ຂປລ
ຂປລ. ການແຂ່ງຂັນກິລາດອກປິກໄກ່ ໃນງານມະຫະກໍາກິລາຄົນພິການ ແຫ່ງຊາດ ຄັ້ງທີ IV ຫລື “ນະຄອນຫລວງວຽງຈັນ ພາຣາເກມ 2025” ທີ່ນະ ຄອນຫລວງວຽງຈັນ ໄດ້ຮັບກຽດເປັນເຈົ້າພາບ ໄດ້ເປີດຂຶ້ນຢ່າງເປັນທາງ ການໃນວັນທີ 15 ທັນວາ 2025 ທີ່ເດີ່ນກິລາໃນຮົ່ມໂອແລມປິກປາເຊຍ.
ຂປລ. ການແຂ່ງຂັນກິລາດອກປິກໄກ່ ໃນງານມະຫະກໍາກິລາຄົນພິການ ແຫ່ງຊາດ ຄັ້ງທີ IV ຫລື “ນະຄອນຫລວງວຽງຈັນ ພາຣາເກມ 2025” ທີ່ນະ ຄອນຫລວງວຽງຈັນ ໄດ້ຮັບກຽດເປັນເຈົ້າພາບ ໄດ້ເປີດຂຶ້ນຢ່າງເປັນທາງ ການໃນວັນທີ 15 ທັນວາ 2025 ທີ່ເດີ່ນກິລາໃນຮົ່ມໂອແລມປິກປາເຊຍ. ໂດຍເປັນກຽດເຂົ້າຮ່ວມມີ ທ່ານ ນາງ ຈິນດາ ພົນເຕຊາ ຮອງສະຫະພັນ ກິລາດອກປິກໄກ່ແຫ່ງຊາດລາວ, ທ່ານ ລິມ ເຊັງຊາຍ ຮອງປະທານ ສະຫະ ພັນກິລາດອກປິກໄກ່ແຫ່ງຊາດລາວ, ທ່ານ ກຸ່ຍ ພົນເຕຊາ ຄະນະກຳມະ ການກິລາດອກປິກໄກ່ແຫ່ງຊາດລາວ ພ້ອມດ້ວຍນັກກິລາ ແລະ ມວນ ຊົນເຂົ້າຮ່ວມ.
ການແຂ່ງຂັນມີ 4 ລາຍການ ປະກອບມີຄື: ປະເພດກ່ຽວຊາຍ, ປະເພດ ດ່ຽວຍິງ, ປະເພດຄູ່ຊາຍ ແລະ ປະເພດຄູ່ຍິງ. ມີການຊີງຫລຽນຄໍາ, ຫລຽນ ເງິນ ແລະ ຫລຽນທອງ ທັງໝົດ 20 ຫລຽນ, ໃນນັ້ນ ມີ 6 ພາກສ່ວນເຂົ້າ ຮ່ວມຄື: ນະຄອນຫລວງວຽງຈັນ, ແຂວງສະຫວັນນະເຂດ, ຄຳມ່ວນ, ອຸດົມ ໄຊ, ບໍ່ແກ້ວ ແລະ ຫລວງພະບາງ.
ໃນມື້ທໍາອິດຂອງການເປີດ ການແຂ່ງຂັນໃນວັນທີ 15 ທັນວາ 2025 ມີ ການມີການແຂ່ງຂັນປະເພດດ່ຽວຊາຍຜົນປະກົດວ່າ: ນັກກິລາຈາກ ນວ ສາມາດຍາດໄດ້ 1 ຫລຽນຄຳ ໃນລາຍການນີ້, ສ່ວນຫລຽນເງິນ ຕົກເປັນ ຂອງນັກກິລາ ແຂວງຄຳມ່ວນ ແລະ ຫລຽນທອງ ເປັນຂອງນັກກິລາຈາກ ນວ ເຈົ້າພາບເຊັ່ນດຽວກັນ ແລະ ການແຂ່ງຂັນ ແມ່ນຍັງຈະສືບຕໍ່ໄປເຖິງ ວັນທີ 17 ທັນວາ 2025.
KPL
