່ວໂລກ. ຄາດວ່າ ດຳເນີນ ໃນວັນທີ 07 ເມສາ ນີ້, ຢູ່ Northwood, ທາງທິດຕາເວັນຕົກ ສ່ຽງເໜືອ ລອນດອນ (ອັງກິດ), ພາຍໃຕ້ ການເປັນປະທານ ຂອງ ກອງບັນຊາການ ທະຫານ ປະສົມ ປະຈຳການຂອງ ອັງກິດ. /
KPL
