ຂປລ
ນັບມາຮອດ ປັດຈຸບັນ, ສະຖານີຕິດ ຕາມສິ່ງແວດລ້ອມນິເວດ ທີ່ພາກສ່ວນ ສິເວດວິທະຍາ ແລະ ສິ່ງແວດລ້ອມຈີນ ຈັດວາງ ແລະ ຕິດຕາມໂດຍກົງນັ້ນ ມີຫລາຍກວ່າ 33.000 ແຫ່ງ.
ຂປລ.ວິທະຍຸ-ໂທລະພາບ ສູນກາງຈີນ, ແຫລ່ງຂ່າວ ຈາກກະຊວງ ນິເວດວິທະຍາ ແລະ ສິ່ງແວດລ້ອມຈີນ ໃຫ້ຮູ້ວ່າ: ນັບມາຮອດ ປັດຈຸບັນ, ສະຖານີຕິດ ຕາມສິ່ງແວດລ້ອມນິເວດ ທີ່ພາກສ່ວນ ສິເວດວິທະຍາ ແລະ ສິ່ງແວດລ້ອມຈີນ ຈັດວາງ ແລະ ຕິດຕາມໂດຍກົງນັ້ນ ມີຫລາຍກວ່າ 33.000 ແຫ່ງ. ນີ້ໝາຍຄວາມວ່າ ສປ ຈີນ ໄດ້ສ້າງເຄືອຂ່າຍ ຕິດຕາມ ສິ່ງແວດລ້ອມນິເວດ ຂະໜາດໃຫຍ່ ທີ່ສຸດໃນໂລກ ເຊິ່ງໄດ້ສ້າງກຳແພງປ້ອງກັນ ຄວາມປອດໄພ ທີ່ໝັ້ນຄົງ ດ້ານສິ່ງແວດລ້ອມນິເວດ. ໃນໄລຍະປະຕິບັດ ແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີຄັ້ງທີ 14, ສປ ຈີນ ໄດ້ສ້າງເຄືອຂ່າຍຕິດຕາມລຸ້ນໃໝ່ ທີ່ກວມເອົາທັງປັດໄຈ ທຸກປະເພດ ເຊັ່ນ: ນ້ຳໜ້າດິນ, ອາກາດ, ດິນ, ສຽງ, ທະເລ ແລະ ນິເວດ ພ້ອມທັງໄດ້ກຳລັງກ້າວໄປສູ່ ແບບອັດຕະໂນມັດ, ແບບດີຈິຕອນ ແລະ ແບບອັດສະລິຍະ.ປັດຈຸບັນ, ໃນຂະບວນການ ເກັບເອົາຕົວຢ່າງ, ມອບສົ່ງຕົວຢ່າງ ແລະ ວິໄຈທົດລອງນັ້ນ, ໄດ້ບັນລຸການເປັນແບບ ອັດຕະໂນມັດ ທົ່ວຂະບວນການ; ເຕັກນິກ “ຮອຍສຽງ” ແລະ “DNA ຄຸນນະພາບນ້ຳ” ສາມາດ ຈຳແນກສາຍພັນຊີວະພາບ ໄດ້ຢ່າງຖືກຕ້ອງແມ່ນຢຳ; ເຕັກນິກໃໝ່ຕ່າງໆ ເຊັ່ນ: ໄຮເປີສະເບັກຕຣອນ, ລາດາກວນຕວມເປັນຕົ້ນ “ເບິ່ງໄດ້ລະອຽດກວ່າເກົ່າ ແລະ ສຳຫລວດ ໄດ້ໄກກວ່າເກົ່າ”; ເຄືອຂ່າຍຕິດຕາມກວດກາທັງໝົດ ໄດ້ບັນລຸການຕິດຕາມ ການເຊື່ອມມົນລະພິດ ໃນທຸກຊົ່ວໂມງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
