ຂປລ
ທ່ານ ໂດນັນ ທຣຳ, ປະທານາທິບໍດີ ສ.ອາເມລິກາ ໄດ້ກ່າວໃນໂອກາດ ພົບປະເຈລະຈາກັບ ທ່ານ ໂວໂລດີເມຍ ເຊເລນສະກີ, ປະທານາທິບໍດີ ອູແກຣນ ແລະ ຜູ້ນຳ ຫລາຍທ່ານ ຂອງເອີຣົບ ຢູ່ທຳນຽບຂາວ
ຂປລ.ວິທະຍຸສາກົນແຫ່ງ ສປ ຈີນ, ວັນທີ 18 ສິງຫານີ້, ທ່ານ ໂດນັນ ທຣຳ, ປະທານາທິບໍດີ ສ.ອາເມລິກາ ໄດ້ກ່າວໃນໂອກາດ ພົບປະເຈລະຈາກັບ ທ່ານ ໂວໂລດີເມຍ ເຊເລນສະກີ, ປະທານາທິບໍດີ ອູແກຣນ ແລະ ຜູ້ນຳ ຫລາຍທ່ານ ຂອງເອີຣົບ ຢູ່ທຳນຽບຂາວ ໂດຍກ່າວວ່າ: ຣັດເຊຍ-ອູແກຣນ ບໍ່ຈຳເປັນຕ້ອງ ຢຸດຍິງກ່ອນ ແຕ່ສາມາດ ເຂົ້າສູ່ ການເຈລະຈາສັນຕິພາບໂດຍກົງ ແລະ ກ້າວເຖິງຂັ້ນ ເຊັນສັນຍາສັນຕິພາບ. ທ່ານ ໂດນັນ ທຣຳ ໄດ້ເຜີຍແຜ່ ຜ່ານສື່ສັງຄົມອອນລາຍວ່າ: ຕົນເອງ ໄດ້ສົນທະນາກັບ ທ່ານ ວາລາດີເມຍ ປູຕິນ, ປະທານາທິບໍດີ ຣັດເຊຍ ຜ່ານທາງ ໂທລະສັບແລ້ວ ທີ່ຈະຈັດວາງໃຫ້ທ່ານ ວາລາດີເມຍ ປູຕິນ ພົບປະກັບ ທ່ານ ເຊເລນສະກີ, ຫລັງຈາກນັ້ນ ຈະຈັດການພົບປະເຈລະຈາ ສາມຝ່າຍ ລະຫວ່າງຜູ້ນຳ ສ.ອາເມລິກາ-ຣັດເຊຍ-ອູແກຣນ. ສື່ມວນຊົນ ອາເມຣລິກາ ລາຍງານວ່າ: ທ່ານ ໂດນັນ ທຣຳ ຫວັງວ່າ ຈະຈັດການເຈລະຈາ ລະຫວ່າງ ຜູ້ນຳ ຣັດເຊຍ ແລະ ອູແກຣນ ໃນທ້າຍເດືອນສິງຫານີ້./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
