ຂປລ
ໃນສະພາບການ ທ່ອງທ່ຽວທົ່ວໂລກ ໄດ້ຖືກຜົນກະທົບ ຈາກການປະທະກັນ ດ້ານພູມສາດການເມືອງ, ຂະແໜງທ່ອງທ່ຽວ ຫວຽດນາມ ຍັງມີ ສັນຍານເຕີບໂຕ ຢ່າງຕັ້ງໜ້າ. ຕາມຕົວເລກສະຖິຕິ ຂອງ ກົມທ່ອງທ່ຽວ ແຫ່ງຊາດ ຫວຽດນາມ ລະບຸວ່າ
ຂປລ.ວິທະຍຸກະຈາຍສຽງ ຫວຽດນາມ: ໃນສະພາບການ ທ່ອງທ່ຽວທົ່ວໂລກ ໄດ້ຖືກຜົນກະທົບ ຈາກການປະທະກັນ ດ້ານພູມສາດການເມືອງ, ຂະແໜງທ່ອງທ່ຽວ ຫວຽດນາມ ຍັງມີ ສັນຍານເຕີບໂຕ ຢ່າງຕັ້ງໜ້າ. ຕາມຕົວເລກສະຖິຕິ ຂອງ ກົມທ່ອງທ່ຽວ ແຫ່ງຊາດ ຫວຽດນາມ ລະບຸວ່າ , ໄລ່ສະເພາະ ເດືອນມີນາ 2026, ຫວຽດນາມ ສາມາດຕ້ອນຮັບນັກທ່ອງທ່ຽວ ສາກົນເກືອບ 2,1 ລ້ານເທື່ອຄົນ. ໂດຍສະເພາະ ໃນໄລຍະ 3 ເດືອນຕົ້ນປີ 2026, ຍອດຈຳນວນ ນັກທ່ອງທ່ຽວ ເດີນທາງມາ ຫວຽດນມາມ ບັນລຸ 6,67 ລ້ານເທື່ອຄົນ, ເພີ່ມຂຶ້ນ 12,4% ເມື່ອທຽບໃສ່ ໄລຍະດຽວກັນ ຂອງ ປີ 2025.
ໃນນັ້ນ ນັກທ່ອງທ່ຽວ ຈີນ ບັນລຸ 1,4 ລ້ານເທື່ອຄົນ ແລະ ສ.ເກົາຫລີ ບັນລຸ 1,3 ລ້ານເທື່ອຄົນ ແລະ ຍັງສືບຕໍ່ເປັນ 2 ຕະຫລາດ ທີ່ມີ ຈຳນວນ ນັກທ່ອງທ່ຽວຫລາຍທີ່ສຸດ, ກວມເອົາ ປະມານ 40% ຂອງ ຍອດຈຳນວນ ນັກທ່ອງທ່ຽວສາກົນ. ສິ່ງທີ່ໜ້າສົນໃຈ, ນັກທ່ອງທ່ຽວ ທີ່ມາຈາກ ບັນດາປະເທດ ເອີຣົບ ມີລະດັບ ເພີ່ມຂຶ້ນ ກວມເອົາ 55,6%. ພິເສດ, ຕະຫລາດ ຣັດເຊຍ ໄດ້ເພີ່ມຂຶ້ນເຖິງ 163,4%, ເຊິ່ງສະແດງໃຫ້ເຫັນວ່າ ນັກທ່ອງທ່ຽວ ຣັດເຊຍ ໄດ້ໃຫ້ຄວາມສົນໃຈ ຕໍ່ ປະເທດຫວຽດນາມ ນັບມື້ເພີ່ມຂຶ້ນ. ໂດຍລວມແລ້ວ ຂະແໜງທ່ອງທ່ຽວ ຫວຽດນາມ ໃນເດືອນມີນາ 2026 ແລະ ທັງໄຕມາດທີ 1 ປີ 2026 ແມ່ນບໍ່ພຽງແຕ່ ເຕີບໂຕ ທາງດ້ານ ຈຳນວນນັກທ່ອງທ່ຽວ ເທົ່ານັ້ນ, ຫາກຍັງໄດ້ຮັບການເປີດກວ້າງ ແລະ ຫັນຕະຫລາດ ດ້ວຍຫລາກຫລາຍຮູບແບບ ຢ່າງຕໍ່ເນື່ອງອີກດ້ວຍ./
KPL
