*ເພື່ອເປັນການລະນຶກເຖິງວັນດັ່ງກ່າວ, ປະຊາຊົນ ສປປ ເກົາຫລີ ກຳລັງວາງພວງມາລາເພື່ອລະນຶກເຖິງຄຸນງາມຄວາມດີຂອງສະຫາຍ ກິມ ອິນ ຊຸງ ແລະ ຫວນຄືນຄວາມຮູ້ສຶກອັນເລິກເຊິ່ງໃນການຄົ້ນຄວ້າອັນເປັນອຳມະຕະຂອງເພິ່ນໃນການປົດປ່ອຍຊາດ ແລະ ສ້າງສາປະເທດຊາດ. ສະຫາຍໄດ້ນໍາປະຊາຊົນຜ່ານຜ່າຄວາມຫຍຸ້ງຍາກລໍາບາກໃນສົງຄາມໄປສູ່ໄຊຊະນະ, ບັນລຸເປົ້າໝາຍປະຫວັດສາດຂອງການປົດປ່ອຍປະເທດຊາດ ແລະ ກໍ່ສ້າງປະເທດໃຫ້ເປັນລັດເອກະລາດອະທິປະໄຕ ແລະ ເປັນປະເທດສັງຄົມນິຍົມທີ່ໄດ້ຮັບໄຊຊະນະຂອງການປະຕິວັດຈູເຈ.
       ໃນຕົ້ນຊຸມປີແຫ່ງການປະຕິວັດຂອງຕົນ, ສະຫາຍ ກິມ ອິນ ຊຸງ ຖືຫລັກປັດຊະຍາທີ່ວ່າການເພິ່ງພາອາໄສກຳລັງຈາກຕ່າງປະເທດຈະບໍ່ນຳໄປສູ່ການປົດປ່ອຍປະເທດຊາດ, ຍຶດໝັ້ນແນວຄວາມຄິດເອກະລາດຂອງປະເທດຊາດ ແລະ ຄວາມມານະພະຍາຍາມຂອງພວກເຮົາເອງ-ແນວຄິດສຳເລັດການປະຕິວັດເກົາຫລີ ດ້ວຍກຳລັງແຮງຂອງປະຊາຊົນເກົາຫລີ. ສະຫາຍໄດ້ວາງເສັ້ນທາງອັນເປັນເອກະລັກສະເພາະຂອງການໂຮມປະເທດຊາດເປັນເອກະພາບຕ້ານສັດຕູ ແລະ ການຕໍ່ຕ້ານຂອງທຸກຄົນໃນທົ່ວປວງຊົນ, ພ້ອມທັງໄດ້ປຸກລະດົມທົ່ວປວງຊົນລຸກຮືຂຶ້ນເປັນອັນໜຶ່ງອັນດຽວກັນດ້ວຍກຳລັງອາວຸດໃນການຕໍ່ຕ້ານສັດຕູໃນທົ່ວປະເທດ, ດ້ວຍເຫດນີ້ຈຶ່ງເຮັດໃຫ້ເສັ້ນທາງປະຫວັດສາດແຫ່ງການປົດປ່ອຍປະເທດຊາດບັນລຸຜົນສຳເລັດ.
            ອາດເວົ້າໄດ້ວ່າການປົດປ່ອຍປະເທດຊາດແມ່ນການຫວນຄືນການປະຕິວັດຕໍ່ສູ້ທີ່ແກ່ຍາວມາເປັນເວລາ 20 ປີພາຍໃຕ້ການນຳພາຂອງສະຫາຍ ກິມ ອິນ ຊຸງ ພ້ອມທັງເປັນການສະຫລຸບການຕໍ່ສູ້ຂອງວິລະຊົນໃນທົ່ວປວງຊົນ. ດ້ວຍວິທີດັ່ງກ່າວນີ້, ການປົດປ່ອຍປະເທດໄດ້ນຳໄປສູ່ການກໍ່ສ້າງສັງຄົມນິຍົມທີ່ມີຈຸດໃຈກາງຂອງມະຫາຊົນ ແລະ ລັດສັງຄົມນິຍົມທີ່ເປັນອິດສະລະບໍ່ໄດ້ຮັບຜົນກະທົບຈາກການເຄື່ອນໄຫວໃດໆ. ພາຍຫລັງການປົດປ່ອຍ, ສະຫາຍ ກິມ ອິນ ຊຸງ ໄດ້ສຳເລັດ 3 ວຽກງານກໍ່ສ້າງພັກ, ລັດ ແລະ ກອງທັບໃນໄລຍະເວລາອັນສັ້ນ ແລະ ພັດທະນາປະເທດ ສປປ ເກົາຫລີ ຈາກລັດກະສິກອນທີ່ມີຄວາມຫລ້າຫລັງ, ເປັນປະເທດເອກະລາດ ແລະ ເປັນປະເທດສັງຄົມນິຍົມຈູເຈໃຫ້ໂລກມີຄວາມອິດສາ.
