ຂປລ
ເຄື່ອງຊ່ວຍເຫລືອ ດ້ານມະນຸດສະທຳ ສຸກເສີນ ທີ່ ສປ ຈີນ ມອບໃຫ້ ອາຟະການິດສະຖານ ງວດທຳອິດ ໄດ້ຂົນສົ່ງໄປຮອດ ນະຄອນຫລວງກາບູນ ຂອງອາຟະການິດສະຖານ.
ຂປລ.ວິທະຍຸ-ໂທລະພາບ ສູນກາງຈີນ, ເຄື່ອງຊ່ວຍເຫລືອ ດ້ານມະນຸດສະທຳ ສຸກເສີນ ທີ່ ສປ ຈີນ ມອບໃຫ້ ອາຟະການິດສະຖານ ງວດທຳອິດ ໄດ້ຂົນສົ່ງໄປຮອດ ນະຄອນຫລວງກາບູນ ຂອງອາຟະການິດສະຖານ. ເຄື່ອງຊ່ວຍເຫລືອ ກູ້ໄພງວດທຳອິດນີ້ ລວມມີເຕັ້ນ, ຜ້າຫົ່ມ ແລະ ສິ່ງຂອງທີ່ຕ້ອງການຮີບດ່ວນ ສຳລັບ ເຂດເກີດໄພພິບັດ. ທ່ານ ປ່າວຊີ້ຮຸ່ຍ ອຸປະທູດຊົ່ວຄາວຈີນ ປະຈຳ ອາຟະການິດສະຖານ ແລະ ຜູ້ອື່ນໆ ໄດ້ເຂົ້າຮ່ວມ ພິທີມອບ-ຮັບ ເຄື່ອງດັ່ງກ່າວ. ທ່ານ ປ່າວຊີ້ຮຸ່ຍ ໃຫ້ຮູ້ວ່າ: ຫລັງຈາກ ເກີດແຜ່ນດິນໄຫວ ຮຸນແຮງ ຢູ່ແຂວງຄູນາ ແລະ ແຂວງອື່ນໆ ຂອງອາຟະການິດສະຖານ, ລັດຖະບານຈີນ ໄດ້ຕົກລົງທັນທີ ເພື່ອມອບເຄື່ອງຊ່ວຍເຫລືອ ດ້ານມະນຸດສະທຳ ສຸກເສີນໃຫ້ ອາຟະການີສະຖານ. ເຊື່ອວ່າ ພາຍໃຕ້ການນຳພາ ຂອງລັດຖະບານ ອາຟະການິດສະຖານ, ປະຊາຊົນ ໃນເຂດປະສົບໄພ ຈະສາມາດຜ່ານຜ່າຄວາມຫຍຸ້ງຍາກ ແລະ ສ້າງສາບ້ານເມືອງຄືນໃໝ່ ໄດ້ໂດຍໄວ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
