ຂປລ
ດາວທຽມໜ່ວຍໜຶ່ງ ໃນໂຄງການ “Starlink” ທີ່ຂຶ້ນກັບບໍລິສັດເຕັກໂນໂລຊີຄົ້ນຫາ ອະວະກາດ ສະຫະລັດ ອາເມລິກາໄດ້ເກີດອຸບັດເຫດໃນອະວະກາດ, ເຮັດໃຫ້ເກີດມີ ເສດຊາກຈຳນວນໜຶ່ງ ແລະ ຂາດການຕິດຕໍ່ກັບ ພາກໜ້າດິນ.
ຂປລ.ວິທະຍຸ-ໂທລະພາບ ສູນກາງຈີນ ຫລື CMG, ເມື່ອບໍ່ດົນມານີ້, ດາວທຽມໜ່ວຍໜຶ່ງ ໃນໂຄງການ “Starlink” ທີ່ຂຶ້ນກັບບໍລິສັດເຕັກໂນໂລຊີຄົ້ນຫາ ອະວະກາດ ສະຫະລັດ ອາເມລິກາໄດ້ເກີດອຸບັດເຫດໃນອະວະກາດ, ເຮັດໃຫ້ເກີດມີ ເສດຊາກຈຳນວນໜຶ່ງ ແລະ ຂາດການຕິດຕໍ່ກັບ ພາກໜ້າດິນ. ບໍລິສັດດັ່ງກ່າວພວມຮ່ວມມືກັບກອງທັບອະວະກາດອາເມຣິກາ ແລະ ອົງການບໍລິຫານການບິນອະວະກາດແຫ່ງຊາດ ສະຫະລັດ ອາເມລິກາ ເພື່ອຕິດຕາມເສດຊາກ ຂອງດາວທຽມດັ່ງກ່າວ. ບໍລິສັດຫ້ອງທົດລອງວົງໂຄຈອນ ໃກ້ໜ່ວຍໂລກ ອົດສະຕຣາລີ ທີ່ເປັນອົງການຕິດຕາມ ດາວທຽມເປີດເຜີຍໃຫ້ຮູ້ວ່າ, ໄດ້ຄົ້ນພົບເສດຊາກຫລາຍສິບກ້ອນ ທີ່ອາດຈະແມ່ນຊາກດາວທຽມ ທີ່ເກີດອຸບັດເຫດ, ອາດຈະຄົ້ນພົບເສດຊາກຫລາຍກວ່ານີ້ອີກ. ເສດຊາກ ຂອງດາວທຽມໜ່ວຍນີ້ ອາດຈະສ້າງໄພອັດຕະລາຍຕໍ່ດາວທຽມອື່ນໆ ທີ່ໝູນວຽນຕາມວົງໂຄຈອນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