           ປັດຈຸບັນ  ສປປ ເກົາຫລີ ໄດ້ຮັບການຟື້ນຟູໂດຍສະຫາຍ ກິມ ອິນ ຊຸງ ແລະ ພັດທະນາໂດຍສະຫາຍ ກິມ ເຈິງ ອິນ ແມ່ນປະຕິບັດຕາມເສັ້ນທາງອັນສັກສິດຂອງການພັດທະນາຂອງຕົນພາຍໃຕ້ການນໍາພາຂອງສະຫາຍ ກິມ ເຈິງ ອຸນ ທີ່ເຄົາລົບເຊິ່ງກໍາລັງປະຕິບັດໃນພາລະກິດປະຕິວັດຂອງແບກດູທີ່ສະຫລາດສ່ອງໃສ.ຕາມຄວາມເປັນຈິງແລ້ວ, ຄວາມມຸ່ງມາດປາຖະໜາອັນຮັກຊາດທີ່ສະຫາຍ ກິມ ອິນ ຊຸງ ແລະ ສະຫາຍ ກິມ ເຈິງ ອິນ ທີ່ເຄົາລົບນັບຖື, ສະຫາຍ ກິມ ເຈິງ ອຸນ ໄດ້ວາງແຜນການສ້າງມະຫາອຳນາດໂລກໃຫ້ເຂັ້ມແຂງ ແລະ ຮຸ່ງເຮືອງຕະຫລອດໄປ ແລະ ໃນປັດຈຸບັນພວມນຳພາການຕໍ່ສູ້ໄປເຖິງຈຸດໝາຍຄືສ້າງສາປະເທດຊາດໃຫ້ຊາວໂລກມີຄວາມອິດສາ. ກຳລັງແຮງລວມແຫ່ງຊາດໄດ້ຮັບການເສີມຂະຫຍາຍຢ່າງສູງ ແລະ ສປປ ເກົາຫລີ ໄດ້ຢືນຢູ່ແຖວໜ້າຂອງປະເທດທີ່ມີຄວາມເຂັ້ມແຂງທາງດ້ານທະຫານທີ່ບໍ່ມີໃຜສາມາດຮຸກຮານ. ພາລະບົດບາດຂອງ ສປປ ເກົາຫລີ ນັບມື້ນັບສູງເດັ່ນຂຶ້ນກວ່າເກົ່າໃນເວທີພາກພື້ນ ແລະ ສາກົນ, ໂດຍສະເພາະສາຍພົວພັນມິດຕະພາບ ແລະ ຄວາມສາມັກຄີລະຫວ່າງ ສປປ ເກົາຫລີ ແລະ ບັນດາປະເທດສັງຄົມນິຍົມໄດ້ຮັບການເພີ່ມທະວີຍິ່ງໆຂຶ້ນກວ່າເກົ່າ ແລະ ຮັບປະກັນໃຫ້ການປົກປັກຮັກສາສະພາບແວດລ້ອມແຫ່ງສັນຕິພາບ ແລະ ສະຖຽນລະພາບຢູ່ແຫລມເກົາຫລີ ຢ່າງໝັ້ນຄົງ.
          ສະຫາຍ ກິມ ເຈິງ ອຸນ ໄດ້ທັບມ້າງຄວາມອວດອ້າງຂອງການກະທໍາສົງຄາມຂອງພວກຈັກກະພັດ ແລະ ປະກອບສ່ວນອັນພົ້ນເດັ່ນໃນການສ້າງສັນຕິພາບ ແລະ ສະຖຽນລະພາບຂອງໂລກ, ພາລະກິດຄວາມເປັນເອກະລາດເພື່ອມະນຸດຊາດ, ໂດຍໄດ້ຮັບການຍ້ອງຍໍສັນລະເສີນຈາກສາກົນ ແລະ ເປັນຜູ້ປົກປ້ອງທີ່ຍິ່ງໃຫຍ່ຂອງຄວາມຍຸດຕິທໍາ.