ຂປລ
ກອງປະຊຸມ ລະດັບ ລັດຖະມົນຕີ ຄັ້ງທີ 4 ຂອງເວທີປຶກສາ ຫາລື ຈີນ-ປະຊາຄົມ ປະເທດ ອາເມລິກາ ລາຕິນ ແລະ ກາຣາອິບ ຈະຈັດຂຶ້ນ ຢູ່ນະຄອນຫລວງປັກກິ່ງ ຂອງ ສປ ຈີນ ໃນວັນທີ 13 ພຶດສະພານີ້.
ຂປລ.ວິທະຍຸ ສາກົນແຫ່ງ ສປ ຈີນ, ກອງປະຊຸມ ລະດັບ ລັດຖະມົນຕີ ຄັ້ງທີ 4 ຂອງເວທີປຶກສາ ຫາລື ຈີນ-ປະຊາຄົມ ປະເທດ ອາເມລິກາ ລາຕິນ ແລະ ກາຣາອິບ ຈະຈັດຂຶ້ນ ຢູ່ນະຄອນຫລວງປັກກິ່ງ ຂອງ ສປ ຈີນ ໃນວັນທີ 13 ພຶດສະພານີ້. ທ່ານ ໝຽວເຕີຢວີ ຜູ້ຊ່ວຍລັດຖະມົນຕີ ກະຊວງ ການຕ່າງປະເທດຈີນ ໄດ້ນຳສະໜີ ສະພາບ ທີ່ກ່ຽວຂ້ອງ ຂອງກອງປະຊຸມຄັ້ງນີ້ ຈະຮັບຮອງ “ຖະແຫລງການປັກກິ່ງ” ແລະ ແຜນດຳເນີນງານຮ່ວມ ເຊິ່ງ “ຖະແຫລງການປັກກິ່ງ” ຈະສະແດງໃຫ້ເຫັນເຖິງ ຄວາມຕັດສິນໃຈ ທີ່ໝັ້ນໜຽວ ຂອງສອງຝ່າຍ ໃນດ້ານການສະແຫວງຫາ ສັນຕິພາບ, ການພັດທະນາ ແລະ ການຊຸກຍູ້ການຮ່ວມມື. ສຳລັບ ແຜນດຳເນີນງານຮ່ວມ ຈະກ່ຽວພັນເຖິງ ມາດຕະການ ລະອຽດ ຂອງການຮ່ວມມື ລະຫວ່າງ ສອງຝ່າຍ ໃນຂົງເຂດຕ່າງໆ ເປັນຕົ້ນ: ການປະດິດສ້າງ ວິທະຍາສາດ ເຕັກໂນໂລຊີ, ການລົງທຶນ ເສດຖະກິດ ການຄ້າ, ການເງິນ, ພື້ນຖານໂຄງລ່າງ, ກະສິກຳ ແລະ ສະບຽງອາຫານ, ອຸດສາຫະກຳ ແລະ ເຕັກໂນໂລຊີ ຂໍ້ມູນຂ່າວສານ, ການພັດທະນາ ພະລັງງານ ແລະ ການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”. ເອກະສານ ສອງສະບັບ ດັ່ງກ່າວ ຈະຊີ້ນຳ ການຮ່ວມມື ໂດຍລວມ ລະຫວ່າງ ສປ ຈີນ ກັບປະຊາຄົມ ປະເທດ ອາເມລິກາ ລາຕິນ ແລະ ກາຣາອິບ ໃນ 3 ປີຕໍ່ໜ້າ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
