ຂປລ
ທ່ານ ລີໄທຮຸງ ຮອງຫົວໜ້າກົມ ທ່ອງທ່ຽວ ແຫ່ງຊາດ ມາເລເຊຍ ກ່າວວ່າ: ເນື່ອງໃນໂອກາດ ການພົວພັນ ລະຫວ່າງ ສປ ຈີນ-ມາເລເຊຍ ເປີດ “ຮອບ 50 ປີຄຳ” ຮອບໃໝ່, ສອງປະເທດ ໄດ້ຈັດຕັ້ງປະຕິບັດ ນະໂຍບາຍ ຍົກເວັ້ນວີຊາ ໃຫ້ກັນ ແລະ ເພີ່ມເສັ້ນທາງ ການບິນ ແລະ ຖ້ຽວບິນ ລະຫວ່າງ ສອງຝ່າຍ, ການຮ່ວມມື ດ້ານການທ່ອງທ່ຽວ ຂ້າມຊາດ ເຕີບໂຕ ຢ່າງວ່ອງໄວ.
ຂປລ.ວິທະຍຸ-ໂທລະພາບ ສູນກາງຈີນ, ທ່ານ ລີໄທຮຸງ ຮອງຫົວໜ້າກົມ ທ່ອງທ່ຽວ ແຫ່ງຊາດ ມາເລເຊຍ ກ່າວວ່າ: ເນື່ອງໃນໂອກາດ ການພົວພັນ ລະຫວ່າງ ສປ ຈີນ-ມາເລເຊຍ ເປີດ “ຮອບ 50 ປີຄຳ” ຮອບໃໝ່, ສອງປະເທດ ໄດ້ຈັດຕັ້ງປະຕິບັດ ນະໂຍບາຍ ຍົກເວັ້ນວີຊາ ໃຫ້ກັນ ແລະ ເພີ່ມເສັ້ນທາງ ການບິນ ແລະ ຖ້ຽວບິນ ລະຫວ່າງ ສອງຝ່າຍ, ການຮ່ວມມື ດ້ານການທ່ອງທ່ຽວ ຂ້າມຊາດ ເຕີບໂຕ ຢ່າງວ່ອງໄວ. ສປ ຈີນ ໄດ້ກາຍເປັນໜຶ່ງ ໃນແຫລ່ງນັກທ່ອງທ່ຽວ ທີ່ສຳຄັນທີ່ສຸດ ຂອງມາເລເຊຍ. ຕົວເລກຂໍ້ມູນ ຈາກກົມທ່ອງທ່ຽວແຫ່ງຊາດ ມາເລເຊຍ ສະແດງໃຫ້ເຫັນວ່າ: ນັບແຕ່ ເດືອນມັງກອນ ຫາເດືອນ ສິງຫາປີນີ້, ນັກທ່ອງທ່ຽວຈີນ ທີ່ເດີນທາງໄປທ່ຽວ ມາເລເຊຍມີເຖິງ 3,28 ລ້ານເທື່ອຄົນ, ເກືອບເທົ່າກັບລະດັບ ຂອງໝົດປີກາຍ. ທ່ານ ລີໄທຮຸງ ກ່າວວ່າ: “ປີນີ້, ມາເລເຊຍ ມີຄວາມໝັ້ນໃຈ ທີ່ຈະດຶງດູດ ນັກທ່ອງທ່ຽວຈີນ ໃຫ້ໄດ້ຫລາຍກວ່າ 5 ລ້ານເທື່ອຄົນ.”ປີ 2026 ເປັນ “ປີທ່ອງທ່ຽວ” ຂອງມາເລເຊຍ, ມາເລເຊຍ ຈະໃຊ້ວິທີຕ່າງໆ ເຊັ່ນ: ສົ່ງເສີມການແກ່ຍາວ ເວລາ ພັກເຊົາ ຢູ່ມາເລເຊຍ ໃຫ້ນັກທ່ອງທ່ຽວ, ເພີ່ມຄວາມຫລາກຫລາຍ ຂອງຜະລິດຕະພັນ ທ່ອງທ່ຽວ ວັດທະນະທຳ ແລະ ນິເວດ, ເຜີຍແຜ່ເສັ້ນທາງ ທ່ອງທ່ຽວ ສຳລັບ ກຸ່ມຄົນໃນວົງແຄບ ແລະ ອື່ນໆ ເພື່ອດຶງດູດ ນັກທ່ອງທ່ຽວ ໃຫ້ໄດ້ຫລາຍກວ່າເກົ່າ ແລະ ຍົກລະດັບ ການບໍລິໂພກ ຂອງນັກທ່ອງທ່ຽວ ໃຫ້ສູງຂຶ້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
