ຂປລ. ຢູ່ຫໍທຳມະສະພາວັດທາດຫລວງເໜືອ ເມືອງໄຊເສດຖາ ນະຄອນຫລວງວຽງຈັນ (ນວ) ໃຫ້ກຽດມອບໂດຍ ຍາທ່ານໃຫຍ່ມະຫາເວດ ມະເສໄນ ປະທານສູນກາງອົງການພຸດທະສາສະໜາສຳພັນ ແຫ່ງ ສປປ ລາວ (ອພສ), ມີຮອງປະທານສູນກາງ ອພສ, ຫົວໜ້າກຳມາທິການຕ່າງປະເທດສູນກາງ, ຮອງປະທານສູນກາງແນວລາວສ້າງຊາດ, ພ້ອມພະເຖຣານຸເຖຣະ, ກຳມາທິການຕ່າງປະເທດ ແລະ ພະສະມະນະທູດລາວ ເຂົ້າຮ່ວມ.

       ໂອກາດນີ້, ພະອາຈານ ດຳລົງ ພິມມະຈັກ ຮອງປະທານສູນກາງ ອພສ, ຫົວໜ້າກຳມາທິການຕ່າງປະເທດສູນກາງ ໄດ້ໃຫ້ຮູ້ວ່າ: ຊຸດຝຶກອົບຮົມຄ້ັງນ້ີ, ຈັດຂ້ຶນເປັນຄ້ັງທຳອິດ, ຖືເປັນຄັ້ງປະຫວັດສາດສໍາຄັນ ແລະ ຍິ່ງໃຫຍ່ຂອງພະພຸດທະສາສະໜາ ໃນ ສປປ ລາວ ແນໃສ່ເຮັດໃຫ້ພະສະມະນະທູດລາວມີຄວາມຮູ້, ຄວາມສາມາດ ແລະ ມີຄວາມໝ້ັນໃຈໃນການປະຕິບັດສາສະນະກິດຕາມວັດຖຸປະສົງ; ທັງເປັນການສົ່ງເສີມສະໜັບສະໜູນພະສົງລາວ ທ່ີເຮັດໜ້າທ່ີເຜີຍແຜ່ພະພຸດທະສາສະໜາ ຢູ່ໃນປະເທດຕ່າງໆ ແລະ ເພ່ືອສະໜອງນະໂຍບາຍຂອງພັກ-ລັດ ແລະ ອພສ ແຫ່ງ ສປປ ລາວ ໂດຍລວມໂດຍສະເພາະກໍາມາທິການການຕ່າງປະເທດທາງດ້ານການພົວພັນວຽກງານຕ່າງປະເທດຂອງພະພຸດທະສາສະໜາ ແລະ ສາສະໜາອື່ນ. ຄໍາວ່າ: ພະສະມະນະທູດໝາຍ ເຖິງພະສົງທີ່ເຮັດໜ້າທີ່ກ່ຽວກັບ ການນໍາເອົາຫລັກທໍາຄໍາສັ່ງສອນ ຂອງພະສໍາມາສໍາພຸດທະເຈ້ົາອອກ ໄປເຜີຍແຜ່ທັງພາຍໃນ ແລະ ຕ່າງປະເທດ, ມີພາລະບົດບາດ ແລະ ໜ້າ ທີ່ສໍາຄັນໃນການເຜີຍແຜ່ຫລັກທໍາ, ເປັນຜູ້ນໍາໃນການຟ້ືນຟູພະພຸດທະສາສະໜາ, ທັງເປັນຜູ້ສ່ົງເສີມການຮຽນຮູ້ ແລະ ສ້າງຄວາມສາມັກຄີ ໃຫ້ແກ່ຊຸມຊົນດ້ວຍການນໍາເອົາຫລັກທໍາຄໍາສັ່ງສອນທາງພະພຸດທະສາສະໜາມາເປັນແກ່ນກາງໃນການພັດທະນາ. ມີພາລະບົດບາດ, ໜ້າທີ່ໃນຖານະເປັນຕົວແທນຂອງ ພະສໍາມາສໍາພຸດທະເຈົ້າໃນການເຮັດວຽກດ້ານພະພຸດທະສາສະໜາ ເພື່ອສັງຄົມ ຊຶ່ງການອົບຮົມພະສະມະນະທູດລາວ ໂດຍມີວັດຖຸປະສົເພ່ືອເຮັດວຽກງານການພົວພັນ ຕ່າງປະເທດທາງດ້ານພະພຸດທະສາສະໜາໃຫ້ດໍາເນີນໄປດ້ວຍດີມີຄຸນນະພາບຕາມວັດຖຸປະສົງ ເປົ້າໝາຍ.

       ສ່ວນໃນວັນທີ 21 ກຸມພາ 2026 ນ້ີ, ກຳມາທິການຕ່າງປະເທດສູນກາງ ອພສ ໄດ້ຈັດບຸນວັນມະຫາບູຣະພາຈານເພື່ອອຸທິດທັກຂີນາ ກັນລະປັນນາຜົນເຖິງພະມະຫາເຖຣາຈານເຈົ້າຜູ້ມີຄຸນປະການທັງ 3 ພະອົງ ຄື: ຍາທ່ານໃຫຍ່ອົງພຣະຍອດແກ້ວ ມະຫາງອນດຳຣົງບຸນ ມະຫາເຖຣະເຈົ້າອົງຜູ້ດໍາຣິ ແລະ ສ້າງຕັ້ງກຳມາທິການຕ່າງປະເທດ, ຍາທ່ານໃຫຍ່ພະຫລັກແກ້ວ ມະຫາບົວຄໍາ ສາຣີບຸດ ອົງຮອງປະທານ ແລະ ຊີ້ນໍາວຽກກຳມາທິການຕ່າງປະເທດ ແລະ ພະອາຈານໃຫຍ່  ຫົງສາ ບໍຣິບູນ ອົງຄະນະບໍລິຫານງານປະຈຳການ ແລະ ຮອງຫົວໜ້າກຳມາທິການຕ່າງປະເທດ ໂດຍໄດ້ຈັດພິທີທາງສາສະໜາຕ່າງໆ, ຕັກບາດຖວາຍສັງຄະທານແດ່ພະສົງ 71 ອົງ ໂດຍມີອະດີການ ນຳພັກ-ລັດ ແລະ ມວນຊົນຊາວພຸດທະສາສະນິກະຊົນລາວບັນດາເຜ່ົາເຂົ້າຮ່ວມ.

KPL