ຂປລ
ອົງການ ໂອເປັກ ແລະ ປະເທດ ຜະລິດ ນ້ຳມັນ ເຊື້ອໄຟ ຕົ້ນຕໍ 8 ປະເທດ ທີ່ບໍ່ແມ່ນສະມາຊິກ ໂອເປັກ ໄດ້ຕົກລົງ ຈະຮັກສາມາດຕະການ ເພີ່ມການຜະລິດ ໃນເດືອນພະຈິກປີນີ້, ເພີ່ມການຜະລິດ ນ້ຳມັນດິບ 137.000 ບາເຣວ/ວັນ.
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ອົງການໂອເປັກ ອອກຖະແຫລງການວ່າ: ອົງການ ໂອເປັກ ແລະ ປະເທດ ຜະລິດ ນ້ຳມັນ ເຊື້ອໄຟ ຕົ້ນຕໍ 8 ປະເທດ ທີ່ບໍ່ແມ່ນສະມາຊິກ ໂອເປັກ ໄດ້ຕົກລົງ ຈະຮັກສາມາດຕະການ ເພີ່ມການຜະລິດ ໃນເດືອນພະຈິກປີນີ້, ເພີ່ມການຜະລິດ ນ້ຳມັນດິບ 137.000 ບາເຣວ/ວັນ. ມາດຕະການດັ່ງກ່າວ ຖືກຖືວ່າ ເປັນການສະແຫວງຫາ ສ່ວນແບ່ງໃນຕະຫລາດ ໃຫ້ໄດ້ຫລາຍກວ່າເກົ່າ. ຜູ້ແທນຈາກ ອາຣັບບີ ຊາອຸດິດ, ຣັດເຊຍ, ສະຫະນະຄອນ ເອເມຣັດ ອາຣັບ, ອີຣັກ, ໂກວິດ, ກາຊັກສະຖານ, ອານເຊລີ ແລະ ອຳມານ ໄດ້ຈັດກອງປະຊຸມ ຜ່ານທາງອອນລາຍ ເພື່ອປຶກສາຫາລື ສະພາບການໃນປັດຈຸບັນ ແລະ ອະນາຄົດ ຂອງຕະຫລາດ ນ້ຳມັນເຊື້ອໄຟສາກົນ. ຖະແຫລງການລະບຸວ່າ: ເນື່ອງຈາກວ່າ ຄວາມຄາດໝາຍ ຕໍ່ເສດຖະກິດທົ່ວໂລກ ໃນ ປັດຈຸບັນ ແມ່ນອ່າວໝັ້ນທ່ຽງ, ການສະສົມ ນ້ຳມັນເຊື້ອໄຟໃນສາງ ຢູ່ໃນລະດັບອ່າວຕ່ຳ, 8 ປະເທດດັ່ງກ່າວ ຈຶ່ງຕົກລົງ ຈະເພີ່ມປະລິມານ ການຜະລິດ. ມາດຕະການ ເພີ່ມການຜະລິດເທື່ອນີ້ ເປັນການດັດແປງ ມາດຕະການ ຫລຸດການຜະລິດ ແບບສະໝັກ ທີ່ດຳເນີນກ່ອນໜ້ານີ້. ເພື່ອຮັກສາຄວາມໝັ້ນທ່ຽງ ຂອງຕະຫລາດນ້ຳມັນເຊື້ອໄຟ, 8 ປະເທດດັ່ງກ່າວ ຈະປັບປຸງຈັງຫວະ ເພີ່ມການຜະລິດ ແບບຄ່ອງແຄ້ວ ໂດຍອີງຕາມ ສະພາບ ການຕະຫລາດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
