ຂປລ
ໃນລະຫວ່າງ ເດືອນມັງກອນ ຫາເດືອນຕຸລາປີ 2025, ຢູ່ທົ່ວປະເທດຈີນ ມີວິສາຫະກິດ ທີ່ລົງທຶນໂດຍ ນັກທຸລະກິດ ຕ່າງປະເທດ ທີ່ສ້າງຕັ້ງຂຶ້ນໃໝ່ 53.782 ແຫ່ງ, ເພີ່ມຂຶ້ນ 14,7% ເມື່ອທຽບໃສ່ໄລຍະດຽວກັນຂອງປີກາຍ
ຂປລ.ວິທະຍຸ-ໂທລະພາບ ສູນກາງຈີນ, ໃນລະຫວ່າງ ເດືອນມັງກອນ ຫາເດືອນຕຸລາປີ 2025, ຢູ່ທົ່ວປະເທດຈີນ ມີວິສາຫະກິດ ທີ່ລົງທຶນໂດຍ ນັກທຸລະກິດ ຕ່າງປະເທດ ທີ່ສ້າງຕັ້ງຂຶ້ນໃໝ່ 53.782 ແຫ່ງ, ເພີ່ມຂຶ້ນ 14,7% ເມື່ອທຽບໃສ່ໄລຍະດຽວກັນຂອງປີກາຍ; ຍອດການລົງທຶນຕົວຈິງ ຂອງຕ່າງປະເທດມີເຖິງ 621 ຕື້ກວ່າຢວນ, ຫລຸດລົງ 10,3% ເມື່ອທຽບໃສ່ ໄລຍະດຽວກັນ ຂອງປີກາຍ. ເມື່ອເບິ່ງຈາກ ອຸດສາຫະກຳແລ້ວ, ການລົງທຶນຕົວຈິງ ຂອງຕ່າງປະເທດ ໃນຂະ ແໜງ ອຸດສາຫະກຳ ການຜະລິດມີເຖິງ 161 ຕື້ກວ່າຢວນ, ຂະແໜງ ອຸດສາຫະກຳ ການບໍລິການມີເຖິງ 445 ຕື້ກວ່າ ຢວນ. ການລົງທຶນຕົວຈິງ ຂອງຕ່າງປະເທດ ໃນອຸດສາຫະກຳເຕັກໂນໂລຊີ ທັນສະໄໝ ກ້າວໜ້າມີເຖິງ 192 ຕື້ກວ່າຢວນ,ໃນນັ້ນ, ການລົງທຶນຕົວຈິງ ຂອງຕ່າງປະເທດ ໃນຂະແໜງອຸດສາຫະກຳ ການບໍລິການ ການຄ້າ ເອເລັກໂຕຣນິກ, ອຸດສາຫະກຳ ການຜະລິດ ອຸປະກອນການແພດ ແລະ ກົນຈັກ ແລະ ອຸດສາຫະກຳ ການຜະລິດ ອຸປະກອນ ແລະ ຍານອະວະກາດ ຕ່າງໄດ້ເພີ່ມຂຶ້ນ 173,1%, 41,4% ແລະ 40,6% ຕາມລຳດັບ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
